No salón de actos. Actividade dirixida a público adulto. A entrada é libre ata completar a capacidade da sala
Se o principio foi a palabra, antes dela foi o son e, despois, o entendemento e transmisión da súa melodía. Velaí a Música, que brota como o río da existencia, e a Palabra, que interpreta o seu ritmo como unha danza ritual arredor do lume da intelixencia. Velaí a Poesía, palabra melódica.
“Tres mulleres na escuridade”, é o encontro dunha poeta, escritora, dramaturga, ensaísta, feminista comprometida coa cultura e a vida, dunha violinista que reserva con gusto refinado, melodías de autores internacionais e galegos, e dunha actriz e contadora de historias que desde a máis profunda admiración e emoción dá voz aos textos escollidos.
Tres mulleres pensan, senten, crean e recrean , interactúan, enlazan as súas vidas.
Dende a súa obra, Luisa Villalta, do seu violín Irina Gruia, dende o escenario a voz de Sole Felloza.
A escuridade énchese de palabras e melodías, é unha viaxe ao universo lúcido e comprometido dunha creadora singular, cada verso, texto, melodía é un paso, un xogo que deixa atrás as sombras.
Textos seleccionados de «Música Reservada», «Ruído», «Rota ao interior do ollo», «Concerto para un Home só», «Estudo das sombras» En Concreto”, “Grial do sol perdido”entre outros.
Música: Julia Dopico Vale, Rosendo Mato, Jules Massenet, Johann Sebastian Bach, Mozart, Chopin, Grieg, Shostakovich entre outros.
Sole Felloza é actriz, contadora de historias, fotógrafa, escritora e dramaturga. Actual directora do Festival Internacional de Narración Oral Atlántica, con sede en Galicia. Leva máis de 30 anos contando en festivais de América Latina, Europa e Africa.
Irina Gruia
Nada en Brasov, Romania, na coñecida rexión de Transilvania. Comeza a tocar o violín con 5 anos, sendo o inicio dunha infancia marcada pola participación en diversas actuacións por toda Europa, gañando varios premios en competicións musicais internacionais. Os seus estudos de Conservatorio Superior continúan nos Estados Unidos, onde estudia con Philip Setzer y Eugene Drucker, os dous violinistas do Emerson String Quartet. No ano 2003, Irina aproba a oposición para a «Real Filharmonía de Galicia», en Santiago de Compostela, desenvolvendo una intensa vida musical onde, ademáis das actuacións coa Real Filharmonía, Irina participa en diferentes grupos de cámara, en actos culturais e imparte clases de violín.
Dende o ano 2018 xuntas forman parte de ConcerArt un proxecto no que participan destacados músicos do país, co obxetivo de facer máis próxima a música clásica a todos os públicos..
Esta actividade conta coa colaboración da Secretaría Xeral de Política Lingüística da Xunta de Galicia.
O autor recollerá o seu Premio honorífico como Escritor Galego Universal, no marco da Gala dos Premios Follas Novas do Libro Galego 2024, que terá lugar o 11 de maio, no Teatro Principal de Santiago de Compostela.
Previamente, o venres, sexta feira, 10 de maio, a partir das 19:30 horas, na Libraría Couceiro de Santiago de Compostela (Praza de Cervantes, 6), terá lugar un coloquio coa presenza de Joseba Sarrionandia, acompañado por Cesáreo Sánchez Iglesias, presidente da AELG, e Isaac Xubín, escritor e tradutor da súa obra ao galego.
Amandine, afamada cantante do século pasado, nacida en Arromanches, rexión de Calvados, destacou máis polos seus estrafalarios chapeus que pola súa voz ou letras. Os deseños únicos da casa parisiense “La Folie des Chapeaux” eran tan grandes que ocultaban case por completo o seu rostro, eclipsando o escaso talento que a natureza lle outorgara. Cada vez que o quitaba a inspiración desvanecíase e non era capaz de interpretar unha canción. Co tempo, os seus sombreiros chegaron a fusionarse con ela nunha só identidade, transformándoa nunha icona da moda mentres a música quedaba no esquecemento.
A finais dos noventa a súa actuación no San Froilán de Lugo, nunha Praza Maior, totalmente ateigada, foi todo un acontecemento; o sombreiro que lucía quedou gravado na memoria dos espectadores. Aínda hoxe hai moitos que se lembran da asombrosa posta en escena por parte da diva francesa. Esa noite decidín imitala. Ao día seguinte acudín á Sombreirería Da Costa, na rúa Conde Pallares de Lugo e merquei o meu primeiro chapeu. Desde aquela e ata o día de hoxe, non saio da casa sen esta prenda talismán.
María Reimóndez presentará o seu último libro “A Casa do Amo”. Será ás 20:00 horas do mércores, día 15 de maio de 2024, na Casa da Cultura de Vilalba, e contará tamén coa intervención de Luz Darriba, escritora, e de Marisa Barreiro, presidenta do IESCHA.
O sábado 18 de maio (en sesións de 20 h e 21,30 h), na Casa-Escola de Peibás o grupo de teatro de Antas interpretará unha adaptación de Yerma dirixida por Patricia Coucheiro. Para poder asistir é preciso reservar entradas no tfno 619906206 ou no 661827958 porque o aforo é moi limitado.
Por outra parte, os días 6 e 7 de maio terán lugar na Facultade de Ciencias da Educación da Universidade da Coruña unhas xornadas cos resultados dos traballos de investigación educativa realizados na comarca da Ulloa froito da colaboración entre a UDC e a asociación Cuarto Mundo, coa que colaborou o IEU. Intervirá nas xornadas Patricia Coucheiro como membro de Cuarto Mundo e do IEU.
O xoves 9 de maio ás 20,30 o afamado naturalista Joaquin Araujo impartirá en Melide a conferencia “La libertad del agua”.
E o venres 10 de maio ás 19,30 haberá no Vello Cárcere de Lugo unha charla informativa sobre Altri.
