por martinho | Feb 19, 2018 | Autores/as, Novas, Xeral
Vive e disfruta en Familia deste novo Musical de Peter Pan que te fará sentir coma un neno. Non o podes perder!
Wendy agarda observando dende a xanela da súa habitación que ocorra algo. Ten medo de medrar de súpeto. Cando está a piques de durmir, Peter Pan, o heroe dos seus contos, achégase e móstralle un mundo que xamais imaxinaría.
Da man de Campanilla viaxará a Nunca Xamais: un lugar de fadas e piratas. Cantando e planexando trasnadas xunto aos nenos perdidos, enfrontándose ao famoso Capitán Garfio.
Data: Sábado 3 de marzo de 2018
Lugar: Auditorio Carmen Estévez
Hora: 17:00h
Prezos: venda anticipada 12€ / O día da actuación 15€ (en Ataquilla.com e na Casa da Cultura).
Duración: 1H 15MIN
Cesión de sala segundo Ordenanza municipal nº 45.
por martinho | Feb 19, 2018 | Autores/as, Novas, Xeral
Por primeira vez de xira en España o espectáculo Boriska.
Un show diferente onde se mistura a música, o baile, o humor, o mundo circense e o xogo xunto aos personaxes preferidos de todos os nenos.
Boriska conta con grandes e sorprendentes artistas e moitas novidades que os farán pasar una tarde incrible,90 minutos onde toda a familia disfrutará e participará no escenario, sen esquecernos da divertida actuación do noso amigo Boriska,único en España.
Lugar: Auditorio Municipal Carmen Estévez, Vilalba
Data: Domingo, 25 de febreiro de 2018
Hora: 18:00 horas
Prezos: 6 € anticipada e 8€ o día da actuación.
Venta de entradas en Ataquilla.com e na Casa da Cultura no seu horario habitual.
Cesión de Sala según Ordenanza Municipal nº 45.
por martinho | Feb 18, 2018 | Autores/as, Novas, Xeral
O 24 de Febreiro, Dia de Rosalia de Castro, Culturalia GZ, NPG Nova Poesía Guitirica, e a Liga Santaballesa organizan dentro dos eventos que a Asociación de Escritores en Língua Galega AELG promove por toda Galiza, un recital poético feminino no que ademáis das coñecidas poetas
-Pilar Maseda (Vilalba).
-Emilia Mtnez. Fuentes (Vilalba).
-Luz Airado (Vilalba).
-Luz Darriba (Lugo).
-Montse González (Lugo/Verso a Verso).
-Silvia Pardo (As Pontes).
-Maria Pereira (Betanzos).
-Adolfina Mesa (Monterroso).
-Ana Vila Portomeñe (Taboada).
-Mar Beres (NPG Nova Poesía Guitirica).
-Maria Xosé Lamas (Vilalba).
-Ana Mar Fraga Rabade (Cospeito).
-Branca Villar (Labrada).
-Asun Blanco (As Pontes),
e a presentadora do acto, Pas Veres (Os Vilares), dúas rapazas de Santaballa darán lectura ao Manifesto #AbrideAFiestra, que compuxo a escritora María Reimondez, primeira gañadora do Prémio Agustín Fernández Paz.
O público asistente poderá tamén participar coa lectura de poemas de Rosalía e para o remate do acto, o acordeonista de Lanzós, Manuel Figueira, pechará o acto coa interpretación de pezas coñecidas e habaneiras moi acaidas ao espazo no que se celebra, a Escola Indiana da Liga Santaballesa.
Santaballa será a protagonista da homenaxe chairega a Rosalia de Castro o próximo sábado nun lugar, a escola habaneira que simboliza a vinculación da poeta de Padrón coa emigración a través de tantos e tantos recoñecidos versos. Emigración e Muller serán pois parte central dun acto que terá tamén no rural o centro poético da Terra Chá.
http://axendaaelg.blogaliza.org/2018/02/16/dia-de-rosalia-de-castro-2018/
Culturalia GZ
info@culturaligz.com
Os Vilares, lareira de soños
dosvilares@gmail.com
+34 662 183 149
www.dosvilares.com
www.facebook.com/osvilares
twitter@dosvilares1
por martinho | Feb 16, 2018 | Autores/as, Novas, Publicacións, Xeral
José Estévez presentounos a través do noso amigo, o poeta Moncho Bouzas este proxecto para a súa publicación en Culturalia GZ.
PORTUGALICIDADES, como o seu próprio título indica, é unha publicación colectiva de poetas galegos e portugueses. Esta é unha das numerosas iniciativas poéticas colectivas que ten desenvolvido o inquedo José Estévez e que ten traspaso con un notável éxito de participación as fronteiras do país ao entrar no proxecto grande número de versistas de fala portuguesa, e amosando así que non hai fronteiras linguísticas alén do Miño, que une moito máis do que separa. Culturalia GZ e NPG Nova Poesía Guitirica abren deste xeito os soportes cos que conta, á colaboración en irmandade con máis iniciativas e actividades poéticas, artísticas, e de estudo que así o desexen, e asumindo como próprias esas actividades.
Convidamos pois, a disfrutar desta grande obra colectiva, ver nela a poetas coñecid@s e descubrir autores/as que non tiveramos a aportunidade de valorar. O noso agradecendo a Moncho e José por ter confiado en nós para tan fermosa edición e poñer este produto exclusivo no nóso particular estraperlo poético.
Velaí o enlace a dito libro
Os Vilares, lareira de soños
dosvilares@gmail.com
+34 662 183 149
www.dosvilares.com
www.facebook.com/osvilares
twitter@dosvilares1
por martinho | Feb 15, 2018 | Autores/as, Novas, Xeral
O sábado 24 de febreiro, ás 20 horas, no auditorio da Casa-Museo Manuel María programamos a peza teatral, dirixida para público adulto, “RETRINCOS DE CASTELAO”, que protagonizan os actores Isabel Risco e Fran REi. O texto de Diego Rey é un achegamento ao humor na obra de Castelao, figura fulcral da historia do noso país. A obra fai un percurso polo traballo do noso político e intelectural, achegándonos a súa enxeñosa e fascinante forma de ver a Galiza do seu tempo. A través dun ollo de vidro que dá nova forma á realidade, poderemos ser quen de presenciar a vida das mulleres e homes que habitaron a nosa terra e de comprendermos a nosa historia e o noso presente.
O prezo do billete é de 5 euros e pode facerse a reserva anticipada en contacto@casamuseomanuelmaria.gal ou chamando ao tel. 698177621.
*Información achegada dende a Casa-Museo Manuel María
por Pilar Maseda | Feb 15, 2018 | Autores/as, Creación, Xeral
Amoriño…
xuntos aprendimos
cal necesario é
o paso do tempo.
Sobrevivimos…
ás treboadas sen senso
náufragos amantes
nos espazos coñecidos
na memoria xa perdidos.
Amoriño…
mirémonos ós ollos
docemente
o meu sorriso
e teu por sempre
e lévote así… amoriño amado
no meu peito acurrucado.
Acórdate… De min…
se non chego
ao último instante…
Ao irrepetible momento,
que non volverá a selo.
Lembra… Se falto…
Que cos vagalumes me perdín
polos camiños do vento.
PILAR MASEDA BARRIO
