por martinho | Oct 29, 2019 | Autores/as, Creación, Literaria, Novas, Xeral
ACTA DA CONCESIÓN DO III PREMIO AGUSTÍN FERNÁNDEZ PAZ DE NARRATIVA INFANTIL E XUVENIL POLA IGUALDADE
Reunido na Sala de Xuntas do Instituto de Estudos Chairegos, sita na Casa da Cultura de Vilalba, o sábado, día 26 de outubro de 2019, o Xurado do III Premio Agustín Fernández Paz de narrativa infantil e xuvenil pola Igualdade, convocado polo Instituto de Estudos Chairegos, o Concello de Vilalba e Edicións Xerais de Galicia, e formado por Dª Rosa Aneiros Díaz, D. Manuel Bragado Rodríguez e D. Xavier Senín Fernández,
Acordou por unanimidade outorgar dito Premio á obra titulada PLAN DE RESCATE presentada baixo o lema ou seudónimo de PLAN DE RESCATE
Unha vez aberta a plica, resultou ser a autora ANTÍA YÁÑEZ RODRÍGUEZ
ADENDA:
Noela unha rapaza de dez anos en cadeira de rodas conta a historia
protagonizada polos seus compañeiros de clase de apoio. Todos os catro
resolverán unha difícil situación que sofren o resto dos seus colegas e o
profesorado do centro. Unha aventura chea de humor e ironía onde cada un dos espazos da escola se transforma en escenario dunha inesperada operación de rescate.
E para que así conste, asinan a presente acta no lugar e data anteriormente citados,
Asdo.: Rosa Aneiros Asdo.: Manuel Bragado Asdo.: Xavier Senín
Velaquí a acta da resolución de dito premio.
por martinho | Oct 23, 2019 | Autores/as, Creación, Literaria, Novas, Xeral
Este xoves día 24 de outubro na Librería Biblos Lugo ás 20:15h acontecerá a presentación do libro “Manchas de frío”, de Sonia Arias López. Na presentación, a mencionada autora estará acompañada por:
José Carlos Ulloa, escritor e profesor.
Montserrat González Álvarez, coordinadora normalización lingüistica.
Sonsoles López Izquierdo, ex deputada provincial e nacional.
*Información achegada desde a Librería Biblos.
por martinho | Oct 22, 2019 | Autores/as, Creación, Literaria, Novas, Xeral
O vindeiro sábado 26 de outubro de 2019, a partir das 17:00 h., no Círculo Recreativo Cultural de Chantada celebrarase a presentación do libro POETAS DO REENCONTRO, cuxa autoría pertence á Irmandade Poética e Artística Galaico-Lusa.
Esta presentación encádrase dentro do II Encontro Poético Galaico-Luso en Terras de Chantada.
Contará coa intervención dos poetas que participan nesta colleita poética. E amenizarán o acto as actuacións musicais de Natalia Bilenko e Iria (Clave de Fado). Ademais terá lugar unha exposición pictórica. E de remate deste evento cultural, os que o desexen gozarán dunha cea de fraternidade.
*Información facilitada pola IRMANDADE POÉTICA GALAICO-LUSA.
por martinho | Oct 22, 2019 | Autores/as, Creación, Literaria, Novas, Xeral
O próximo 2 de novembro, ás 20.30, no Teatro Colón da Coruña teremos a oportunidade única de ver a estrea da Cantata para coro e música “As rúas do vento ceibe”, obra do mestre Rogelio Groba, o compositor galego vivo máis relevante.
A cantata está fundamentada no libro homónimo de Manuel María e, concretamente, nos poemas iniciais agrupados baixo o título “A Patria” (Mapa de Galiza, A fala, A bandeira, O escudo, A emigración e A colonia).
A prestixiosa e excelente Orquestra de Cámara Galega, dirixida por Rogelio Groba Otero, será a encarregada de interpretar esta obra, e faráo na compaña do Coro de Cámara de Pamplona/Iruñeko Ganbara Abesbatza, dirixida por David Gálvez Pintado e con máis de cen discos publicados.
A entrada é libre até completar o aforo.
*Información desde a Casa-Museo Manuel María.
por martinho | Oct 21, 2019 | Autores/as, Creación, Literaria, Novas, Xeral
Desde a Secretaría Técnica da AELG anúncianse as seguites actividades para a semana do 21 de outubro ata o 27 de outubro de 2019:
- Este luns 21 de outubro, ás 18.00, conferencia do Ciclo de Literatura Infantil e Xuvenil. (Entre)textualidades. Imaxes, textos e outras expresións artísticas, a cargo de Jacobo Fernández Serrano e con título En que forno estaba o teu ?, na Sala multiusos Emilia Pardo Bazán do Edificio Facultades do Campus As Lagoas (Ourense) da Universidade de Vigo.
- O venres 25 de outubro, Gala dos Premios Mestras e Mestres da Memoria 2019, no Centro Cultural Vello Cárcere da cidade de Lugo (Av. Alcalde Anxo López Pérez, 34 –como chegar) ás 19.00. Nesta sétima edición dos “Premios Mestra e Mestre da Memoria” (cuarta edición da Gala) Dorothé Schubarth e a Pablo Quintana recibirán os diplomas que os acreditan como Mestra e Mestre da Memoria, previa lectura das laudatios correspondentes a cada unha/un delas/es, a cargo respectivamente de Antón Santamarina e Xosé Luís Freire.
- O sábado 26 de outubro:
- A partir das 10.15, tamén en Lugo, neste caso no salon de actos do edificio da Deputación, XII Xornada de Literatura de Tradición Oral. Rimas e letras da música popular. Do Romanceiro tradicional ao bravú. Consulta na web as modalidades de inscrición, aberta até o 24 de outubro.
- Ás 11.30, un novo Paseo pola Pontevedra Literaria, neste caso a cargo de Elena Gallego Abad, con título Pontevedra Dragaliana. Dragóns e recunchos máxicos na Pontevedra vella. Para se inscribir é necesario enviar a solicitude a pontevedraliteraria@gmail.com. A inscrición farase por orde de chegada ao correo electrónico. Prazas limitadas: 50 persoas.
- Ás 12.00 comezan os Paseos pola Coruña Literaria Outono 2019, coa proposta A Coruña: cartografía con puntos de fuga a cargo de Dores Tembrás. A inscrición pódese facer en Normalización Lingüística, no Centro Ágora, chamando ao 981 184 200 ext. 34322 (a partir das 9:00 h, en calquera dos casos) e no correo lingua@coruna.es. Adiantámosche que o luns 28 abrirá o prazo de inscrición no segundo dos paseos, o proposto por Tito Pérez, Un paseo polo barrio.
Informamos de que xa está aberto o prazo de inscrición da IV Xornada da Sección de Literatura Dramática. Cartografías da palabra en acción, a celebrar na Coruña o 23 de novembro, sábado.
*Información achegada desde a Secretaría Técnica da AELG
Asociación de Escritoras e Escritores en Lingua Galega
Avda. Alfonso Molina, s/n, Edif. de Sindicatos, 8º
15008 - A Coruña
981 133 233 / 696 581 971
oficina@aelg.org
aelg.gal
/axendacultural.aelg.galfacebook.com/aelg.org
twitter.com/aelg
por martinho | Oct 4, 2019 | Autores/as, Creación, Literaria, Novas, Xeral
Desde a AELG infórmase de que están abertos os prazos para se inscribir en:
Sábado, 12 de outubro
Ás 17:00, en Taboada, na Casa do Romualdo, (Vilar, 6 – Vilela –como chegar), con entrada libre, Polafía en Taboada. Historias de cabezóns e loitadoras.
Nesta ocasión haberá
a posibilidade de gozar dun programa previo que podedes consultar na web da
Polafía e para o que se hai que anotar.
Sábado, 26 de outubro
Desde as 10.15 no Salón de actos da Deputación de Lugo (Rúa San Marcos, 8 –como chegar), XII Xornada de Literatura de Tradición Oral. Rimas e letras da música popular. Do Romanceiro tradicional ao bravú. Entrada libre.
Neste caso hai dúas
modalidades de inscrición:
1. Para o profesorado do ensino non universitario e futuros/as ensinantes do ensino non universitario, a matrícula, gratuíta, farase desde o 3 de outubro até o 24 de outubro a través da web da Asociación Sócio-Pedagóxica Galega.
2. Para as persoas que non estean nesas circunstancias ou que non lles interese o certificado homologado, deberán incribirse dirixíndose á secretaría técnica da AELG desde o 3 de outubro até o 24 de outubro a través do correo oficina@aelg.org ou o teléfono 981 133 233 (de luns a venres, en horario de 9.00 a 14.30), e a Asociación de Escritoras e Escritores emitiralles un diploma acreditativo de asistencia.
*Información achegada desde a Secretaría Técnica da AELG.
