por martinho | Nov 8, 2017 | Autores/as, Novas, Xeral
Afundación, ABANCA e o Concello de Vilalba presentan a exposición «Unha mirada de antano: Fotografías de Ruth Matilda Anderson en Galicia», que lucirá do 9 de novembro ao 9 de decembro na Sala de exposicións da Casa da Cultura de Vilalba.
Pódese visitar de luns a venres de 11h a 13h e de 17.30h a 21.00h. E os sábados de 11h a 13h.
A inauguración e visita guiada da mostra terá lugar este xoves 9 de novembro ás 20.00 h na Sala de exposicións da Casa da Cultura.
Nos seguintes enlaces aparecen os datos relativos á exposición: Invitación, Cartel anunciador e Folleto informativo.
*Información facilitada pola Área de Cultura do Concello de Vilalba.
por martinho | Nov 1, 2017 | Autores/as, Novas, Xeral
Cuarta función teatral incluída nos II SÁBADOS DE TEATRO que organiza o IESCHA, prevista para o vindeiro venres, 3 de novembro de 2017, ás 21:00 horas (non ás 20:30, como inicialmente estaba anunciado), no Auditorio Municipal de Vilalba, con entrada libre e gratuita.
Neste enlace aparece información do citado evento cultural.
4ª FUNCIÓN
VENRES, 3 DE NOVEMBRO DE 2017, ÁS 21:00 h., NO AUDITORIO DE VILALBA
VODAS DE SANGUE, Escola Municipal de Teatro de Vilalba
*Información facilitada polo IESCHA.
por martinho | Nov 1, 2017 | Autores/as, Literaria, Novas, Xeral
Este venres 3 de novembro, a partir das 20:15 h. na Casa da Cultura de Vilalba, o escritor chantadino Xosé Lois García presentará o seu libro No soño dos ollos. Os textos de dito libro van acompañados coas ilustracións realizadas por María Guerrero.
No acto de presentación participarán, ademais do autor e da ilustradora, Héitor Picallo, que é o prologuista do libro, Matías Rodríguez, escritor e profesor e Agustín Baamonde, como alcalde de Vilalba.
por martinho | Nov 1, 2017 | Autores/as, Literaria, Novas, Xeral
O escritor ferrolán Alberte Momán Noval vén de publicar na editorial Belagua o seu último libro de poemas, que leva o título impactante de Tripas.
Velaquí datos relativos a dito poemario e uns apuntamentos que nos aproximan ao contido do mesmo:
Tripas
Alberte Momán Noval (Ferrol. 1976)
Belagua Ediciones. 2017
www.belaguaediciones.com
Edición bilingüe Gallego/Español
Facer visibles as tripas, todo o que de forma natural permanece agochado, non é fácil, nin sequera conveniente. Transparentar os tecidos que recobren o oculto significa evitar as precaucións inherentes ao instinto de supervivencia, espirse no máis cru inverno dunha periferia universal e fragmentada. Deixar constancia da dor, da mácula coa que o sangue escurece as superficies é, en esencia, morrer para deixar paso ao mito, ao que nunca foi pero que permanece.
Hacer visibles las tripas, todo lo que de forma natural permanece escondido, no es fácil, ni siquiera conveniente. Transparentar los tejidos que recubren lo oculto significa evitar las precauciones inherentes al instinto de supervivencia, desnudarse en el más crudo invierno de una periferia universal y fragmentada. Dejar constancia del dolor, de la mácula con la que la sangre oscurece las superficies es, en esencia, morir para dejar paso al mito, a lo que nunca fue pero que permanece.
*Información facilitada polo propio autor.
por martinho | Oct 31, 2017 | Autores/as, Literaria, Novas, Xeral
O sábado 4 de Novembro Recital de Poesía ás 7:30 da tarde na Libraría Biblos e no Local da Sociedade Lar de Unta no que participarán:
YOLANDA PASCUAL, PAS VERES, DANIEL CALVETE, ANTÓN DE GUIZÁN, MARISA GARCÍA, JUDIÑA DE LEA, MARIA PEREIRA, MONCHO BOUZAS, BRANCA VILLAR, JOSÉ CARPENTER E MARTIÑO MASEDA.
Presentarase o poemario publicado na rede Vinte: Poesía Argonauta de Moncho Bouzas, ilustrado con fotografías do Biólogo e divulgador científico Xurxo Mariño e obras da pintora Amalia Costa. É a recompilación de vinte vellos poemas escritos no século pasado, todos eles lidos en recitais do Batallón Literario da Costa da Morte polo autor, e que agora ven a luz en homenaxe ao recentemente falecido poeta e percebeiro Paco Souto.
O recital de poesía, que conta coa participación do poeta vilalbés Martiño Maseda, forma parte dunha iniciativa de dinamización da creación e divulgación da poesía, froito da cooperación de creadores de Betanzos que impulsan a proposta de constitución dun Grupo Poético nas Mariñas coa NPG Nova Poesía Guitirica. A Chaira e As Mariñas baixo o lema Forza e Medre a Poesía!!, concorren nun recital de poesía no Casco Histórico de Betanzos. O recital está organizado pola Sociedade Gastronómica, Cultural, Xuvenil e Deportiva Lar de Unta e conta coa colaboración da Libraría Biblos.
*Información facilitada por Moncho Bouzas.
por martinho | Oct 31, 2017 | Autores/as, Literaria, Novas, Xeral
O próximo sábado bota a andar en Betanzos um novo grupo poético-VINTE, poesía argonauta- con un recital no espazo literário Bíblos e na Asociación Lar de Unta nun acto poético no que participará poetas do novo grupo, da NPG Nova Poesia Guitirica e o poeta vilalbés Martiño Maseda. A dinámica literária chairega achega o seu apoio a iniciativas da comarca veciña e sentabvias de colaboración cultural para o futuro con esta nova iniciativa, espello da NPG, que xa ten participado de numerosas actividades fora da comarca e que prepara para o 2 de decembro nos Vilares a entrega de prémios do Certame <VILARIÑAS> de micropoemas. Adxuntamos enlace de informação do recital e cartel do mesmo:
https://poemasenfollaimpar.wordpress.com/2017/10/24/recital-de-poesia/
Os Vilares, lareira de soños
dosvilares@gmail.com
+34 662 183 149
www.dosvilares.com
www.facebook.com/osvilares
twitter@dosvilares1
