Entrega de premios do VI Certame de Microrrelatos DÍA DO LIBRO 2024, na Casa da Cultura de Vilalba

O salón de actos da Casa da Cultura de Vilalba acolleu no mediodía deste sábado 7 de setembro a entrega de premios do VI Certame de Microrrelatos DÍA DO LIBRO 2024, que convoca anualmente o Concello de Vilalba, coa colaboración de Culturalia GZ. O acto, presidido pola concelleira de Cultura de Vilalba, Tamara Rodríguez López, contou tamén coa participación do representante do xurado, Daniel Irimia Yáñez (que falou no seu nome e no de Emma Pedreira e Mercedes Queixas Zas, tamén integrantes do xurado e que non puideron asisitir), o editor e director de Alvarellos Editora, Henrique Alvarellos, e o administrador de Culturalia GZ, Martiño Maseda, que foi o condutor de dito evento.

No acompañamento musical contouse coa participación da agrupación Buxos Verdes

A relación de persoas premiadas, que, ademais de recolleren cadanseu premio, leron o seu microrrelato, foi a seguinte:

Categoría Infantil:

3º Premio Deserto

2º Duarte Mariño Torrado, co microrrelato O poliño lector

1º Nicolás Salgueiro Alonso, co microrrelato Arquiinimigos

Categoría Xuvenil:

3º María Fernández Escaríz, co microrrelato Ondas

2º Paula Pérez Cendán, co microrrelato Soa

1º Lucía Domínguez Pereira, co microrrelato Rebelde

Categoría Adulta:

3º Carlota Millor Prado, co microrrelato Salvavidas

2º Sonia Martínez López, co microrrelato Reflector

1º Pedro Naveira Pedreira, co microrrelato Erro

As obras arriba citadas, xunto coas premiadas na edición do 2023, verán a luz o ano vindeiro nunha publicación que realizará Alvarellos Editora, editorial que tamén se encargou de levar ao prelo os dous primeiros volumes deste certame de narrativa hiperbreve que se vai consolidando no panorama literario galego.

A continuación unha ESCOLMA FOTOGRÁFICA que recolle distintos momentos da entrega de premios.

(Autoría das imaxes: Sonia García e Patricia Torrado)

Entrega de premios do V Certame de Microrrelatos DÍA DO LIBRO 2023 (Galería gráfica)

Este sábado 9 de setembro celebrouse no salón de actos da Casa da Cultura de Vilalba o acto de entrega de premios do V Certame de Microrrelatos DÍA DO LIBRO 2023, que organiza o Concello de Vilalba coa colaboración de Culturalia GZ. No acto presidido por Tamara Rodríguez, concelleira de Cultura do Concello de Vilalba, participaron Elba Veleiro, en calidade de alcaldesa de Vilalba, Martiño Maseda, administrador de Culturalia GZ, Cecilia Fernández Santomé, como integrante do xurado e Henrique Alvarellos, director de Alvarellos Editora, entidade, que publica de xeito bienal as obras que acadan premio nas distintas categorías do mencionado certame literario.

Ao longo do acto houbo o acompañamento musical do dúo formado por Esteban Cabana e Baruk Domínguez.

Lembremos que o xurado conformado por Ánxela Gracián, Armando Requeixo e Cecilia Fernández Santomé escolleron como obras gañadoras na presente edición do certame as seguintes:

Categoría Infantil:

3ºArwen Fernández García, co microrrelato “O Libro”

2º Paula Pérez Cendán,  co microrrelato “Unha noite no cemiterio”

1º  Duarte Mariño Torrado, co microrrelato “Historias da semente”

Categoría Xuvenil:

3º  Óscar Linares González, co microrrelato “O neno e a cidade”

Noa Domínguez Moreda,  co microrrelato “Memorábel”

 Berta Comesaña Alonso,  co microrrelato “CIFRAS”

Categoría Adulto:

Enrique Manuel Neira Pereira, co microrrelato “Naufraxio dobre”

2º Mª Isabel Vázquez Rodríguez,co microrrelato “Paralelas Diverxentes”

  Raquel Fernández Fernándezco microrrelato “A Vaca”

Velaquí unha pequena galería fotográfica que recolle distintos momentos da cerimonia de entrega dos premios.

*Imaxes faiclitadas por Sonia García Paredes, técnica de Cultura do Concello de Vilalba

Presentación do libro “IRMÁS. Oito diálogos contra a desmemoria” na Casa da Cultura de Vilaba [Galería fotográfica]

Onte o salón de actos da Casa da Cultura de Vilalba acolleu, con notable afluencia de público, a presentación do libro IRMÁS. Oito diálogos contra a desmemoria, editada por Alvarellos Editora, coa colaboración do Concello de Vilalba. Esta obra nace a partir do «Proxecto Irmás», impulsado por Culturalia GZ e baixo a coordinación de Beatriz Dourado.

En IRMÁS oito autoras actuais renden homenaxe a outras tantas mulleres silenciadas da época das Irmandades da Fala (1916-1936).

As autoras participantes no libro son: Eilún Del Pazo Moa, Beatriz Dourado, Cecilia Fernández Santomé, Míriam Ferradáns, Rochi Nóvoa Vázquez, Patricia Torrado Queiruga, Lupe Bao Reixa e Tamara Andrés.

As Irmás reinvidicadas son: Amalia Álvarez, Olimpia Valencia, María Luz Morales, María Miramontes, Elvira Bao, Jacinta Landa, Amparo López Jean e Teruca Bouza.

No acto deste sábado, presidido pola alcaldesa de Vilaba, Elba Veleiro, tomaron a palabra, ademais da propia alcaldesa, Beatriz Dourado, en calidade de coautora e coordinadora da obra; Martiño Maseda, representando a Culturalia GZ, entidade promotora desta iniciativa; Henrique Alvarellos, como editor da obra; e seis das oito coautoras participantes: Cecilia Fernández Santomé, Rochi Nóvoa Vázquez, Beatriz Dourado, Eilún del Pazo Moa, Lupe Bao e Patricia Torrado Queiruga. Nas súas respectivas intervencións, todas amosaron a súa congratulación por formar parte desta obra que tece irmandade reivindicativa e literaria, ademais de manifestaren o desexo plausible de que teña continuidade no tempo.

Lembrar que a capa do libro é autoría de Adolfina Mesa.

Velaquí unha galería fotográfica que recolle distintos momentos durante a presentación de onte:

*A imaxes foron facilitadas polo propio Concello de Vilalba.

Presentación da obra “IRMÁS. Oito diálogos contra a desmemoria”, de varias autoras, na Casa da Cultura de Vilalba

Este sábado presentarase en Vilalba, ás 12 h. na Casa da Cultura, o libro IRMÁS. Oito diálogos contra a desmemoria. Nesta obra, editada por Alvarellos Editora, coa axuda económica do Concello de Vilalba, oito autoras actuais renden homenaxe ás mulleres silenciadas das Irmandades da Fala (1916-1936).

As autoras participantes son: Eilún Del Pazo Moa, Beatriz Dourado, Cecilia Fernández Santomé, Míriam Ferradáns, Rochi Nóvoa Vázquez, Patricia Torrado Queiruga, Lupe Bao Reixa e Tamara Andrés.

As Irmás reinvidicadas son: Amalia Álvarez, Olimpia Valencia, María Luz Morales, María Miramontes, Elvira Bao, Jacinta Landa, Amparo López Jean e Teruca Bouza.

Esta obra nace a partir do «Proxecto Irmás», impulsado por Culturalia GZ e coordinado por Beatriz Dourado. A capa é obra de Adolfina Mesa.

NP_G_Irmas_alvarellos-ed_2023