María Elena García Pazos, Directora da Biblioteca Pública de Lugo
María José Gómez, Xefa Territorial de Cultura e Turismo da Xunta de Galicia en Lugo
José Manuel Balseiro, Delegado Territorial da Xunta de Galicia en Lugo
Adolfina Mesa, autora da Exposición
Estamos ante unha Exposición composta, aproximadamente, por unha trintena de obras, e que permanecerá a disposición do público que desexe visitala durante un mes, do 10 de xuño ao 10 de xullo de 2019, no espazo expositivo da mencionada biblioteca lucense.
De ANTAGONÍA fala a súa creadora do seguinte xeito:
A Exposición Antagonía tematicamente está centrada na súa maior parte no marco do feminino e dentro do estilo do expresionismo, onde a artista trata de sacudir as emocións e a conciencia do espectador a través da súa obra, transformando esteticamente a apariencia humana e dos elementos protagónicos que conforman cada obra a través das súas cores e trazos desgarrados, con matices liricamente reflexivos onde procura a delicadeza poética ata unha dureza incuestionable como punto de reivindicación, reflexión e protesta. Dentro do feminismo procura ter sempre presente a imaxe da muller na súa obra como símbolo de loita firme e incansable pola liberdade, igualdade de dereitos e visibilidade dentro da arte e todos os ámbitos sociais onde está presente a muller, así como intentar acabar coa lacra do machismo e a violencia de xénero. Adolfina Mesa amosa a súa mirada antagónica á realidade ainda existente no presente, procurando a posibilidade dunha sociedade e un mundo onde todos sexamos iguais en condicións e dereitos, onde a muller deixe de ter o papel de submisa, oprimida, invisibilizada, infravalorada en todos os ámbitos, maltratada, castrada, violada ou morta.
Velaquí dúas imaxes que recollen o catálogo da Exposición ANTAGONÍA
O vindeiro domingo 9 de xuño, a partir das 19:30 horas na Aula de Cultura do Concello de Antas de Ulla celebrarase unha conferencia de Sandra Goded, baixo o título de MI VIAJE A ÁFRICA. Una lección de vida, onde a autora falará da súa experiencia nesa viaxe por terras africanas.
Colaboran na organización desta actividade o Instituto de Estudos Ulloáns (IEU), Quercus Sonora e o Concello de Antas de Ulla.
Adxuntamos cartaz e nota informando da XI Ruta por Galicia adiante-Andando as Terras de…Betanzos, prevista para o domingo, día 16 de xuño, que organiza o IESCHA.
O Iescha, coa colaboración do Concello de Vilalba, organiza o acto de presentación do libro escrito por Manuel Rubiños Ferreiro, “O fusil do santaballés”, que terá lugar o vindeiro venres, 7 de xuño de 2019, na Casa da Cultura de Vilalba, as 20:30 horas e que contará coas intervencións de Manuel Rubiños Ferreiro, Isidro Cillero, Javier Fernández e Marisa Barreiro.
Dende a Concellería de Cultura do Excmo. Concello de Vilalba, fanse públicas as bases para participar no XLV Premio de Poesía do Certame Literario do Concello de Vilalba 2019.
O prazo de admisión dos
traballos remata o día 15/07/2019.
