por martinho | Jul 3, 2020 | Creación, Literaria, Novas, Xeral
O Concello de Cospeito e a Asociación Recreativa e Cultural San Martiño de Pino, en colaboración con Culturalia GZ, convocan o III CERTAME DE POESÍA TORRE DE CALDALOBA.
As tres entidades convocadoras alédanse de poñer en marcha esta terceira edición dun certame poético que comeza a expandir as súas pólas dentro da árbore literaria galega.
Agardan que, a pesar da pandemia causada pola Covid-19, a participación siga mantendo os niveis cuantitativos e, sobre todo, cualitativos das dúas edicións precedentes. Do mesmo xeito que, tendo en conta o proceso de recesión económica que vai provocar a crise sanitaria do coronavirus, desexan apostar pola reivindicación da cultura, neste caso da literatura, na súa vertente de creación poética; e que non sexa, como sempre acontece, un dos sectores damnificados por culpa do proceso de excepcionalidade que se está a vivir en todo o mundo.
Acceso ás BASES
Enlace de PARTICIPACIÓN
por martinho | Sep 16, 2019 | Autores/as, Creación, Literaria, Novas, Xeral
O sábado, 26 de outubro, e coincidindo coa celebración do MAGOSTO, terá lugar a partir das 15 horas a II Toma Cultural da Torre do Caldaloba.
O acto, organizado pola Asociación Sociocultural de Pino e Culturalia GZ, comezará, ao redor das 15:00 h., cunha andaina desde o local social da Asociación Cultural de Pino ata chegar ao carón da mesma Torre do Caldaloba.
Alí sucederanse diversas intervencións, tanto de veciños da propia parroquia de Pino coma de persoas convidadas. Nesas intervencións agromará a historia, a poesía, a lenda… a cultura coa reivindicar este símbolo do patrimonio chairego.
Á volta, desde o lugar de Caldaloba ata o local social de Pino, quen o desexe poderá gozar coa xa mencionada celebración do MAGOSTO a partir das 21:00h.
por martinho | Jul 24, 2019 | Autores/as, Creación, Literaria, Novas, Xeral
Este mércores, 24 de xullo no salón de plenos do Concello de Cospeito, celebrouse a presentación do II Certame de Poesía TORRE DE CALDALOBA, que convocan conxuntamente o citado Concello de Cospeito, a Asociación Cultural de San Martiño de Pino, coa colaboración de Culturalia GZ.
Despois do éxito de participación da primeira edición, con máis de 50 traballos presentados, a organización agarda igualar, ou incluso incrementar, o número de participantes, así coma o alto nivel dos poemarios achegados ao certame de 2018.
As bases do presente certame aparecen recollidas no enderezo web certamepoesia.concellodecospeito.es.
O envío de orixinais rematará o 4 de outubro de 2019.
O fallo do xurado realizarase o 29 de novembro.
E a entrega de premios desta segunda edición terá lugar o 14 de decembro de 2019.
