Este vindeiro sábado 2 de outubro a partir das 20:30 h. no Auditorio Municipal de Vilalba representarase a peza BERNARDA Vilalba 1975, coas actrices Celia González, Luisa Merelas e Esther Aja.
No seguinte enlace ofrécese información do devandito evento cultural.
*Información facilitada pola área de Comunicación do Concello de Vilalba.
Celebrando o Samaín
Tal e como fixemos o ano pasado, este 31 de outubro celebraremos o Samaín polas parroquias de Pacios e Baamonde. Se te queres unir á nosa “Santa Compaña”, quedaremos en Pacios sobre ás oito e media, e terás que vir cunha roupa axeitada para o ocasión: as mulleres, de negro e pano na cabeza, como se fose de loito; os homes, igualmente de negro. Tamén se pode ir de túnica negra ou similar. Iremos entonando unha “terrorífica” canción, adaptada para a ocasión pola nosa querida “meiga”, Branca Villares.
+info en https://castinheiromilenario.wordpress.com/2019/10/25/celebrando-o-samain-2019/
Touporroutou na 2ª xornada do 7º Ciclo de teatro.
Despois dalgúns problemas, temos a data definitiva para esta segunda representación do cilo de teatro. A compañía de Foz, Touporroutou, vai representar a obra “Comedia Bífida” na Casa da Cultura en Begonte a partir das sete da tarde. Unha obra para público familiar sobre o emprego da nosa língua.
+info en https://castinheiromilenario.wordpress.com/2019/10/28/7o-ciclo-de-teatro-touporroutou/
AC Castiñeiro Milenario
Pacios, 85 27373 Begonte
http://castinheiromilenario.wordpress.com
https://gl-es.facebook.com/castineiro.milenario
https://twitter.com/CastinheiroMile
https://www.flickr.com/photos/castinheiromilenario/
http://festival27373.wordpress.com/
ACTA DA CONCESIÓN DO III PREMIO AGUSTÍN FERNÁNDEZ PAZ DE NARRATIVA INFANTIL E XUVENIL POLA IGUALDADE
Reunido na Sala de Xuntas do Instituto de Estudos Chairegos, sita na Casa da Cultura de Vilalba, o sábado, día 26 de outubro de 2019, o Xurado do III Premio Agustín Fernández Paz de narrativa infantil e xuvenil pola Igualdade, convocado polo Instituto de Estudos Chairegos, o Concello de Vilalba e Edicións Xerais de Galicia, e formado por Dª Rosa Aneiros Díaz, D. Manuel Bragado Rodríguez e D. Xavier Senín Fernández,
Acordou por unanimidade outorgar dito Premio á obra titulada PLAN DE RESCATE presentada baixo o lema ou seudónimo de PLAN DE RESCATE
Unha vez aberta a plica, resultou ser a autora ANTÍA YÁÑEZ RODRÍGUEZ
ADENDA:
Noela unha rapaza de dez anos en cadeira de rodas conta a historia
protagonizada polos seus compañeiros de clase de apoio. Todos os catro
resolverán unha difícil situación que sofren o resto dos seus colegas e o
profesorado do centro. Unha aventura chea de humor e ironía onde cada un dos espazos da escola se transforma en escenario dunha inesperada operación de rescate.
E para que así conste, asinan a presente acta no lugar e data anteriormente citados,
Asdo.: Rosa Aneiros Asdo.: Manuel Bragado Asdo.: Xavier Senín
Velaquí a acta da resolución de dito premio.
Este xoves día 24 de outubro na Librería Biblos Lugo ás 20:15h acontecerá a presentación do libro “Manchas de frío”, de Sonia Arias López. Na presentación, a mencionada autora estará acompañada por:
José Carlos Ulloa, escritor e profesor.
Montserrat González Álvarez, coordinadora normalización lingüistica.
Sonsoles López Izquierdo, ex deputada provincial e nacional.
*Información achegada desde a Librería Biblos.
O vindeiro sábado 26 de outubro de 2019, a partir das 17:00 h., no Círculo Recreativo Cultural de Chantada celebrarase a presentación do libro POETAS DO REENCONTRO, cuxa autoría pertence á Irmandade Poética e Artística Galaico-Lusa.
Esta presentación encádrase dentro do II Encontro Poético Galaico-Luso en Terras de Chantada.
Contará coa intervención dos poetas que participan nesta colleita poética. E amenizarán o acto as actuacións musicais de Natalia Bilenko e Iria (Clave de Fado). Ademais terá lugar unha exposición pictórica. E de remate deste evento cultural, os que o desexen gozarán dunha cea de fraternidade.
*Información facilitada pola IRMANDADE POÉTICA GALAICO-LUSA.
O próximo 2 de novembro, ás 20.30, no Teatro Colón da Coruña teremos a oportunidade única de ver a estrea da Cantata para coro e música “As rúas do vento ceibe”, obra do mestre Rogelio Groba, o compositor galego vivo máis relevante.
A cantata está fundamentada no libro homónimo de Manuel María e, concretamente, nos poemas iniciais agrupados baixo o título “A Patria” (Mapa de Galiza, A fala, A bandeira, O escudo, A emigración e A colonia).
A prestixiosa e excelente Orquestra de Cámara Galega, dirixida por Rogelio Groba Otero, será a encarregada de interpretar esta obra, e faráo na compaña do Coro de Cámara de Pamplona/Iruñeko Ganbara Abesbatza, dirixida por David Gálvez Pintado e con máis de cen discos publicados.
A entrada é libre até completar o aforo.
*Información desde a Casa-Museo Manuel María.