Exposición de pintura ” Catro médicos pola Chaira” na Casa da Cultura de Vilalba

por martinho | Dic 19, 2017 | Autores/as, Novas, Xeral

O luns 18 de decembro na Casa da Cultura terá lugar ás 19.30h a inauguración da mostra pictórica “Catro médicos pola Chaira”. Esta exposición recolle traballos de catro galegos nados na provincia de Lugo e vinculados a estas terras. Leopoldo García Méndez, Pablo Galego Feal, Jesús Vázquez Gallego e Tino Cuesta compoñen este grupo de médicos lucenses unidos pola creatividade e a paixón polos pinceis.

Esta exposición permanecerá aberta ao público desde o 18 de decembro de 2017 ao 19 de xaneiro de 2018, no horario habitual da Casa da Cultura.

*Información achegada pola Área de Cultura do Concello de Vilalba.

OS BOLECHAS, UN CONTO DE NADAL no Auditorio Municipal de Vilalba

por martinho | Dic 19, 2017 | Autores/as, Novas, Xeral

Os Bolechas, “Un conto de Nadal” este venres 22 de decembro ás 18h no auditorio municipal Carmen Estévez, con entrada gratuíta.

Desta volta, os seis intrépidos irmáns e o seu can Chispa terán que resolver un misterio que pode deixar os cativos e cativas de Galicia sen os agasallos que tanto tempo levan agardando. E é que se perdeu o camelo en que os Reis Magos traían todos os galanos. Conseguirán atopalo a tempo? Seguro que, coa axuda do público, serán quen de facelo.

É preciso coller a entrada en Ataquilla.com ou na casa da Cultura, para controlar o aforo.

*Información facilitada pola Área de Cultura do Concello de Vilalba.