O Roteiro A Coruña de Luísa Villalta: límite exterior, guiado por María Casar, presidenta da A. C. Ergueitas, vai ter lugar finalmente o sábado 16 de maio, a partir das 18:00 horas, na cidade da Coruña, tendo como punto de saída tendo como punto de partida a estatua de Emilia Pardo Bazán, nos Xardíns de Méndez Núñez. Agradecemos que as persoas interesadas se inscriban previamente no correo electrónico oficina@aelg.org, indicando o seu nome e apelidos. A inscrición realizarase por orde cronolóxica de chegada das solicitudes.
Esta iniciativa da AELG pretende dar a coñecer as cidades e vilas do país da man das nosas escritoras e escritores, que exercen de guías tomando como base obras propias ou alleas vinculadas a eses espazos. Deste xeito, posibilítase que a cidadanía goce persoalmente dos espazos físicos na súa relación coa memoria literaria.
A actividade conta co apoio do Concello da Coruña.
Máis información aquí: https://www.aelg.gal/actividades/paseos-literarios/2024/4/27/a-coruna-de-luisa-villalta-limite-exterior