O IESCHA organiza a presentación do libro UNHA NOVA OLANDA, de Antón Baamonde, que terá lugar o venres 28 de outubro de 2022, ás 20:30 h. na Casa da Cultura de Vilalba.
NOTA-INFORMATIVA_LIBRO-UNHA-NOVA-OLANDA
A Librería Biblos e Literarte Editorial organizan a presentación do libro PIL-PIL Y LACÓN CON GRELOS (Colección Letras en su punto) o vindeiro xoves, 20 de outubro, ás 19:30 horas en Lugo.
Os escritores participantes no libro son Tamara Andrés, Milagros Bará, Juan Bas, Fina Casalderrey, Javier Maura, Francisco Narla, Encar Roda, Silvida Rodríguez, Juanjo Romano y Mª Eugenia Salaverri.
O vindeiro sábado, 22 de outubro, a Asociación Recretativo Cultural de San Martiño de Pino, en colaboración coa web Caldaloba e Culturalia GZ, e o apoio da área de Cultura da Deputación Provincial de Lugo e do Concello de Cospeito e outras entidades privadas, organiza o II Magosto Cal Da Loba en Pino (Cospeito), con actividades que se desenvolverán ao longo da xornada nas proximidades da Torre de Caldaloba.
PROGRAMA DE ACTIVIDADES
Persoas premiadas no II Certame de Debuxo Infantil ”A túa Caldaloba” e no II Certame de Caligramas ”Constanza de Castro”
Vídeo promocional do II Magosto Cal Da Loba
O sábado 22 de outubro de 2022, ás 20:00 horas, no Auditorio Municipal de Vilalba celebrarase o acto de entrega do V Premio Agustín Fernández Paz de narrativa infantil e xuvenil pola Igualdade a LOIS PÉREZ, gañador polo seu libro A GRUTA DA TORRE.
NOTA_INFORMATIVA_ENTREGA-PREMIO-AFP2022-copia
Título: FELICIDADE
Felicidade. Propaganda do concepto. A palabra luída. Pronunciada en bucle por outros que non somos, outros distantes da nosa mirada. Felicidade publicada, exposta en todos os escaparates. Único obxectivo e motivo, ata a saciedade trazado como lugar de destino. A felicidade, a súa felicidade, desprezando todas as viaxes e todos os procesos, toda a non felicidade que nos habita, que nos conforma, que nos aviva.
Nesta forma nosa de estar ben a pesar das feridas. Decidindo que neste punto concreto do traxecto atopamos intres dun benestar que foxe da perfección ou da imperfección. Que non se compara con formas predefinidas. Decidindo vivos, aceptándonos na antítese.
Fuxindo do ruidoso prototipo alleo, atopamos sintonía na caída, suavidade na paciencia, harmonía na terra. E lonxe da súa felicidade, abrollan aromas de tenrura no momento.
O xurado do II Certame de Caligramas “Constanza de Castro” e do II Certame de Debuxo Infantil “A túa Caldaloba” vén de escoller a obras gañadoras en ditos certames:
II Certame de Caligramas “Constanza de Castro”:
1º Premio: “Galego é o baile, o baile Galego”, de Leire Álvarez Goris (Vilagarcía de Arousa. Pontevedra)
2º Premio: “Nós“, de Suso Díaz (Mérida, Badajoz)
II Certame de Debuxo Infantil “A túa Caldaloba”:
1º Premio: “Ao carón do lume”, de Aiala Díaz Castro (Pino, Cospeito)
2º Premio: “O mundo cando era Caldaloba”, de Duarte Mariño Torrado (Porto do Son, A Coruña)
Ámbolos certames foran convocados pola Asociación Recreativo Cultural de San Martiño de Pino, coa axuda de Caldaloba e Culturalia GZ, e a colaboración institucional da Área de Cultura da Deputación Provincial de Lugo e do Concello de Cospeito.
A entrega de premios realizarase o sábado 22 de outubro, ao carón da Torre do Caldaloba, durante a celebración do II Magosto Cal da Loba.