Este sábado, 24 de xaneiro, ás 17 hrs, Paco Nogueiras estará na Casa-Museo Manuel María co seu espectáculo C@NTO CONTIGO.
Paco Nogueiras fará un percurso por cancións dos seus traballos “Brinca Vai!”, “Radio Bulebule” e “Extra!” sacando a nosa lingua a voar de xeito lúdico e divertido. Neste GRANDES ÉXITOS hai retrousos e cancións para participar activamente, bailando sen complexos, acompañando coa voz, coas palmas ou con acenos.
O espectáculo vai dirixido para nenas e nenos e as súa familias. O billete é de dous euros e é necesario facer reserva previa en contacto@casamuseomanuelmaria.gal ou no whatsapp 698177621.