por martinho | Feb 24, 2019 | Autores/as, Literaria, Novas, Xeral
Ao redor do mediodía deste 24 de febreiro de 2019, no Museo das Aves de Cospeito, e organizado por Culturalia GZ e polo Concello de Cospeito e coa colaboración da AELG, tivo lugar un recital poético para conmemorar o DÍA DE ROSALÍA DE CASTRO 2019.
Baixo a presentación do escritor Martiño Maseda, en representación de Culturalia GZ, decenas de persoas, entre poetas participantes e público asistente, congregáronse na Sala de Exposicións do Museo das Aves de Cospeito co gallo de celebrar o 182º aniversario de nacemento da grande poeta Rosalía de Castro. Poetas achegados de distintos lugares (Ana Mar Fraga Rábade, Branca Villar, Adolfina Mesa, Iria López, Luz Airado Bello, Valentín Sanjurjo, Emilia Martínez Fuentes, José Carlos Ulloa García, Pilar Maseda) mesturaron as súas voces coas de estudantes do colexio de Cospeito (algúns dos cales recitaron acompañados das súas nais poemas propios ou da autora homenaxeada), e coas doutras persoas que quixeron pousar a súa voz nos versos rosalianos, creándose unha fonda atmósfera emocional. Ao remate de cada un dos recitados, as persoas participantes recibían de parte do Concello o agasallo dun diploma acreditativo da súa participación no evento poético, así coma un folleto, con marcapáxinas incluído, obsequiado pola AELG e que contiña o Manifesto feito nesta edición de 2019 pola escritora Ana Romaní. Lembrar que tanto o diploma de participación coma o cartel difusor do evento foron realizados pola artista Adolfina Mesa, tomando como referencia unha imaxe de Rosalía de Castro tratada dixitalmente.
Deu conclusión ao acto houbo un pequeno ágape, xentileza do Concello de Cospeito, para participantes e asistentes a este Día de Rosalía de Castro 2019 na Vila de Valverde.
A continuación unha galería fotográfica que reflicte distintos momentos acontecidos neste recital poético.
por martinho | Feb 18, 2019 | Autores/as, Literaria, Novas, Xeral
Este sábado, 23 de febreiro, ás 20 hrs, no auditorio da Casa-Museo Manuel María, Elsinor Teatro presentará O PALCO E AS LÚAS, escrita e dirixida por Manuel Lourenzo.
“O palco e as lúas”, de unha hora de duración, está composta por catro pezas breves (Zanzíbar, Postulantes, Noite pecha e A terraza), interpretadas polo propio Manuel Lourenzo, Cristina Fuentes, Margot R. Alvarado, Carme Martínez, Xosé Martínez e Xulia Miguel.
Fundado en 1990 como grupo independente e autoxestionado, Elsinor Teatro ten como obxectivo a práctica dun teatro do noso tempo, libre de imposicións e atento a un diálogo fértil cos espectadores. Caracteriza o grupo a exploración de linguaxes, tanto do punto de vista literario ou actoral, canto do puramente escénico. Na súa historia, o grupo tivo dúas etapas: a primeira, do 1990 ao 1998, e a segunda, do 2013 ao momento actual. En ambos os dous casos, abunda na produción de formas breves de teatro, con poucos intérpretes e unhas linguaxes innovadoras.
A sipnose das pezas é a seguinte:
Zanzíbar: dúas mulleres proxectan unha viaxe a Zanzíbar, no oriente africano…
Postulantes: a Cidade está aberta. Non hai segredos para ninguén. Todo o que se ocultaba salta co estalar da luz. Todos postulan. Todos queren atinxir… o paraíso?
Noite Pecha: Marta sae a tirar o lixo cando se atopa cunha veciña que a retén con preguntas as que ela non desexa responder. Cales son os segredos que non queren que saiban as veciñas?
A Terraza: nunha terraza con vistas ao mar, dúas amigas esperan a chegada dunha terceira, que ven de viaxar polas illas gregas. Casualmente, un músico chama a atención da recén chegada.
A entrada é libre até encher o aforo. As persoas interesadas en asistiren poden reservar en contacto@casamuseomanuelmaria.gal ou no tel. 698177621.
*Información achegada desde a Cass-Museo Manuel María.
por martinho | Feb 18, 2019 | Autores/as, Literaria, Novas, Xeral
Velaí cartaz e nota informando do acto de presentación do libro “La conexión gallega, del tabaco a la cocaína” , de Perfecto Conde, que organizan o Iescha e Amigos de Prisciliano coa colaboración do Concello de Vilalba, e que será lugar o venres, día 22 de febrero de 2019, ás 20:30 horas, na Casa da Cultura de Vilalba.
*Información facilitada dende o IESCHA.
por martinho | Feb 18, 2019 | Autores/as, Literaria, Novas, Publicacións, Xeral
Despois da publicación en Culturalia GZ de dous ensaios sobre o poeta Luís Serguilha, Ana Maria Oliveira volve deleitarnos con Dez Poemas, (véxaxe enlace anterior) un pequeno poemario no que nos amosa a súa riqueza expresiva ao tempo que vai creando en cada poema individual un itinerario de emocións, sempre en estado latexante.
Tomando literalmente palabras remitidas pola propia autora podemos esbozar unha imaxe biobibliográfica da mesma:
Ana Maria Rodrigues Oliveira nasceu a 17 de Fevereiro de 1960, em Portugal, no Alto Alentejo no distrito de Portalegre e concelho de Castelo de Vide.
Antes de completar um ano de idade veio com os pais viver para a zona de Cascais e aí tem vivido desde então.
Em 1986 finalizou a licenciatura em Filosofia na Faculdade de Ciências sociais e humanas de Lisboa. Licenciatura que lhe permitiu dar aulas de filosofia durante alguns anos.
Edita o seu primeiro livro de poesia em 2008 através da Corpos Editora “Grito de liberdade”. Este livro é uma forma de partilhar emoções e vivências, encarando a poesia como uma catarse. Dedica este livro a todas as mulheres, pela luta e determinação com que enfrentam as adversidades de uma sociedade que ainda manipula e escraviza.
Ainda no mesmo ano participa em duas coletâneas: Uma de Prosa e Poesia “A arte pela escrita” da editora Escritartes e a outra, “Poemas sem fronteiras” “Ora, vejamos…2008” Editora LULU de Leiria que faz uma recolha impressionante da poesia contemporânea. Nesta última Ana Maria Oliveira obtém o prémio da Menção honrosa com o seu poema “Farsa”.
Escreve no site de poesia Luso poemas onde tem parte dos seus trabalhos.
Faz uma edição de autor “Espírito Guerreiro” o seu segundo livro de poesia, em 2014.
Mantem alguns sites onde divulga a sua escrita.
Ultimamente mantem-se ligada ao projeto “Filosofia para crianças”.
http://paula-esperar.blogspot.pt/
http://www.assinaturaeletromagnética.blogspot.com
https://devirquantico.blogspot.pt/
*Autoría da imaxe do fotoxornalista José Lorvão .
por martinho | Feb 15, 2019 | Autores/as, Creación, Literaria, Publicacións, Xeral
André Da Ponte ofrécenos, desta volta, unha versión en galego-portugués o poema Vladimir Ilich Lenine, de Vladimir Maiakovski.
O lector terá a oportunidade de gozar coa versión e o orixinal deste poema no seguinte arquivo anexo.
Ademais dunha pequena introdución e unha mínima bibliografía -que foi usada para a redación do itinerario vital do xenial poeta-, acompañando todo con notas sobre personaxes, lugares e acontecementos históricos que resultan difíciles para o lector galego. Segundo a opinión do propio André Da Ponte atopámonos diante dun exemplo de poema épico deste poeta ruso que marcou con intensidade non só a literatura rusa moderna, mais tamén a universal.
Nesta edición en PDF obsérvase a particularidade de que se a xente desexa imprimir o libro, pode confrontar o texto en ruso, que sempre ficará á esquerda da impresión, co texto en galego que ha de ficar sempre á dereita.
por martinho | Feb 13, 2019 | Autores/as, Literaria, Novas, Xeral
O vindeiro 30 de marzo, na Livraria Poetria no Porto, terá lugar un desembarco de poesía galega (Roi Vidal, Xabier Xil, Paula Carballeira, Raúl Gomez Pato, Rosalía Fernández Rial, Eduardo Estévez, Suso Díaz e Quico Cadaval) co gallo de tentar arrincar algúns marcos que impiden que a poesía salte lindes.
O espazo da Livraria Poetria será escaso, así que haberá que ocupar todas as Galerías Lumiere. E xa se verá se estas tamén quedan pequenas.
O correr vinho do Porto e o fluír do licor café han de calmar todas as emocións.
*Información facilitada por Francisco Macías (Edicións Positivas).
