Este sábado celebraremos a proximidade do Día Mundial da Poesía coa xornada ‘Roseiras de rosas roxas. Homenaxe poética a Manuel Leiras Pulpeiro’, organizada polo Concello de Mondoñedo. No marco da mesma daremos a coñecer a antoloxía ‘Roseiras de rosas roxas. Premios de Poesía Manuel Leiras Pulpeiro (2012-2018)’, que se agasallará axs presentes, unha obra con cuberta de Caxigueiro e edición de Belén Bouzas e miña, da que se fixeron moi poucos exemplares. Haberá recital de boa parte dxs premiadxs, música e intervencións diversas. Avisadxs quedadxs. Xs que non veñades, logo non choredes o libro, que é precioso e no que están moitxs dxs mellores poetas da nosa hora: Xurxo Martínez, Ramón Sandoval, Olalla Barro, Martiño Maseda, Modesto Fraga, Antón Fortes, Ramón Sánchez, Alberte Momán, Xurxo Alonso, Carmen Pereiras, Paulino Peña Álvarez, Jacobo Llamas (Llamitas Martínez), Eduard Velasco, Gonzalo Hermo, José Antonio Grela Martínez, Elvira Ribeiro Tobío, Óscar García Ramos, Miriam Ferradáns, Lorena Souto (Arqueira Sou) e Emilio Salgado Freire.
*Texto de Armando Requeixo