Viñetas desde o Atlántico 2024 chega ao seu fin esta fin de semana

Viñetas desde o Atlántico chega ao seu fin esta fin de semana con firmas, unha visita ás exposicións dos Premios Castelao de BD e o día grande do Festival de Autoedición Autobán, entre outras actividades

Este sábado 17, ás 10.00h, a actividade de Viñetas comeza na Sala Salvador de Madariaga coa visita guiada polas mostras dos Premios Castelao de Banda Deseñada 2023 da Deputación da Coruña: Paula Mayor, na modalidade xeral, pola súa obra Rosalía Oculta, na que aborda a versión máis humana da poeta; e Cristian F. Caruncho, merecedor do galardón na súa modalidade para público infantil e xuvenil, polo seu western O día de San Martiño

A praza de San Andrés acollerá este sábado 17, de 12.00 a 21.00h, o mercado de fanzines de Autobán, ademais dos obradoiros para todas as idades Creando personaxes máxicos!, con Paula Cheshire (12.30h), e Fai a túa Fake Riso, con Pilar Marcó (17.30h), e un concerto de Conxita Herrero e Corazón; mentres que, ás 23.30h, no Bar 13, terá lugar o Festón Post Autobán

A Rúa da BD —que permanecerá aberta de 11.00 a 14.00 e de 17.00 a 21.00h para que o público poida facerse coas novidades e os grandes clásicos do universo da BD— acollerá presentacións de libros, faladoiros e unha sesión de videoxogos da man de Alita Cómics

No Kiosco Alfonso, o sábado 17, ás 12.00h, os autores convidados de Viñetas desde o Atlántico 2024 Yeyei Gómez, Marc Torices, Kundo Krunch, Marcello Quintanilha e Manuel L. Poy firmarán exemplares dos seus libros, mentres que na Rúa da BD, nos stands das diferentes editoriais, durante toda a fin de semana sucederanse máis de medio centenar de sinaturas de figuras como Emma Ríos ou Iván Sarnago, entre outras

A xornada do domingo 18 propón, tamén, un concerto infantil de Chuches A Mil, ás 12.00h, no Palco da Música dos Xardíns de Méndez Núñez, e un encontro profesional de editores e libreiros especializados no Circo de Artesáns

A 27ª edición de Viñetas desde o Atlántico chega ao seu fin esta fin de semana con firmas, unha visita guiada ás exposicións dos Premios Castelao de BD e o día grande do Festival de Autoedición Autobán, entre outras actividades.

Este sábado 17, ás 10.00h, a actividade de Viñetas comeza na Sala Salvador de Madariaga coa visita guiada polas mostras dos Premios Castelao de Banda Deseñada 2023 da Deputación da Coruña: Paula Mayor (A Coruña, 1975), na modalidade xeral, pola súa obra Rosalía Oculta, na que aborda a versión máis humana da poeta; e Cristian F. Caruncho (Bidueiros, Couzadoiro, Ortigueira, 1997), merecedor do galardón na súa modalidade para público infantil e xuvenil, polo seu western dos porcos bravos O día de San Martiño. 

Nestas dúas mostras dos Premios Castelao de BD 2023 -abertas ata o 30 de setembro-, o público terá a oportunidade de descubrir o proceso de creación, así como orixinais e bosquexos das creacións gañadoras, nacidas da man de dúas das novas figuras a seguir da BD emerxente galega.

A praza de San Andrés acollerá este sábado 17, de 12.00 a 21.00h, o mercado de fanzines autoeditados de Autobán, ademais dos obradoiros para todas as idades Creando personaxes máxicos!, con Paula Cheshire (12.30h), e Fai a túa Fake Riso, con Pilar Marcó (17.30h), e un concerto de Conxita Herrero e Corazón; mentres que, ás 23.30h, no Bar 13, terá lugar o Festón Post Autobán.

A Rúa da BD —que permanecerá aberta este sábado e domingo de 11.00 a 14.00 e de 17.00 a 21.00h para que o público poida facerse coas novidades e os grandes clásicos do universo da BD— acollerá presentacións de libros, faladoiros e unha sesión de videoxogos da man de Alita Cómics (o sábado, ás 17.00h, no Kiosco Alfonso).

No Kiosco Alfonso, o sábado 17, ás 12.00h, os autores convidados de Viñetas desde o Atlántico 2024 Yeyei Gómez, Marc Torices, Kundo Krunch, Marcello Quintanilha e Manuel L. Poy firmarán exemplares dos seus libros, mentres que na Rúa da BD, nos stands das diferentes editoriais, durante toda a fin de semana sucederanse máis de medio centenar de sinaturas de figuras como Emma Ríos ou Iván Sarnago, entre moitas outras.

A xornada do domingo 18 propón, tamén, un concerto infantil de Chuches A Mil, ás 12.00h, no Palco da Música dos Xardíns de Méndez Núñez, e un encontro profesional de editores e libreiros especializados no Circo de Artesáns. 

Na páxina web oficial do festival, www.vinetasdesdeoatlantico.com, é posible consultar a axenda de actividades, os horarios e a información completa desta 27ª edición do festival.

AXENDA DE VIÑETAS DESDE O ATLÁNTICO 2024

Sábado 17 de agosto

Programa oficial Viñetas 2024

10.00h Sala Municipal de Exposicións Salvador de Madariaga: Visita guiada pola mostra dos Premios Castelao de BD, Paula Mayor e Cristian F. Caruncho

12.00h Kiosco Alfonso: sinaturas de Yeyei Gómez, Marc Torices, Kundo Krunch, Marcello Quintanilha e Manuel L. Poy

21.30h Circo de Artesáns: Encontro sectorial 

Autobán, Festival de Autoedición

Praza de San Andrés

12.00 – 21.00h Mercado de fanzines 

12.30h Obradoiro Creando personaxes máxicos!

14.30h Concerto de Conxita Herrero e Corazón 

17.30h Obradoiro Fai a túa Fake Riso

23.30h Festón Post Autobán (Bar 13)

Rúa da BD: Actividades

11.00 – 14.00 e 17.00 – 21.00h

Zonas de xogo infantil ‘Piratix’ e ‘Superthings’

Xogo Canto sabes de cómic e préstamo de exemplares – Stand Bibliotecas Municipais da Coruña

11.00h Kiosco Alfonso: Faladoiro Recuncho Gamer falando de videoxogos (Alita Cómics)

13.30h Kiosco Alfonso: Presentación Maia e a troita perlada, con Lucía Cid (Demo Editorial)

17.00h Kiosco Alfonso: Xogos Sesión de videoxogos (Alita Cómics) 

19.00h Kiosco Alfonso: Obradoiro Elixe (ou non) a túa propia aventura, con Diego Burdío (GP Ediciones)

Rúa da BD: Sinaturas

11.00 – 14.00 e 17.00 – 21.00h

Doc Pastor – Unrated Cómics e Juanfer Briones – GP Ediciones 

11.00h Emma Ríos – Astiberri Ediciones e Iván Sarnago – Unrated Comics

12.00h César Verdúguez – Cartem, David Braña – Unrated Comics, Iria Aldegunde – Alita Cómics, Iván Gil – Metrópolis Cómics, Jordi Bayarri – Anillo de Sirio, José Ángel Ares – A Gata Tola, Manuel Veiga – Cósmica Editorial e Weronika Hańczyc – Cascaborra Ediciones

12.30h David Graña e Pablo Prado ‘Fuco’ – Libraría Paz e Martín Romero – Astiberri Ediciones

13.00h Emma Ríos – Alita Cómics e María Jiménez – Fandogamia Editorial

17.00h Álvaro Ortiz – Astiberri Ediciones, Diego Burdío – GP Ediciones, Pablo Prado ‘Fuco’ – Cósmica Editorial, Paula Cheshire – Fandogamia Editorial e Paula Esteban – GP Ediciones

18.00h Alicia Jaraba – Nuevo Nueve, Andrés Garrido – Cartem, David Braña – Unrated Comics, Elena Andrés – Libraría Paz, Iván Gil – Metrópolis Cómics, Lucía Cid – Demo Editorial, María Jiménez – Fandogamia Editorial, Víctor L. Pinel – Nuevo Nueve e Weronika Hańczyc – Cascaborra Ediciones

18.30h Abel Álvarez – Cósmica Editorial e Manuel Veiga – Cósmica Editorial 

19.00h David Braña – Grafito Editorial, David Rubín – Astiberri Ediciones, Fran Jaraba – Alita Cómics, Iván Sarnago – Unrated Comics, Jordi Bayarri – Anillo de Sirio, Lorena Varea – Dolmen Editorial, Kundo Krunch e Manuel L. Poy – Demo Editorial

20.00h Alicia Martín Santos – Alita Cómics e Lucas Varela – Ediciones La Cúpula 

Domingo 18 de agosto

Programa oficial Viñetas 2024

12.00h Palco da Música dos Xardíns de Méndez Núñez: Concerto infantil de Chuches Amil 

14.30h Circo de Artesáns: Encontro profesional de editores e libreiros especializados

Rúa da BD: Actividades

11.00 – 14.00 e 17.00 – 21.00h

Zonas de xogo infantil ‘Piratix’ e ‘Superthings’

Xogo Canto sabes de cómic e préstamo de exemplares – Stand Bibliotecas Municipais da Coruña

17.00h Kiosco Alfonso: Faladoiro A nova revolución sexual. Percorrido do BL e o yuri en España, con Alberto Carceller (Eldritch Gate)

18.00h Kiosco Alfonso: Xogos Manga máis aló das páxinas (Astora Cómics e Eldritch Gate)

Rúa da BD: Sinaturas

11.00 – 14.00 e 17.00 – 21.00h

Doc Pastor – Unrated Cómics e Juanfer Briones – GP Ediciones

11.00h Diego Burdío – GP Ediciones e Paula Esteban – GP Ediciones

12.00h Alicia Jaraba – Nuevo Nueve, Bea Gregores – Metrópolis Cómics, César Verdúguez – Cartem, Jordi Bayarri – Anillo de Sirio e Víctor L. Pinel – Nuevo Nueve

13.00h Xulia Pisón – Alita Cómics 

18.00h Alex Martos – AGPI e Manel Cráneo – Demo Editor

MÁIS INFORMACIÓN 

https://www.vinetasdesdeoatlantico.com

2024.08.16.NP-axenda-sab-17-e-dom-18-Vinetas-2024

Exposición de pintura “Pinceladas e trazos”, de Masu Santalla Ferreiro, na Casa da Cultura de Vilalba

O mércores 21 de agosto de 2024, ás 19:00 horas, na Casa da Cultura de Vilalba, terá lugar a inauguración da Exposición PINCELADAS E TRAZOS, con pinturas de Masu Santalla Ferreiro, que organiza o IESCHA, coa colaboración do Concello de Vilalba, permanecendo aberta ao público no horario habitual da Casa da Cultura dende o 21 de agosto ao 22 de setembro de 2024.

NOTA-INFORMATIVA-EXPOSICION-MASU

O Noia Harp Fest despide a súa 11ª edición ampliando a súa proxección social

O Noia Harp Fest despide a súa 11ª edición ampliando a súa proxección social grazas á unión de arpistas e público


A dirección do Festival Internacional de Arpa Vila de Noia salienta “o agarimo e a implicación” coa que a veciñanza acolleu o evento, e valora como “exitosa” a celebración do mesmo



O Noia Harp Fest, o único evento do noroeste peninsular no que a arpa é a absoluta protagonista, bota o pano e deixa para a memoria das máis de 2.000 asistentes tres intensas xornadas ateigadas de músicas do mundo, das que o público puido gozar, de balde, en seis recintos emblemáticos da localidade.

A dirección do Festival Internacional de Arpa Vila de Noia, coñecido como Noia Harp Fest, fai este luns, 12 de agosto, balance da 11ª edición do evento, que Rodrigo Romaní, Bea Martínez e Alba Barreiro cualifican como “exitosa”. Dela salientan a boa acollida do NHF por parte da veciñanza de Noia, mais tamén a convivencia entre público -tamén chegado do estranxeiro- e arpistas, como as figuras que conformaron o cartel deste 2024: Momi Magia, Camille Levecque, Rachel Hair e Ron Jappy, Nadia Birkenstock, Solomiia Savchuk e o trío Descofar. 

Na súa 11ª edición, o Noia Harp Fest ampliou a súa proxección social grazas á unión entre artistas e asistentes; un feito posible grazas á consolidación tanto do 3º Encontro de Escolas de Arpa de Galicia, con estudantes procedentes de cinco centros de diferentes localidades, como da Foliada de Benvida. “Propostas como o Encontro do alumnado de arpa favorecen que, alén de compartir unha experiencia escénica singular, aumente a interacción entre instrumentistas dun mesmo territorio e, á vez, co seu propio público”, expón Alba Barreiro, quen lembra que as nenas e nenos que participaron na inauguración do NHF tamén tiveron ocasión de coñecer a cultura marítima de Noia grazas a unha actividade náutica.

Ademais, outro dos eventos nos que se visibilizou o incremento da participación cidadá nesta 11ª edición foi a Foliada de Benvida. “Ao ser por primeira vez na rúa, deuse un fermoso intercambio entre artistas locais, arpistas do cartel e veciñanza”, afirma Barreiro. Ao fío, Bea Martínez destaca que o festival “cada ano recibe máis mensaxes de xente que vén de fóra”. “Este ano contamos con público procedente de Francia que veu pasar a semana a Noia para descubrir, alén do cartel, o noso patrimonio cultural”, sinala Martínez, quen asevera que a resposta que recibiu a organización por parte das e dos asistentes nos diferentes recintos “foi moi positiva”. 

“Un ano máis, e xa van 11, Noia acolleu con moito cariño a celebración do festival, un evento no que a colaboración e implicación veciñal é clave para poder cumprir co seu obxectivo fundamental, como é achegar, desde a proximidade, o mundo da arpa á cidadanía”, sentencia Rodrigo Romaní, quen agradece o compromiso das institucións “quen fan posible que desde hai máis dunha década Noia sexa a capital da arpa”, como é o caso do Concello de Noia, da Deputación da Coruña, da Xunta de Galicia a través da Axencia Turismo de Galicia e de diferentes entidades colaboradoras.

Premio Portus Apostoli

Por outra banda, a dirección do Noia Harp Fest lembra que mantén aberta a convocatoria do III Premio Internacional de Composición Portus Apostoli. A obra gañadora do certame recibirá 2.500€ e a súa estrea terá lugar no 2025, na seguinte edición do evento.

Portus Apostoli, certame que conta coa colaboración do Concello de Noia, é unha proposta innovadora que pretende promover a creación de obras para arpa e orquestra e ampliar, deste xeito, o repertorio actual. A convocatoria está aberta até o 23 de decembro a todas e todos os compositores de calquera nacionalidade e sen límite de idade. Un xurado internacional, conformado por arpistas e directores de orquestra de recoñecido prestixio, será o responsable de valorar e premiar as creacións.

Cada compositora ou compositor poderá presentar unha soa obra, que deberá ser orixinal e inédita, de tema libre, deberá estar escrita para arpa e orquestra de cordas (sen medios electroacústicos) e poderá ter unha duración de entre 10 e 15 minutos. As bases pódense consultar no espazo web www.noiaharpfest.gal

Furia Sotelo e Babirusa Danza buscan 10 profesionais de danza do norte peninsular

As compañías Furia Sotelo (Galicia) e Babirusa Danza (Cantabria) a través do proxecto Cruces  de Camiño Escena Norte 2024 abren unha convocatoria dirixida a profesionais de compañías de Danza: seleccionamos 10 profesionais de compañías de danza  de Galicia, Asturias, Cantabria, Euskadi e Navarra para un encontro profesional e Laboratorio de ferramentas de creación en A Casa Vella (Amiadoso – Allariz – Ourense).

O encontro busca xerar un espazo de encontro entre compañías e profesionais dos 5 territorios, facilitando o coñecemento das realidades e contextos de cada territorio e propiciar as condicións para a creación de sinerxias e redes de cooperación entre profesionais das artes vivas e danza das 5 CCAA.

O encontro levarase a cabo a través de dúas actividades:

1.- Laboratorio de ferramentas de creación para profesionais arredor do novo proceso de creación de Babirusa Danza  “El vacío que llena” .

2.- Encontro profesional e convivencia para propiciar o diálogo arredor das diferentes realidades das cinco comunidades  autónomas implicadas no proxecto.

Levarase a cabo os días 18, 19  e 20 de outubro 2024 en A Casa Vella (Amiadoso – Allariz – Ourense). O proxecto de A Casa Vella, ubicado na aldea de Amiadoso (Allariz, Ourense) en plena Reserva da Biosfera, concíbese como un espazo de creación artística cunha forte vocación social, de interacción, mediación e dinamización do contexto rural. É tamén un centro de produción e innovación creativa para o desenvolvemento de coñecemento e de contidos culturais arredor dos retos actuais.

https://acasavella.gal/

Para a asistencia, as promotoras ofrecenbolsa de viaxe (en función da orixe), alimentación e aloxamento (espazo compartido).

O xoves 5 de setembro 2024 ás 16h por Zoom realizarase unha sesión informativa para artistas interesadas:

https://us05web.zoom.us/j/85325857571?pwd=lX6VPrtYDwkH81F9jPCMppb7RukuJ2.1

É necesaria a inscricióna través do seguinte enlace:

https://forms.gle/wFb1ABZWksTYt6G99

Prazos:

Inscrición de 12 de agosto a 12 de setembro 2024

Resolución 16 de setembro 2024 (en redes)

Este proxecto é promovido polas compañías Furia Sotelo e Babirusa Danza e financiado a través do programa Cruces de Camiño Escena Norte e INAEM. Colaboran: A Casa Vella, Escena Galega, ACEPAE Asociación de Empresa Productora de Artes Escénicas de Cantabria, Centro Cultural Montaraz, Consejería de Universidades, Igualdad, Cultura y Deporte del Gobierno de Cantabria, Palacio de Festivales e Nave del Duende.

A VIII edición do Certame Micro-Escenas M2 do FIOT xa ten finalistas

O Festival Internacional Outono de Teatro de Carballo da a coñecer os espectáculos experimentais de pequeno formato seleccionados polo xurado como finalistas do Certame Micro-Escenas M2,que poderán verse este outubro na 33º edición do FIOT

Entre as 44 propostas recibidas, as 6 pezas seleccionadas son: Respira, de Sempre Arriba; Cronopios a escena, de Carmen Domech; Rebel Rebe, de Vórtice Escénico; Wasteland, de Vaiembora; Teño un caravel no peito, de Aviva-lo; e Panos de Vinaghre, de Artesa Cía.

O Certame Micro-Escenas M2 é unha iniciativa de teatro de proximidade, a primeira creada en Galicia, que busca visualizar novos formatos e experiencias escénicas, así como apoiar a compañías e creadores emerxentes

As propostas finalistas poderán verse en espazos non convencionais e singulares de Carballo durante as fines de semana do #FIOT33: un centro de psicoloxía, un espazo cultural, una tenda de roupa, a Fonte da Cristina, un estudo de deseño gráfico e o Mercado Municipal da localidade bergantiñá

Estas pezas finalistas do VIII Certame Micro-Escenas M2recibirán unha compensación económica de 450 euros, ademais de optar, durante a celebración do FIOT, aos galardóns de Mellor Espectáculo e Mellor Interpretación, recoñecementos  que outorgará o público fioteiro finalizado o evento e que suporán outro premio de 150 euros en cada caso


A VIII edición do Certame Micro-Escenas M2 do FIOT ten xa finalistas. O Festival Internacional Outono de Teatro de Carballo deu hoxe a coñecer os nomes dos espectáculos experimentais de pequeno formato que foron seleccionados polo seu xurado de profesionais das artes escénicas como finalistas do Certame Micro-Escenas M2, que poderán verse este outubro durante a celebración da 33º edición do FIOT.

Entre as 44 propostas recibidas, as 6 pezas seleccionadas (das cales, 4 serán estreas absolutas) son: Respira, de Sempre Arriba; Cronopios a escena, de Carmen Domech; Rebel Rebe, de Vórtice Escénico; Wasteland, de Vaiembora; Teño un caravel no peito, de Aviva-lo; e Panos de Vinaghre, de Artesa Cía. 

O Certame Micro-Escenas M2 é unha iniciativa de teatro de proximidade, primeira creada en Galicia, que busca visualizar novos formatos e experiencias escénicas, así como apoiar a compañías e creadores emerxentes. As propostas finalistas neste 2024 poderán verse en espazos non convencionais e singulares de Carballo durante as fines de semana do #FIOT33: no gabinete Orixe Centro de Psicoloxía, no espazo cultural Espiral Maior Foro, na tenda de roupa Akira, na Fonte da Cristina, no estudo de deseño gráfico Ouvea Creatividade Gráfica e no Mercado Municipal. 

Estas pezas finalistas do VIII Certame Micro-Escenas M2 recibirán unha compensación económica de 450 euros, ademais de optar, durante a celebración do FIOT, aos galardóns de Mellor Espectáculo e Mellor Interpretación, recoñecementos que outorgará o público fioteiro finalizado o evento e que suporán outro premio de 150 euros en cada caso.

CALENDARIO REPRESENTACIÓNS VIII CERTAME MICRO-ESCENAS M2 NO #FIOT33

Sábado 12 de outubro

Ás 12.00 h, 13.00 h, 18.00 h e 19.00 h

SEMPRE ARRIBA

Respira

Lugar: Orixe Centro de Psicoloxía (Gran Vía, 52)

ESTREA ABSOLUTA

CARMEN DOMECH

Cronopios a escena

Lugar: Espazo cultural Espiral Maior Foro (Rúa do Sol, 34)

Sábado 19 de outubro

Ás 12.00 h, 13.00 h, 18.00 h e 19.00 h

VÓRTICE ESCÉNICO

Rebel Rebe

Lugar: Tenda de roupa Akira (Ponte, 6)

ESTREA ABSOLUTA

AVIVA-LO

Teño un caravel no peito

Lugar: Fonte da Cristina

ESTREA ABSOLUTA

Sábado 26 de outubro

Ás 12.00 h, 13.00 h, 18.00 h e 19.00 h

VAIEMBORA

Wasteland

Lugar: Ouvea Creatividade Gráfica (Gran Vía, s/n)

ESTREA ABSOLUTA

ARTESA CÍA.

Panos de Vinaghre

Lugar: Mercado Municipal (Rúa Cervantes, s/n)

UN CERTAME PIONEIRO EN GALICIA

O Certame Micro-Escenas M2 unha das súas principais liñas de programación do FIOT, que ofrece ao público a posibilidade de gozar de creacións escénicas experimentais en espazos non teatrais e singulares da localidade. Trátase do primeiro certame de microteatro que se realiza en Galicia, nacido ao abeiro do FIOT a pasada década como unha proposta específica de apoio á creación escénica de novos formatos e de compañías ou creadoras e creadores emerxentes.

As e os artistas son quen de xerar, no marco dun gran festival, novas experiencias teatrais, de pequeno formato, en contextos non habituais para a representación escénica, que contextualizan e serven de escenografía natural da obra, nos que un número moi limitado de asistentes se sitúa a curta distancia dos intérpretes. Así, á vez que difunde e visualiza o traballo das creadoras, Metro Cadrado ofrece cada ano ao público da comarca unha nova experiencia escénica, diferente ás habituais nos recintos: sen barreiras, sen artificios e desde a proximidade, que posibilita a captación de novos públicos e a implica á veciñanza en proxectos escénicos. 

O pasado mes de maio, o FIOT abriu a inscrición da oitava edición do certame, convidando ás compañías e artistas emerxentes a crear ou deseñar un espectáculo (de teatro físico, música, clown, performance, danza, manipulación de obxectos…) de entre 10 e 20 minutos, que se puidera poñer en escena, especificamente, nun espazo non teatral, entre o 5 e o 27 de outubro de 2024.

As propostas podían ser tanto pezas orixinais coma xa estreadas, aínda que o xurado do certame (composto por diferentes persoas relacionadas coas artes escénicas) tería en conta a nova creación e, especialmente, a adecuación e a interacción cos espazos ofertados e a autoría propia. Ademais, atendendo ao interese do FIOT nos proxectos e experiencias teatrais singulares que fan un uso innovador de cultura dixital e a tecnoloxía, tamén tivéronse en conta aquelas obras que empreguen medios dixitais. 

Este seis pezas finalistas seleccionadas polo xurado, unha vez representadas, recibirán unha compensación económica de 450€. Ademais, todas as obras exhibidas serán valoradas polo público asistente mediante un sistema de votacións e optarán a premios de 150€ á Mellor interpretación e ao Mellor Espectáculo. 

288 PROPOSTAS EXPERIMENTAIS RECIBIDAS EN OITO ANOS

Ao longo de este oito anos, o Certame de Micro-Escenas M2 acadou un importante éxito en canto ás propostas recibidas, tanto polo seu número (288, sumando ás 44 pezas recibidas a concurso neste 2024) como pola calidade e diversidade das pezas; sendo quen de suscitar o interese tanto de creadores individuais coma de equipos (integrados por 3-5 persoas), da veciñanza ou mesmo dos axentes económicos, comerciais ou cidadáns de Carballo que colaboraron coa cesión de espazos. Na súa traxectoria, Metro Cadrado contou con funcións, entre outros puntos, nun lavadoiro municipal, no despacho do alcalde, nunha barbería, nas fiestras da Ludoteca Municipal ou mesmo no Salón de Plenos.

20240809-NP-Finalistas-Metro-Cadrado-33FIOT

Momi Maiga, Descofar e Camille Levecque pechan este sábado a 11ª edición do Noia Harp Fest

O Claustro de San Francisco e a Praza do Tapal acollerán este sábado 10 os tres últimos directos -de acceso gratuíto ata completar capacidade dos recintos- do Festival Internacional de Arpa Vila de Noia, que bota mañá o pano

O percusionista senegalés e o trío bretón actuarán por vez primeira en Galicia no marco do evento, no que Levecque ofreceu no 2017 un exitoso espectáculo para público infantil e xuvenil 

O Noia Harp Fest despedirase este sábado da súa 11ª edición con tres concertos de altura e que terán lugar en dous espazos emblemáticos da localidade coruñesa: o Claustro de San Francisco e a Praza do Tapal. O virtuoso percusionista senegalés Momi Magia, a francesa Camille Levecque e os bretóns Descofar porán o ramo ao Festival Internacional de Arpa Vila de Noia con tres actuacións que, de seguro, quedarán para o recordo do público asistente.

A xornada comezará ás 19.00 horas coa estrea do Claustro de San Francisco (Casa do Concello) coma nova sede do Noia Harp Fest, que acollerá o recital da intérprete francesa Camille Levecque, quen volve formar parte do cartel logo da súa participación no ano 2017 co espectáculo infantil e xuvenil El arpicuento. Nesta ocasión, será un concerto íntimo -entrada de balde e libre ata completar a capacidade do espazo- no que o público do festival poderá coñecer, desde a proximidade, o traballo desta recoñecida arpista, quen ademais de actuar nas mellores salas europeas con formacións orquestrais, tamén ten colaborado con artistas como Mike Oldfield, Hélène Grimaud ou Benoit Fromanger. 

Xa pola noite, a partir das 21.00 horas, a emblemática Praza do Tapal acollerá dous directos -cuxo acceso tamén será gratuíto- nunha noite marcada pola experimentación e pola estrea en Galicia dos seus protagonistas. A sesión comezará con Descofar, un trío bretón que se define como “un híbrido do alento melódico da música bretoa, a potencia do post-rock compacto e a intensidade inmediata da improvisación”. A banda de Brest pasa da disonancia ao lirismo, e dos arpexos brillantes aos riffs ruidosos, todo coa intención de reivindicar a emoción a través do son. O seu primeiro LP, Chimera (2022), mestura temas orixinais, composicións tradicionais e cultura rock. O movemento estará garantido. 

A continuación, o peche do 11º Noia Harp Fest chegará tamén co debut en Galicia do cantante e intérprete senegalés afincado en Cataluña Momi Maiga, virtuoso da kora e atrevido compositor, quen presentará o seu primeiro disco, NIO, no que combina o jazz étnico, o flamenco e os son das súas raíces mandinka. Sobre o escenario, a partir das 22.00 horas, os sons da kora, do violín, do violonchelo, da percusión e da voz (Maiga canta principalmente en mandinka e wólof) ofrecerán unha viaxe sonora espectacular entre os límites da creación musical contemporánea e da tradición oral de Senegal.



NOIA HARP FEST

O Noia Harp Fest celebra a súa 11ª edición do 8 do ao 10 de agosto. Trátase  do único evento cultural do noroeste peninsular que ten como eixo vertebrador interpretación musical a través da arpa. Bandas e solistas chegadas de Alemaña, Escocia, Francia, Senegal e Ucraína, ademais do talento local, forman parte dun cartel ateigado de talento e pluralidade estilística. 

O Noia Harp Fest, dirixido por Rodrigo Romaní, Beatriz Martínez e Alba Barreiro, e que conta co apoio do Concello de Noia, da Xunta de Galicia a través da Axencia Turismo de Galicia e da Deputación da Coruña, ten neste 2024 seis escenarios: a Igrexa Museo de Santa María A Nova, o Teatro Coliseo Noela, o Liceo de Noia, a Praza do Tapal, o Claustro de San Francisco e a Rúa do Curro. Toda a información sobre as bandas, solistas e horarios dos concertos pódese consultar en www.noiaharpfest.gal. 

AXENDA NHF | 10 DE AGOSTO

19.00h – Claustro de San Francisco | Camille Levecque (Francia)

21.00h – Praza do Tapal | Descofar (Bretaña)

22.00h – Praza do Tapal | Momi Maiga (Senegal)

20240809-NHF-Axenda-sabado-10