A peza, con texto de Fátima Delgado e dirección de Jana Pacheco,representarase na Sala Margarita Xirgú do 22 de febreiro ata o 24 de marzo
O elenco desta obra que reflexiona sobre a discriminación de xénero dentro do deporte está composto por Alba Loureiro, Camila Bossa, Celina Fernández Ponte e Daniel Méndez
Trátase dun espectáculo coproducido polo Teatro Español, o Centro Dramático Galego, Meninas Teatro e Proversus, co apoio da Xunta de Galicia a través de Turismo de Galicia, a Consellaría de Cultura da Comunidade de Madrid e a colaboración de La Nave del Duende
A obra Run Baby Run estará no Teatro Español desde mañá, 22 de febreiro, onde quedará ata o vindeiro 24 de marzo. Con texto da valdeorresa Fátima Delgado e dirección de Jana Pacheco, Run Baby Run aborda a discriminación de xénero dentro do mundo do deporte e conta no elenco con Alba Loureiro, Camila Bossa, Celina Fernández Ponte e Daniel Méndez. Trátase dun espectáculo coproducido polo Teatro Español, o Centro Dramático Galego (CDG), Meninas Teatro e Proversus, co apoio da Xunta de Galicia a través da Axencia Turismo de Galicia e da Consellaría de Cultura da Comunidade de Madrid e a colaboración de La Nave del Duende.
A obra está protagonizada por Alba, unha atleta de éxito que loita por conseguir a vitoria e adestra duro para iso. É a favorito ao podio, pero a súa carreira verase truncada por un feito inesperado. A trama de Run Baby Run sitúase uns meses antes dos Xogos Olímpicos, momento en que a deportista é apartada da competición oficial e sente que o seu mundo se esborralla. Acompañada pola súa inseparable adestradora, verase nunha encrucillada na que loitará por cumprir o seu sono sen renunciar ao seu verdadeiro ser. Para a dramaturga Fátima Delgado: “Run Baby Run é unha historia de ficción que trata sobre trata sobre unha muller que debido ao machismo estrutural do deporte profesional é vetada na competición por non encaixar nas categorías de xénero”. É, tamén, unha reflexión sobre canto se pode chegar a loitar sen traizoar os principios nin a propia identidade.
“Para escribir esta obra teatral investiguei varios anos sobre mulleres deportistas que sufriran discriminación no seu eido. Desgraciadamente, a discriminación das mulleres está vixente en todos os aspectos da sociedade. Quixen situar a acción en Galicia, a miña terra, e no entroido ourensán, para formular de modo simbólico a utilización da máscara como medio para ocultar a identidade”. E engade: “Non é común ver deporte feminino en escena e por iso pareceume necesario internarme nel dende unha perspectiva de xénero. Ademais, este tipo de inxustizas afecta maioritariamente as mulleres e non aos deportistas homes”. E conclúe: “Un dos motores que me impulsan a escribir é poder plasmar historias de mulleres que, dende as súas accións, ás veces aparentemente sinxelas, contribuíron a romper estereotipos na nosa sociedade”.
En palabras da directora Jana Pacheco, “para min, o feminismo é unha clave fundamental de transformación social. E intento que todo o meu traballo, xa sexa pedagóxico, de mediación ou nas miñas postas en escena, estea impregnado dese feminismo. Run Baby Run é unha obra que aposta por visibilizar a situación das mulleres no deporte. Con ela reflexionamos sobre como as mulleres que non teñen un corpo normativo son dobremente discriminadas”.
UNHA OBRA ATRAVESADA POLO ENTROIDO
Jana Pacheco apunta tamén que “Run Baby Run é un espectáculo contextualizado no entroido o cal fai que poidamos investigar toda esa maxia telúrica, toda esa fantasía que vén desa festa, da carnalidad e dun mundo onírico que nos permite levar o realismo máxico a escena, desenvolvendo unha dramaturxia visual a partir de elementos plásticos deseñados cun equipo artístico excepcional”.
Deste xeito, a atmosfera galega e o entroido ourensán atravesan a obra dun xeito moi especial. Os peliqueiros, unha sorte de coro grego, ocupan a escena cun vestiario inspirado na indumentaria tradicional pero repensado polo devandito Paolo Álvaro. Neste sentido, Jana Pacheco salienta a colaboración da asociación ‘Las tejedoras’ de Vicálvaro, un colectivo de mulleres deste barrio madrileño “que se xuntan para tecer e dialogar sobre a violencia machista e que teceron flor a flor todo o vestiario dos peliqueiros”, materializando un traxe fermoso e cheo de significado.
O EQUIPO
Jana Pacheco é directora escénica, dramaturga visual e historiadora da arte. Fátima Delgado é dramaturga, actriz e poeta. Ambas as dúas son profesionais acreditadas das artes escénicas, con máis dunha década de traxectoria ás súas costas, especializadas en xenealoxía de mulleres, accesibilidade e educación e cun forte compromiso feminista. A posta en escena de Run Baby Run supón a súa primeira colaboración conxunta.
Canda elas, no equipo artístico do proxecto destacan tamén figuras como o deseñador Pier Paolo Álvaro, gañador do Premio Max 2023 ao mellor deseño de vestiario polo espectáculo Ás oito da tarde, cando morren as nais, do CDG; Fernando Epelde, responsable da música e do espazo sonoro da peza; o escenógrafo Alessio Meloni, tamén galardoado este 2023 co Premio Max ao mellor deseño de espazo escénico por La cabeza del dragón; o iluminador Juan Gómez Cornejo, Premio Nacional de Teatro no 2011; ou a coreógrafa Greta García, integrante do grupo Hermanas Gestring, entre outras.
A obra, con texto de Fátima Delgado e dirección de Jana Pacheco, representarase os días 6 e 7 ás 20 horas, e o 8 de outubro, ás 18 horas
O elenco desta peza que reflexiona sobre a discriminación de xénero dentro do deporte está composto por Alba Loureiro, Camila Bossa, Celina Fernández Ponte e Daniel Méndez
Trátase dun espectáculo coproducido polo Teatro Español, o Centro Dramático Galego, Meninas Teatro e Proversus, co apoio da Xunta de Galicia a través de Turismo de Galicia
As entradas para as funcións no Salón Teatro pódense adquirir na web de Ataquilla
O equipo de Run Baby Run presentou esta mañá un petisco da obra que terá a súa estrea absoluta este venres, 6 de outubro no Salón Teatro do Centro Dramático Galego (CDG) de Santiago de Compostela e que estará en escena ata o domingo 8. O acto contou coa participación do director da Axencia Galega das Industrias Culturais (Agadic) da Xunta de Galicia, Jacobo Sutil, do director do Centro Dramático Galego, Fran Núñez, da autora do texto, Fátima Delgado, e da directora da obra, Jana Pacheco, que estiveron acompañados polo equipo artístico do espectáculo.
Nesta peza Fátima Delgado plasma unha das súas teimas, “o persoal é político”, e elabora unha reflexión sobre a discriminación de xénero dentro do deporte feminino que viu a luz logo das súas investigacións de varios casos de mulleres deportistas profesionais. A trama de Run Baby Run sitúase uns meses antes dos Xogos Olímpicos, cando Alba, unha atleta de éxito que acaba de gañar un mundial, é apartada da competición oficial por un feito inesperado e experimenta como se derruba o seu mundo. Acompañada pola súa inseparable adestradora, a deportista verase nunha encrucillada na que loitará por cumprir o seu soño sen renunciar ao seu verdadeiro ser.
O papel da atleta está interpretado por Alba Loureiro e o da adestradora, por Camila Bossa. O elenco complétase con Celina Fernández e Daniel Méndez, e a canda eles atópase un equipo artístico integrado por figuras senlleiras das artes escénicas, como o deseñador Pier Paolo Álvaro, Fernando Epelde en calidade de responsable da música e do espazo sonoro da peza, o escenógrafo Alessio Meloni, o iluminador Juan Gómez Cornejo ou a coreógrafa Greta García, entre outras.
Alén diso, cómpre subliñar o a presenza de Galicia en Run Baby Run como un elemento máis. A atmosfera galega e o entroido ourensán atravesan a obra dun xeito moi especial. Os peliqueiros, unha sorte de coro grego, ocupan a escena cun vestiario inspirado na indumentaria tradicional pero repensado polo devandito Paolo Álvaro. Neste sentido, Jana Pacheco salienta a colaboración da asociación ‘Las tejedoras’ de Vicálvaro, un colectivo de mulleres deste barrio madrileño “que se xuntan para tecer e dialogar sobre a violencia machista e que teceron flor a flor todo o vestiario dos peliqueiros”, materializando un traxe fermoso e cheo de significado.
Logo da súa estrea en Santiago, Run Baby Run contará tamén cunha xira por diferentes espazos da xeografía española e poderase ver na sala Margarita Xirgú do Teatro Español do 22 de febreiro ao 24 de marzo do 2024. Trátase dun espectáculo coproducido polo Teatro Español, o Centro Dramático Galego, Meninas Teatro e Proversus, co apoio da Xunta de Galicia a través da Axencia Turismo de Galicia e da Consejería de Cultura da Comunidad de Madrid. As entradas para as funcións dos días 6, 7 e 8 de outubro no Salón Teatro pódense adquirir na web de Ataquilla.
O equipo
Jana Pacheco é directora escénica, dramaturga visual e historiadora da arte. Fátima Delgado é dramaturga, actriz e poeta. Ambas as dúas son profesionais acreditadas das artes escénicas, con máis dunha década de traxectoria ás súas costas, especializadas en xenealoxía de mulleres, accesibilidade e educación e cun forte compromiso feminista. A posta en escena de Run Baby Run supón a súa primeira colaboración conxunta.
Canda elas, no equipo artístico do proxecto destacan tamén figuras como o deseñador Pier Paolo Álvaro, gañador do Premio Max 2023 ao mellor deseño de vestiario polo espectáculo Ás oito da tarde, cando morren as nais, do CDG; Fernando Epelde, responsable da música e do espazo sonoro da peza; o escenógrafo Alessio Meloni, tamén galardoado este 2023 co Premio Max ao mellor deseño de espazo escénico por La cabeza del dragón; o iluminador Juan Gómez Cornejo, Premio Nacional de Teatro no 2011; ou a coreógrafa Greta García, integrante do grupo Hermanas Gestring, entre outras. ‘RUN BABY RUN’ EN SANTIAGO • DATAS: 6 e 7 outubro (20 h) e 8 outubro (18 h) • LUGAR: Salón Teatro (Santiago de Compostela) • ENTRADAS: https://entradas.ataquilla.com/ventaentradas/es/teatro/salon-teatro-de-santiago/16289–run-baby-run.html
A obra, con texto de Fátima Delgado e dirección de Jana Pacheco, estará no Salón Teatro de Santiago de Compostela os días 6, 7 e 8 de outubro
O elenco desta peza que reflexiona sobre a discriminación de xénero dentro do deporte está composto por Alba Loureiro, Camila Bossa, Celina Fernández Ponte e Daniel Méndez
Trátase dun espectáculo coproducido polo Teatro Español, o Centro Dramático Galego, Meninas Teatro e Proversus, co apoio da Xunta de Galicia a través de Turismo de Galicia
O equipo de Run Baby Run xa está a ensaiar nas Naves do Español en Matadero Madrid, ultimando os detalles desta obra sobre a discriminación de xénero dentro do deporte que terá a súa estrea absoluta o vindeiro 6 de outubro no Salón Teatro do Centro Dramático Galego (CDG) de Santiago de Compostela. Fátima Delgado asina o texto desta peza dirixida por Jana Pacheco que contará tamén cunha xira por diferentes espazos da xeografía española e que se poderá ver na sala Margarita Xirgú do Teatro Español do 22 de febreiro ao 24 de marzo de 2024. O elenco confórmano Alba Loureiro, Camila Bossa, Celina Fernández Ponte e Daniel Méndez.
A trama de Run Baby Run sitúase uns meses antes dos Xogos Olímpicos, cando Alba, unha atleta de éxito que acaba de gañar un Mundial, é apartada da competición oficial por un feito inesperado e experimenta como se derruba o seu mundo. Acompañada pola súa inseparable adestradora, a deportista verase nunha encrucillada na que loitará por cumprir o seu soño sen renunciar ao seu verdadeiro ser. Para a dramaturga Fátima Delgado, “Run Baby Run é unha historia de ficción que trata sobre unha atleta profesional que, no mellor momento da súa carreira, é apartada da competición e agraviada publicamente por unha cuestión de xénero”.
Para a creación da obra, Fátima Delgado investigou sobre varios casos de mulleres deportistas que sufriron discriminación de xénero no ámbito deportivo, unha situación de plena actualidade, xa que, a menos dun ano dos Xogos Olímpicos de París, a algunha delas non se lle permite participar dentro da súa especialidade na categoría feminina. O texto de Run Baby Run, que xa está publicado na colección Teatro de Editorial Galaxia e vai ser presentado o vindeiro 3 de outubro en Santiago, pon o foco no deporte feminino, un tema que se prodiga pouco no teatro, e faino ademais desde unha perspectiva de xénero. Segundo a propia Fátima Delgado, “un dos motores que me impulsan a escribir é poder plasmar historias de mulleres que, desde as súas accións, ás veces aparentemente sinxelas, contribuíron a romper estereotipos na nosa sociedade”.
Nesa liña afonda a directora Jana Pacheco que ve no feminismo “unha clave fundamental de transformación social” e afirma que “Run Baby Run é unha obra que aposta por visibilizar a situación da muller no deporte e reflexiona sobre como as mulleres que non teñen un corpo normativo son dobremente discriminadas”. Alén diso, tamén salienta que é “un espectáculo contextualizado no Entroido, o cal fai que podamos investigar toda esa maxia telúrica, a fantasía que vén do entroido, da carnalidade e dun mundo onírico que nos permite levar o realismo máxico a escena, desenvolvendo unha dramaturxia visual a partir de elementos plásticos deseñados cun equipo artístico excepcional”.
O factor humano
Jana Pacheco é directora escénica, dramaturga visual e historiadora da arte. Fátima Delgado é dramaturga, actriz e poeta. Ambas as dúas son profesionais acreditadas das artes escénicas, con máis dunha década de traxectoria ás súas costas, especializadas en xenealoxía de mulleres, accesibilidade e educación e cun forte compromiso feminista. A posta en escena de Run Baby Run supón a súa primeira colaboración conxunta.
Canda elas, no equipo artístico do proxecto destacan tamén figuras como o deseñador Pier Paolo Álvaro, gañador do Premio Max 2023 a mellor deseño de vestiario polo espectáculo Ás oito da tarde, cando morren as nais, do CDG; Fernando Epelde, responsable da música e o espazo sonoro da peza; o escenógrafo Alessio Meloni, tamén galardoado este 2023 co Premio Max a mellor deseño de espazo escénico por La cabeza del dragón; o iluminador Juan Gómez Cornejo, Premio Nacional de Teatro en 2011; ou a coreógrafa Greta García, integrante do grupo Irmás Gestring, entre outras. Run Baby Run é un espectáculo coproducido polo Teatro Español, o Centro Dramático Galego, Meninas Teatro e Proversus, co apoio da Xunta de Galicia a través da Axencia Turismo de Galicia e da Consejería de Cultura da Comunidad de Madrid.
PRESENTACIÓN DO LIBRO ‘RUN BABY RUN’ • DATA: Martes 3 de outubro | 20 h • LUGAR: Casa do Taberneiro [Rúa de San Pedro 15, Santiago de Compostela] • PARTICIPAN: Fátima Delgado, autora da obra, Marcos Calveiro, director de Edicións de Editorial Galaxia, e Paula Fernández Seoane, filóloga e profesora
Run Baby Run será un dos pratos fortes da tempada 23-24 do teatro madrileño,onde se poderá ver, na Sala Margarita Xirgú, do 22 de febreiro ao 24 de marzo
Antes, a estrea absoluta da obra terá lugar no Salón Teatro do Centro Dramático Galego en Santiago de Compostela os días 6, 7 e 8 de outubro de 2023
Fátima Delgado asina un texto sobre a discriminación de xénero no deporte, unha reflexión sobre canto é posible loitar sen traizoar os principios nin a propia identidade
Dirixido por Jana Pacheco, o elenco de Run Baby Run conta coas e cos intérpretes Alba Loureiro, Camila Bossa, Celina Fernández Ponte e Daniel Méndez
Trátase dun espectáculo co-producido polo Teatro Español, o Centro Dramático Galego, Meninas Teatro e Proversus, co apoio da Xunta de Galicia e da Comunidad de Madrid
Terías disposición para renunciar a ti mesma/o por cumprir un soño? Run Baby Run, escrito por Fátima Delgado e dirixido por Jana Pacheco, xuntas por primera vez sobre as táboas, aborda a discriminación de xénero dentro do deporte. O espectáculo será unha das propostas máis innovadoras que nos depara a vindeira tempada teatral 2023 – 2024. A súa estrea abstoluta terá lugar os días 6, 7 e 8 de outubro en Santiago de Compostela, no Salón Teatro del Centro Dramático Galego. Posteriormente, a peza, que contará tamén cunha xira por diferentes espazos da xeografía española, viaxará ao Teatro Español de Madrid, onde se poderá ver do 22 de febreiro ao 24 de marzo de 2024 na Sala Margarita Xirgú. O elenco de Run Baby Run confórmano as e os intérpretes Alba Loureiro, Camila Bossa, Celina Fernández Ponte e Daniel Méndez.
Alba é unha atleta de éxito que loita por conseguir a vitoria e adestra duro para iso. É a favorita ao podio, pero a súa carreira verase truncada por un feito inesperado. A trama de Run Baby Run sitúase uns meses antes dos Xogos Olímpicos, momento no que a deportista é apartada da competición oficial. Para Alba, nese momento, derrúbase o seu mundo. Acompañada pola súa inseparable adestradora, verase nunha encrucillada na que loitará por cumprir o seu soño sen renunciar ao seu verdadeiro ser. Para a dramaturga Fátima Delgado, “Run Baby Run é unha historia de ficción que trata sobre unha atleta profesional que, no mellor momento da súa carreira, é apartada da competición debido a unha acusación inesperada”.
“Para escribir esta obra teatral, durante estes últimos anos investiguei sobre varias mulleres deportistas que sufriran discriminación de xénero no ámbito deportivo. Esta situación está totalmente de actualidade, xa que, a menos dun ano dos Xogos Olímpicos de París, algunha delas non sabe se lle permitirán participar. Non é común ver deporte feminino en escena e por iso pareceume necesario penetrarme nel desde unha perspectiva de xénero. Ademais, este tipo de inxustizas afecta maioritariamente ás mulleres e non aos deportistas homes”, apunta a artista. E conclúe: “un dos motores que me impulsan a escribir é poder plasmar historias de mulleres que, desde as súas accións, ás veces aparentemente sinxelas, contribuíron a romper estereotipos na nosa sociedade”.
En palabras da directora Jana Pacheco, “para min, o feminismo é unha clave fundamental de transformación social. E intento que todo o meu traballo, sexa pedagóxico, de mediación ou nas miñas postas en escena, se impregne dese feminismo situado. Run Baby Run é unha obra que aposta por visibilizar a situación das mulleres no deporte. Con ela reflexionamos sobre como as mulleres que non teñen un corpo normativo son dobremente discriminadas”. E continúa: “Run Baby Run é un espectáculo contextualizado no Entroido, o cal fai que podamos investigar toda esa maxia telúrica, toda esa fantasía que vén do entroido, da carnalidade e dun mundo onírico que nos permite levar o realismo máxico a escena, desenvolvendo unha dramaturxia visual a partir de elementos plásticos deseñados cun equipo artístico excepcional”.
Jana Pacheco é directora escénica, dramaturga visual, historiadora da arte e feminista. Fátima Delgado é actriz, dramaturga, poeta e feminista. Ambas son profesionais acreditadas das artes escénicas, con máis dunha década de traxectoria ás súas costas, especializadas xenealoxía de mulleres, accesibilidade e educación. A posta en escena de Run Baby Run supón a súa primeira colaboración conxunta.
No equipo artístico do proxecto destacan tamén figuras como o deseñador Pier Paolo Álvaro, recente gañador do Premio Max 2023 a mellor deseño de vestiario polo espectáculo Ás oito da tarde, cando morren as nais, do CDG; Fernando Epelde, responsable da música e o espazo sonoro da peza; o escenógrafo Alessio Meloni, tamén galardoado este 2023 co Premio Max a mellor deseño de espazo escénico por La cabeza del dragón; o iluminador Juan Gómez Cornejo, Premio Nacional de Teatro en 2011; ou a coreógrafa Greta García, integrante do grupo Irmás Gestring, entre outras. Run Baby Run é un espectáculo coproducido polo Teatro Español, o Centro Dramático Galego, Meninas Teatro e Proversus, co apoio da Xunta de Galicia a través da Axencia Turismo de Galicia e da Consejería de Cultura da Comunidad de Madrid.
