A compañía cántabra El Tejo Producciones presentará El jardín de las posibilidades o sábado 25 no auditorio municipal vimiancés, mentres que a asturiana ZigZag Danza bailará na Mariña a súa premiada Postales rotas
A sétima edición de Camiño Escena Norte bota o pano esta fin de semana coas derradeiras funcións, que terán lugar en Vimianzo e Ribadeo. O programa de intercambio cultural a través das artes escénicas entre Galicia, Asturias, Cantabria, Euskadi, Navarra e A Rioxa chega así as últimas representacións, logo de ofrecer numerosos pases dos 18 espectáculos do seu Itinerario Constelacións en 60 sedes espalladas polos seis territorios.
En Galicia, Camiño Escena Norte -que conta co apoio da Xunta de Galicia a través da Axencia Galega das Industrias Culturais- programou desde o pasado 12 de setembro funcións tanto a ceo aberto como en recintos escénicos de Arzúa, Carballo, Foz, Lugo, Negreira, Outes, Santiago de Compostela e Vilalba. Esta fin de semana terán lugar as últimas dúas representacións nos auditorios municipais de Vimianzo e de Ribadeo.
Así, o sábado 25, a compañía cántabra de artes escénicas e audiovisuais El Tejo Producciones presentará na Terra de Soneira El jardin de las posibilidades, do dramaturgo Carlos Troyano, quen describe así a peza:”Conta Federico García Lorca nas súas Suites que el coñece un lugar marabilloso chamado
O xardín das posibilidades, alí habitan os amores que nunca foron, os fillos que non naceron e as decisións que nunca se tomaron. Se cadra alí aínda vive a súa amiga da alma Emilia Llanos, empeñada nun amor que nin sequera foi” .A obra propón un percorrido pola figura desta muiller e da investigación que iniciou con Agustín Penón para esclarecer o asasinato de Lorca.
O domingo 26 será a quenda de ZigZag Danza, a compañía asturiana de referencia en danza contemporánea que crea propostas innovadoras para todos os públicos. O seu traballo, presente en escenarios nacionais e internacionais, aposta pola emoción, a calidade e a accesibilidade, achegando a escena a públicos novos.
ZigZag Danza visitará o Auditorio Municipal Hernán Naval de Ribadeo con Postales Rotas, a súa premiada proposta de danza contemporánea para todos os públicos que aborda a realidade da migración en Asturias nos séculos XIX e XX, e coa que obtivo numerosos recoñecementos, como catro Premios Oh! das Artes Escénicas 2025 -entre eles, o de Mellor Espectáculo- ou o Premio Jovellanos á Produción Escénica 2024.
CAMIÑO ESCENA NORTE
Camiño Escena Norte nace no 2019 co obxectivo de promover o intercambio cultural a través das artes escénicas, tomando como fío condutor os roteiros históricos do Camiño de Santiago do norte da Península Ibérica. É unha iniciativa promovida polas asociacións profesionais de produtoras de artes escénicas ESCENA GALEGA (Galicia), ESCENASTURIAS (Asturias), ACEPAE (Cantabria), ESKENA (Euskadi), ESNA (Navarra) e AESCENA (A Rioxa). Todas elas, unidas, conforman a supraentidade Camiño Escena Norte Agrupación de Interese Económico, creada especificamente para o desenvolvemento, xestión e produción do proxecto.
Na súa sétima edición, Camiño Escena Norte conta no seu programa de exhibición, nomeado Itinerario Constelacións, con 18 espectáculos de teatro, danza e artes do movemento e circo que se representan en 60 sedes. Neste 2025, CEN conta co apoio económico de gobernos e institucións das seis comunidades implicadas: Xunta de Galicia, a través da Axencia Galega das Industrias Culturais (Agadic); Goberno do Principado de Asturias; Goberno de Cantabria; Goberno Vasco; Deputación Foral de Araba, Deputación Foral de Bizkaia; Deputación Foral de Gipuzkoa; Goberno de Navarra, Gobierno de La Rioja e Ministerio de Cultura. Colabora tamén a Deputación Provincial de Lugo e Vegalsa-Eroski mantense como patrocinador oficial; nun ano no que se incorpora Deleite. Ademais, CEN onta nesta edición coa colaboración especial da Asociación Te Veo de Artes Escénicas para la Infancia y la Juventud.
AXENDA 25 E 26 DE OUTUBRO | CAMIÑO ESCENA NORTE 2025
25.10, ás 20.30h | Vimianzo. Auditorio Municipal
El jardín de las posibilidades, de El Tejo Producciones (Cantabria)
Teatro. Público adulto. Venda de entradas en www.woutick.es (5€ / reducido: 2,5€)
O acto terá lugar o vindeiro domingo 26 de outubro de 2025, ás 20:00 horas, na CASA DA CULTURA DE VILALBA, e contará tamén coa actuación das canteareis LAMBE, LAMBE.
O Instituto de Estudos Chairegos, o Concello de Vilalba e Edicións Xerais de Galicia organizan o acto de entrega do VIII Premio Agustín Fernández Paz de narrativa infantil e xuvenil pola Igualdade á escritora gañadora, EVA Mª MEJUTO, polo seu libro “QUECO E KIKA”, que terá lugar o sábado 25 de outubro de 2025, ás 20:00 horas, no AUDITORIO MUNICIPAL DE VILALBA.
Lumedoloop, a nova referencia do hip hop en galego, publica Rico de Sabor, un manifesto do materialismo afectivo fronte á aritmética fría do capital. Unha denuncia, en clave de retranca, da gran contradición do noso tempo: un sistema que promete abundancia para todos mentres estruturalmente require a escaseza da maioría.
Lumedoloop, que lanzará no mes de febreiro o seu primeiro disco, é o novo proxecto de Jamas, Møu e DJ Mil; e este Rico de sabor é o primeiro lume que dan a coñecer. Sobre unha instrumental exquisita asinada por Møu, Jamas asesta unha interpretación brillante que combina ironía, precisión poética e contundencia emocional. Un manifesto e toda unha declaración de intencións que, á vez, unha carta de presentación dun proxecto sonoro de gran personalidade e impacto. “Rico de Sabor, pero non teño un puto peso”, canta Jamas.
Lumedoloop nace do encontro entre tres figuras fundamentais do hip hop galego. Por unha banda, Jamas (voz principal), un dos MCs máis carismáticos dos nosos escenarios, cun estilo que mestura contundencia e sensibilidade, posuidor dun flow natural cargado de musicalidade e forza explosiva. Pola outra, Møu (produción musical e voz), o produtor que marcou a evolución do rap en Galicia, cunha identidade sonora tan asentada coma en constante exploración. Ambos, integrantes e fundadores de Dios Ke Te Crew, alíanse neste proxecto artístico con DJ Mil (scratches e djing), virtuoso dos pratos cunha carreira consolidada cuxos cortes e seleccións son parte esencial da narrativa sonora de Lumedoloop.
Lumedoloop nace do encontro entre tres figuras fundamentais do hip hop galego. Por unha banda, Jamas (voz principal), un dos MCs máis carismáticos dos nosos escenarios, cun estilo que mestura contundencia e sensibilidade, posuidor dun flow natural cargado de musicalidade e forza explosiva. Pola outra, Møu (produción musical e voz), o produtor que marcou a evolución do rap en Galicia, cunha identidade sonora tan asentada coma en constante exploración. Ambos, integrantes e fundadores de Dios Ke Te Crew, alíanse neste proxecto artístico con DJ Mil (scratches e djing), virtuoso dos pratos cunha carreira consolidada cuxos cortes e seleccións son parte esencial da narrativa sonora de Lumedoloop.
O artista vigués Álex Cassen lanzou hoxe Culpable, un adianto do seu primeiro disco, que é unha canción pop con reminiscencias de funky onde Álex Cassen retrata a forza do desexo e a intensidade dun amor prohibido. Cun ritmo fresco e dinámico, o tema convértese nun relato sonoro de atracción inevitable. Este lanzamento marca o inicio dun novo capítulo na traxectoria do artista, servindo como adianto do seu primeiro disco, que verá a luz o vindeiro ano.
ESTE TEMA MARCA UN NOVO COMEZO NA CARREIRA DA ARTISTA
Alizza volta con forza a atoparse coa súa música en Candles, o seu novo sinxelo. Nel, a madrileña busca levar ao público a eses momentos de cansazo emocional nos que estás rodeada de xente, mais sénteste soa. Baixo ese contexto, é onde aparece unha persoa que non encaixa nese baleiro e representa esa calma no medio do ruído, que fai que volvas estar presente. Con estas bases, a cantante presenta un tema que combina ritmos animados de funk con voces máis achegadas ao soul, onde, desde a vulnerabilidade, expresa o importante que é atopar a esa persoa que che dá luz pero que non te rescata, senón que te inspira a mirarte con máis amor e comezar a sandar desde dentro.
Durante o proceso de composición, Alizza viviu momentos complexos e á vez reveladores, nos que sentía que debía xustificarse por non encaixar en certos espazos, pero eses pensamentos fóronse disolvendo e aclarando a medida que foi atopando esa luz de quen che fai sentir como na casa. Tras anos buscando novos sons e novas formas de canalizar a súa música, a cantante recoñece que nunca deixou de compoñer, e que tras un tempo de introspección que a mantivo afastada dos focos e os escenarios, a música sempre estivo con ela, nunca desaparecendo, senón máis ben cambiando de lugar e contexto.
Candles vén acompañado dun videoclip realizado por Rare Audiovisual e dirixido por Omar Romero, no que se representa a tres versións dunha mesma persoa que configuran tres etapas distintas da vida, simbolizando a importancia de coidar, respectar e terlle agarimo tanto á nena que fuches como á muller na que te converterás. Unha reflexión de amor propio e un proceso de aprendizaxe nos auto-coidados que chegou da man desa persoa que che achega luz, e que te convida á reconciliación contigo mesma.
MÁIS SOBRE ALIZZA
Fusionando sons do pop alternativo e R&B contemporáneo xorde a figura de Alizza, unha das voces emerxentes máis prometedoras da escena. Con sensibilidades introspectivas, a artista madrileña constrúe atmosferas envolventes que se complementan con letras intimistas para servir de voz ás novas xeracións. Irrompendo con forza no panorama, Alizza faise oco con producións modernas e traballadas que se afastan do establecido con personalidade.
Tras os seus primeiros sinxelos publicados, nos que traballou man a man na produción dos temas xunto ao seu pai, Pulpul, cantante da banda Ska-P, a artista está a traballar nos seus seguintes traballos, buscando que a personalidade e calidade das súas producións siga afianzando a súa condición como un dos grandes talentos da escena emerxente estatal.
