Din que ler é un xeito de viaxar sen saír do teu cuarto, ou baixo a sombra da figueira ou do carballo, onde adoitas refuxiarte nos días calorosos de verán. Foi o que eu fixen coa lectura do libro do meu amigo José Manuel Espiño Meilán, “El arte de caminar y el placer de sentir. Un paseo por el litoral del Teide”.
Durante uns días seguín os pasos de José Manuel e do espíritu do seu amigo e compañeiro por este litoral canario, sentindo como a brisa do Atlántico —ese mar que nos une— atravesando montañas e vales chegaba ata min. Unha viaxe compartida na que descubrín novas paisaxes, tamén emocións, que xa me pertencen.
O libro é máis ca un paseo: é unha cartografía detallada desta parte do leste da costa de Gran Canaria, onde o autor mestura percepcións sensoriais, lembranzas do pasado, referencias culturais, reflexións… Unha mirada respectuosa cara ao entorno cun claro compromiso ecoloxista. Non todo no camiño resulta grato. O relato móstranos como nas últimas décadas este litoral se viu degradado pola intervención humana, especialmente pola urbanización desmedida. Mais tamén hai espazos que experimentaron melloras: algúns recunchos e praias, antes lugares moi contaminados, agora gozan de moi boa saúde, mesmo orgullosos exhiben bandeira azul. Algo que demostra que cando as administracións teñen vontade de compromiso é posible tomar medidas eficaces para minimizar ou mesmo erradicar os impactos negativos provocados pola acción humana.
O caso de Melenara, exemplo de recuperación e dignificación do espazo público, pode servirnos de guía e esperanza. Onde hoxe hai paseo, árbores, esculturas no mar, hai corenta anos estaba saturado de chabolas, casetas precarias, construccións sobre a area que chegaban ao mesmo borde do mar; unha auténtica desfeita ecolóxica.
Acantilados, roques, covas, praias, lagoas… Todo isto percorrín da man de José Manuel, onde a súa mirada e a súa voz me foron guiando por sendeiros descoñecidos. Non camiñei só; fun acompañado por sentimentos e emocións que afloraban ante a presenza dalgún barranco, dalgunha fumarola, dalgunha especie vexetal ou animal autóctonas, transformando o meu camiñar en meditación, en pensamento e en reflexión.
A arte de camiñar e o pracer de sentir son universais e Espiño é quen de escribilos escoitando á terra antes de falar dela. O litoral do Teide pode estar moi afastado en quilómetros de Galicia, mais o que nos transmite este libro é todo o contrario. O camiñar por esta volcánica costa traspasa coordenadas porque no fondo fálanos dunha paisaxe interior que todos levamos pero poucas veces somos conscientes e non nos detemos a observala.
Ao rematar a lectura e polo tanto a viaxe, sentín unha conciencia máis nidia da beleza que nos ofrece a nosa nai natureza, tamén da súa fraxilidade. Fíxenme máis consciente, se cabe, da necesidade de protexer a terra, se queremos que os nosos netos poidan vivir nun mundo saudable, onde poidan camiñar non só por pracer, senón tamén por gratitude.
‘O Orgullo do Norte’ coruñés presenta tres novos directos este sábado, 12 de xullo, a partir das 20.00 horas, no escenario dos Xardíns de Méndez Núñez, con Samantha Ballantines & Kelly Amethyst, Turista Sueca, Mayo, Edurne, Sofía Cristo e DJ Espinoso
En paralelo á programación deste Atlantic Pride 2025, o mesmo sábado 12 de xullo, o local Claro Boba! e o programa da TVG Raíña-me! Organizan a ‘Afterpartie Raíña-me!’, con entrada libre e actuacións de Alexa Evans, Marisa Prisa e Kim Miller a partir das 02.30 horas
Pola súa banda, o domingo 13 de xullo, tamén desde as 20.00 horas, chegaralle a súa quenda a Anabel Conde, Kuve, David Civera e DJ Flashback, nunha xornada de clausura na que tamén se entregarán os premios do IV Certame de Literatura LGTBIQ+
O Atlantic Pride está impulsado pola Asociación Orgullo Coruña -ORCO-, co patrocinio institucional do Concello da Coruña, o apoio da Deputación da Coruña e o patrocinio privado de Estrella Galicia, Coruña The Style Outlets e Globalgrafic
Esta fin de semana, o Atlantic Pride, o ‘Orgullo do Norte’ da Coruña, chega á súa fin con novos e coloridos directos da man de artistas tan agardados como Mayo, Edurne e David Civera, entre moitos outros.
Mayo, o gran referente LGTBIQ+ das novas xeracións, aterra o sábado 12 de xullo na cidade da Coruña para presentar os temas de Season I, o seu primeiro traballo discográfico, que viu a luz o pasado ano a ritmo dun pop electrónico e intimista, con letras aditivas e un enérxico son, que viñeron confirmar o que todo o mundo intuía: que Mayo é, sen dúbida, unha das grandes revelacións musicais do momento.
O sábado 12 chegaralle tamén á súa quenda a Edurne, cun directo no que non faltarán temas pegadizos de dance e pop de reminiscencias ‘dousmileiras’, do seu actual éxito Éxtasis ao eurovisivo Amanacer, cos que a representante de España en Eurovisión 2015 e participante de Operación Triunfo fai 20 anos demostrará que atópase no seu mellor momento de forma.
Ademais, o mesmo sábado 12, a dj Sofía Cristo ofrecerá unha divertida pinchada entre o “remember” e os sons máis comerciais, conectada, tamén, co electro house, o beatroom e o future house, sons que a levaron a actuar o pasado 2024 nun dos grandes festivais de culto da electrónica internacional, o aclamado Tomorrowland.
Xunto a ela, o mesmo sábado 12, actuarán tamén as drags Ariel REC & Gaylicia e máis a banda revelación do momento, Turista Sueca, que, co seu estilo “electro-mamarracho”, achegará ao público ritmos electrónicos a letras que poñen o foco, con ironía, sobre estereotipos e elementos da vida cotiá. A súa música sitúase a medio camiño entre o “electro-disgusting” de Las Bistecs e o “subnopop” de Ojete Calor, bebendo, tamén, doutras propostas como Ladilla Rusa, Putilatex ou Putochinomaricón. Pola súa banda, aos pratos da apertura da xornada situarase DJ Espinoso.
Xa o domingo 13 de xullo, tres das voces máis emblemáticas e icónicas da música popular española das últimas tres décadas serán as encargadas de botar o pano desta sexta edición do Atlantic Pride nos Xardíns de Méndez Núñez. David Civera, estrela do pop español que alcanzou fama internacional ao representar España en Eurovisión 2001, logrando o mellor posto do país en máis de dúas décadas co seu éxito Dile que la quiero. Visita este verán a cidade herculina coa súa xira “Grandes éxitos 2025” coa que repasará un rico repertorio de grandes cancións que forman parte da memoria musical de toda unha xeración.
Xunto a David Civera estará Kuve, o alter ego de Maryan Frutos Maíquez, unha forza imparable do pop electrónico contemporáneo. Con catro álbums e múltiples participacións en grandes citas de renome, a artista mestura de maneira brillante o indie-rock con sons sintéticos, entregando directos cheos de enerxía e potencia. Tras ser finalista no Benidorm Fest 2025 co seu sinxelo LOCA XTI, chega ahora ao Atlantic Pride da Coruña, cunha música conecta diferentes xeracións e estilos nun espectáculo vibrante e moderno.
Finalmente, Anabel Conde, unha voz histórica do Festival de Eurovisión de 1995, onde acadou un memorable segundo posto co celebrado tema Vuelve conmigo, amosará como mantén viva a súa pegada e o seu compromiso coa música pop máis actual. Mentres, as pinchadas da velada correrán a cargo de DJ Flashback.
Da man destes tres artistas, a xornada de clausura do Atlantic Pride 2025 será unha oportunidade única para gozar dunha noite repleta de emoción, talento e diversidade musical, que promete conectar o pasado, o presente e o futuro da música pop española nunha experiencia inesquecible.
En paralelo á programación deste Atlantic Pride 2025, o sábado 12 de xullo, o local Claro Boba! e o programa da TVG Raíña-me! Organizan a ‘Afterpartie Raíña-me!’, con entrada libre e actuacións de Alexa Evans, Marisa Prisa e Kim Miller a partir das 02.30h.
Finalmente, o domingo, 13 de xullo, tamén desde as 20.00 horas, chegaralle a súa quenda a Anabel Conde, Kuve, David Civera e DJ Flashback, nunha xornada de clausura na que tamén se entregarán os premios do IV Certame de Literatura LGTBIQ+.
PROGRAMA ATLANTIC PRIDE 2025
Sábado, 12 de xullo
Xardíns de Méndez Núñez
20.00h. DJ Espinoso
21.15h. Samantha Ballentines
21.45h. Turista Sueca
23.00h. Mayo
00.00h. Samantha Ballentines & Kelly Amethyst
00.30h. Edurne
01.30h. Sofía Cristo
Domingo, 13 de xullo
Xardíns de Méndez Núñez
19.30h. Entrega de premios do IV Certame de Literatura LGTBIQ+
20.00h. DJ Flashback
21.00h. Anabel Conde
21.45h. Kuve
22.30h. David Civera
23.30h. DJ Flashback
GRANDES DIVAS DO POP, TALENTO GALEGO, ICONAS LGTBIQ+ e DRAGS NO ORGULLO DO NORTE
Coñecido como o ‘Orgullo do Norte’, o Atlantic Pride celebrará a súa 6ª edición na Coruña do 6 ao 13 de xullo de 2025. Trátase dun festival pioneiro, gratuíto e inclusivo, destinado a reivindicar a liberdade afectiva, sexual e de identidade dende unha perspectiva lúdica e inclusiva.
A cita, que na súa pasada edición reuniu a máis de 25.000 persoas, está impulsada pola Asociación Orgullo Coruña -ORCO-, co patrocinio institucional do Concello da Coruña e o apoio da Deputación da Coruña. O Atlantic Pride conta, tamén, co patrocinio privado de Estrella Galicia, Coruña The Style Outlets e Globalgrafic. O encontro nace no ano 2019 coa vontade de situar á cidade herculina como a capital do bo ambiente e a celebración sen distincións nin barreiras. O proxecto, que trata de aglutinar a todas as capas da sociedade coruñesa dentro dunha contorna segura e amigable, desenvólvese en torno a varios días de concertos e actividades culturais, entre elas, o seu Certame de Literatura LGTBIQ+, coa fin de atraer ao público local e de fóra, como un referente cultural, turístico e social e unha das citas imprescindibles do verán no noroeste peninsular.
Neste 2025, o Atlantic Pride regresa como un espazo de celebración aberto, seguro e diverso, como referente dos ‘Orgullos’ que se celebran no comenzo do verán ao longo da Península e no que, un ano máis, se darán cita coloridas propostas para todos os públicos. Así, no Atlantic Pride non faltarán concertos de inspiración eurovisiva, grandes nomes do pop galegos, nacionais e internacionais, divertidas actuacións de drags, pinchadas de djs de referencia da escena galega e a celebración do IV Certame Literario de Literatura LGTBIQ+, da man do Club de Lectura QUEERuña, que na súa pasada edición rexistrou o seu récord de participación e que neste 2025 ten xa aberta a súa convocatoria para recibir relatos ata este sábado, 31 de maio.
Nesta 6ª edición, o Atlantic Pride contarña coa presencia de cinco grandes divas do pop español, Judeline, Edurne, Nia, Merche e Paula Koops, que encherán a cidade herculina de cor e diversión, cunhas voces que farán as delicias de diversas xeracións. Xunto a elas, a nova escena musical galega subirase un ano máis ao escenario do ‘Orgullo do Norte’ coruñés, da man de De Ninghures, Coolnenas, Agoraphobia, Alana, LERIA, ELBA e Rivadulla.
A elas súmanse, tamén, catro grandes iconas da cultura e a música LGTBIQ+, como son Jimena Amarillo, Mayo e os dj’s Sofía Cristo e Cascales. Turista Sueca poñerá a súa boa dose de festa, petardeo e humor, mentres que aos pratos estarán, tamén, La Kristhofer, Kris K DJ, DJ90, DJ Licho, DJ Flashback, DJ Espinoso e DJ CÉS.
Ademais, o mellor talento drag queen estatal e galego, de Drag Race ao Claro Boba!, sumaranse este verán á festa do Atlantic Pride, que neste 2025 contará co maior elenco drag da súa historia. Así, polas táboas do ‘Orgullo do Norte’ desfilarán grandes iconas queer como Samantha Ballentines, Arantxa Castilla-La Mancha & OnyX Unleashed, Yasmine Lutar, Liteah, RRRITA, Escarlatina Pier, Ariel REC & Gaylicia y Kelly Amethyst. Finalmente, a xornada de clausura do Atlantic Pride será un auténtico revival eurovisivo coas voces de David Civera, Anabel Conde e Kuve.
En paralelo á programación deste Atlantic Pride 2025, o sábado 12 de xullo, o local Claro Boba! e o programa da TVG Raíña-me! Organizan a ‘Afterpartie Raíña-me!’, con entrada libre e actuacións de Alexa Evans, Marisa Prisa e Kim Miller a partir das 02.30h.
A compañía galega de distribución alimentaria e Escena Galega ratificaron o acordo de colaboración para a sétima edición do CEN
Camiño Escena Norte celebrarase do 12 de setembro ao 26 de outubro en Galicia, Asturias, Cantabria, Euskadi, Navarra e A Rioxa
Por quinto ano consecutivo, a compañía galega de distribución alimentaria Vegalsa-Eroski apoia o proxecto de intercambio de artes escénicas Camiño Escena Norte. Faino como patrocinador oficial desta sétima edición, que se celebrará do 12 de setembro ao 26 de outubro baixo o lema Sementar, coidar e xermolar. Vegalsa-Eroski afianza así o seu compromiso cunha iniciativa que promove o intercambio cultural entre Galicia, Asturias, Cantabria, Euskadi, Navarra e A Rioxa.
Na sinatura do acordo, celebrada na Coruña, estiveron presentes a directora de Sostibilidade e Comunicación de Vegalsa-Eroski, Gabriela González; o coordinador de Camiño Escena Norte, Diego V. Meizoso; e, por parte de Escena Galega -a asociación promotora do CEN en Galicia-, Gustavo del Río. O acto tamén contou coa asistencia de Pérez & Fernández, unha das tres compañías galegas que participará este ano no Itinerario Constelacións, eixe central do programa, coa súa montaxe Nanay de la China.
“Para Vegalsa-Eroski a promoción da cultura é fundamental porque nos axuda a manter vivo o noso patrimonio, polo que estamos moi felices de renovar esta colaboración. Sobre todo porque falamos dun proxecto que se desenvolve en Galicia, Asturias e outras comunidades, unindo diferentes proxectos e perspectivas do noso territorio desde as artes escénicas”, destacou Gabriela González.
“Celebramos que Vegalsa-Eroski siga apoiando a cultura e en especial as artes escénicas e o espectáculo ao vivo a través dun proxecto que tece redes e abre novos camiños entre os territorios. A súa aposta foi e segue a ser fundamental para a estabilidade e desenvolvemento de Camiño Escena Norte. Establecemos unha alianza entre o sector cultural e creativo e o mundo da empresa que nos parece importantísima e que posibilita que este ano vaiamos ter actividade en case 30 sedes de Galicia e o Principado de Asturias”, indicou Gustavo del Río.
Canda a compañia coruñesa Pérez & Fernández, tamén representarán a Galicia no Itinerario Constelacións de Camiño Escena Norte o Grupo Chévere, Premio Nacional de Teatro 2014, que xirará con Hellen Keller, a muller marabilla?; e Paula Quintas Cía., que presentará o seu espectáculo Multiperspectivas#3.
VEGALSA-EROSKI
Vegalsa-Eroski conta en Galicia, Asturias e Castela e León con 288 establecementos entre propios e franquiados baixo as marcas comerciais hipermercados e gasolineiras Eroski, Eroski Center, Autoservicios Familia, Cash Record, Eroski City, Aliprox e Eroski Rapid. A súa estrutura comercial compleméntase cunha moderna plataforma de mercadorías xerais situada na localidade de Sigüeiro, na Coruña, dotada con tecnoloxías loxísticas de última xeración, ademais das plataformas de produtos frescos da Coruña e centros de redistribución en Vigo e Ourense.
CAMIÑO ESCENA NORTE
Camiño Escena Norte nace no 2019 co obxectivo de promover o intercambio cultural a través das artes escénicas, tomando como fío condutor os roteiros históricos do Camiño de Santiago do norte da Península Ibérica. Ao longo destes sete anos, Camiño Escena Norte levou o teatro, a danza e artes do movemento e o novo circo a escenarios afastados dos circuítos habituais en Galicia, Asturias, Cantabria, Euskadi e Navarra. Desde este 2025, tamén chegará a un novo territorio: A Rioxa.
CEN é unha iniciativa promovida polas asociacións profesionais de produtoras de artes escénicas ESCENA GALEGA (Galicia), ESCENASTURIAS (Asturias), ACEPAE (Cantabria), ESKENA (Euskadi), ESNA (Navarra) e AESCENA (A Rioxa). Todas elas, unidas, conforman a supraentidade Camiño Escena Norte Agrupación de Interese Económico, creada especificamente para o desenvolvemento, xestión e produción do proxecto.
CEN conta co apoio económico de gobernos e institucións das seis comunidades implicadas: Xunta de Galicia, a través da Axencia Galega das Industrias Culturais (Agadic); Goberno do Principado de Asturias; Goberno de Cantabria; Goberno Vasco; Deputación Foral de Araba, Deputación Foral de Bizkaia; Deputación Foral de Gipuzkoa; Goberno de Navarra, Gobierno de La Rioja e Ministerio de Cultura. Colabora tamén a Deputación Provincial de Lugo e Vegalsa-Eroski mantense como patrocinador oficial. Ademais, Camiño Escena Norte conta nesta edición coa colaboración especial da Asociación Te Veo de Artes Escénicas para la Infancia y la Juventud.
‘O Orgullo do Norte’ coruñés presenta tres novos directos este venres no escenario dos Xardíns de Méndez Núñez, con Judeline, Paula Koops e as drags Ariel REC & Gaylicia
Ao cargo das pinchadas que animarán a apertura e a clausura da noite estarán DJ Cés (para abrir a velada ás 20.00 horas) e a estrala dos pratos DJ Cascales (a partir das 01.15 horas)
O Atlantic Pride está impulsado pola Asociación Orgullo Coruña -ORCO-, co patrocinio institucional do Concello da Coruña, o apoio da Deputación da Coruña e o patrocinio privado de Estrella Galicia, Coruña The Style Outlets e Globalgrafic
Unha das figuras máis destacadas na neotradición musical actual, Judeline, aterra no Atlantic Pride, nos Xardíns de Méndez Núñez da cidade herculina, mañá venres, 11 de xullo, a partir das 00.15 horas. Judeline promete un directo para o recordo co seu célebre pop experimental, do que son seguidores os mesmísimos Rosalía e Bud Bunny, e que fai referencias aos estilos máis diversos, como o flamenco, o trap, o R&B ou o reguetón. Antes de visitar A Coruña, a artista levou o seu cautivador Joropo a Coachella o pasado mes de abril, onde compartiu escenario con estrelas mundiais como Lady Gaga, Charli XCX ou Travis Scott.
Tamén o venres, ás 22.15 horas, fará a súa aparición no Atlantic Pride unha das promesas da nova onda pop española, Paula Koops, cun son propio que lembra con nostalxia a unha fusión dos estrañados anos 2000 coas tendencias musicais actuais. Xnto a elas, o ‘Orgullo do Norte’ da Coruña acollerá unha nova, reivindicativa e divertida posta en escena drag, a cargo de Ariel REC & Gaylicia.
Nesta sexta xornada do ‘Orgullo do Norte’ coruñés, as pinchadas para abrir a noite, ás 20.00h, correrán a cargo de DJ Cés, mentres que o estrela dos pratos DJ Cascales será o encargado de poñer a bailar ao público na clausura da xornada a partir das 01.15 horas.
PROGRAMA ATLANTIC PRIDE 2025
Venres, 11 de xullo
Xardíns de Méndez Núñez
20.00h. DJ Cés
21.30h. Ariel Rec & Gaylicia
22.15h. Paula Koops
23.45h. Ariel Rec & Gaylicia
00.15h. Judeline
00.30h. DJ Cascales
SOBRE AS ARTISTAS DO VENRES 11 DE XULLO NO ATLANTIC PRIDE 2025
Judeline
Lara Fernández (Xerez da Fronteira, 2003) parece que viva no futuro, pero canta como ninguén a tradición do presente. Co seu proxecto Judeline entende tan ben o pop que é capaz de estirar os seus límites, tocando desde as herdanzas territoriais ata a dixitalización dos medios. Nesta época neo-tradicionalista os pícaros cruzan Xibraltar e as tonadilleiras son poliamorosas. Ninguén como ela soubo integrar no lugar onde tiña que estar. Criada no edén de Caños de Meca, nunha familia que entendía o valor da música, aprendeu a tararear antes que a balbucir. Hábil co piano, a guitarra e o catro vernezolano, pero tamén sobre os beats e co ‘pitcheo’. Sexa facendo unha versión a Lola Flores, sampleando a Antonio Carmona ou traballando con produtores da talla de Tainy ou Alizzz, mantén o seu pulso ao tempo e con todo o nivel.
Desde os 17 anos vive en Madrid, onde visitou todas as jam sessions e estudos de gravación que se lle puxeron ao toque. Co seu tándem de produtores Tuiste e Mayo, publicou un primeiro EP, de la luz (2022), recomendado polos mesmísimos “popes” do novo pop, Rosalía e Bad Bunny, que, como ela, entenden a experimentación como parte do proceso ao mainstream.
Desde entón, o name-dropping de recoñecementos foi de escándalo. É a Up Next España de agosto de 2023 en Apple Music, forma parte do programa DSCVR Artists To Watch de Vevo e é a primeira artista española en aparecer na serie Spotify Singles, versionando a Shakira, Alejandro Sanz e a Yahritza e a súa Esencia. Marcas como Adidas ou El Corte Inglés fixérona anfitrioa das súas campañas e protagonizou o vídeo Un tren de Navidad, de Vogue España, celebrando a súa vinculación coa moda e as novas tendencias.
Despois de gañarse o ceo da audiencia coas súas cancións Canijo e 2+1, abre esta nova etapa cunha xira europea teloneando a J Balvin. E, por suposto, coa súa xa esperada posta de longo, un álbum coproducido con Rob Bisel (SZA, Tate McRae…), Mayo, Tuiste e Drummie, do que xa nos adiantou o chill-house de mangata. Agora dirán que as tradicións só as dita o tempo, pero Judeline ten todas as cartas na súa baza para ser a que lidere a actual xeración.
Paula Koops
Paula Koops é unha xoven cantante, música e compositora que non deixa indiferente a ninguén coas súas cancións. En tan só un ano na industria musical, a artista posicionouse como unha das promesas da nova onda pop española. Os seus temas suman máis de 23 millóns de streams en Spotify, acumula preto de 700.000 oíntes mensuais en plataformas dixitais, as súas cancións e vídeos vólvense virales en TikTok e posicionouse como Artista Radar Global de Spotify.
Paula Koops atopou un son propio, que lembra con nostalxia a unha fusión dos estrañados anos 2000 coas tendencias musicais actuais. As súas letras plasman as súas experiencias persoais, o que lle fixo achegarse a toda unha xeración que ansía conectar cos seus artistas favoritos e verse reflectida nas súas cancións.
Co lanzamento do seu álbum debut, Motel, Paula Koops converteuse na artista revelación de 2025, protagonizando os festivais máis importantes e cunha extensa xira ao redor de España, colgando o cartel de ‘sold out’ na maioría das súas datas, como na mítica sala Riviera de Madrid.
Ariel REC & Gaylicia
Ariel Rec é unha artista drag, cantante, fotógrafa, youtuber e artista de tatuaxe española. Foi unha das concursantes da segunda tempada de Drag Race España. O seu nome, Ariel, inspírase en La sirenita, mentres que Rec provén da súa carreira como youtuber.
En decembro de 2019 lanza o seu tema musical No quiero, no que a artista narra a través da letra a súa carreira no drag desde os seus inicios. En 2020 fíxose eco no medio dixital Vozpópuli das estratexias de pinkwashing das empresas durante o mes do Orgullo LGTBIQ+. En 2022, competiu na segunda tempada de Drag Race España. No segundo episodio quedou entre as dúas nomeadas a eliminación. Finalmente, foi derrotada por Samantha Ballentines nunha batalla de lip sync, o que a levou a ser a segunda eliminada da tempada. En abril dese mesmo mes realizou unha colaboración de maquillaxe co medio dixital Cosmopolitan.
Posteriormente, tras a final de Drag Race España, Ariel formou parte da segunda edición da xira nacional del Gran Hotel de las Reinas. Ao Atlantic Pride da Coruña chega este verán da man de Gaylicia, “unha tía chulísima e moi sexy”, como ela mesma se define, que foi gañadora da Dragalada Drag Tour Madrid.
GRANDES DIVAS DO POP, TALENTO GALEGO, ICONAS LGTBIQ+ e DRAGS NO ORGULLO DO NORTE
Coñecido como o ‘Orgullo do Norte’, o Atlantic Pride celebrará a súa 6ª edición na Coruña do 6 ao 13 de xullo de 2025. Trátase dun festival pioneiro, gratuíto e inclusivo, destinado a reivindicar a liberdade afectiva, sexual e de identidade dende unha perspectiva lúdica e inclusiva.
A cita, que na súa pasada edición reuniu a máis de 25.000 persoas, está impulsada pola Asociación Orgullo Coruña -ORCO-, co patrocinio institucional do Concello da Coruña e o apoio da Deputación da Coruña. O Atlantic Pride conta, tamén, co patrocinio privado de Estrella Galicia, Coruña The Style Outlets e Globalgrafic. O encontro nace no ano 2019 coa vontade de situar á cidade herculina como a capital do bo ambiente e a celebración sen distincións nin barreiras. O proxecto, que trata de aglutinar a todas as capas da sociedade coruñesa dentro dunha contorna segura e amigable, desenvólvese en torno a varios días de concertos e actividades culturais, entre elas, o seu Certame de Literatura LGTBIQ+, coa fin de atraer ao público local e de fóra, como un referente cultural, turístico e social e unha das citas imprescindibles do verán no noroeste peninsular.
Neste 2025, o Atlantic Pride regresa como un espazo de celebración aberto, seguro e diverso, como referente dos ‘Orgullos’ que se celebran no comenzo do verán ao longo da Península e no que, un ano máis, se darán cita coloridas propostas para todos os públicos. Así, no Atlantic Pride non faltarán concertos de inspiración eurovisiva, grandes nomes do pop galegos, nacionais e internacionais, divertidas actuacións de drags, pinchadas de djs de referencia da escena galega e a celebración do IV Certame Literario de Literatura LGTBIQ+, da man do Club de Lectura QUEERuña, que na súa pasada edición rexistrou o seu récord de participación e que neste 2025 ten xa aberta a súa convocatoria para recibir relatos ata este sábado, 31 de maio.
Nesta 6ª edición, o Atlantic Pride contarña coa presencia de cinco grandes divas do pop español, Judeline, Edurne, Nia, Merche e Paula Koops, que encherán a cidade herculina de cor e diversión, cunhas voces que farán as delicias de diversas xeracións. Xunto a elas, a nova escena musical galega subirase un ano máis ao escenario do ‘Orgullo do Norte’ coruñés, da man de De Ninghures, Coolnenas, Agoraphobia, Alana, LERIA, ELBA e Rivadulla.
A elas súmanse, tamén, catro grandes iconas da cultura e a música LGTBIQ+, como son Jimena Amarillo, Mayo e os dj’s Sofía Cristo e Cascales. Turista Sueca poñerá a súa boa dose de festa, petardeo e humor, mentres que aos pratos estarán, tamén, La Kristhofer, Kris K DJ, DJ90, DJ Licho, DJ Flashback, DJ Espinoso e DJ CÉS.
Ademais, o mellor talento drag queen estatal e galego, de Drag Race ao Claro Boba!, sumaranse este verán á festa do Atlantic Pride, que neste 2025 contará co maior elenco drag da súa historia. Así, polas táboas do ‘Orgullo do Norte’ desfilarán grandes iconas queer como Samantha Ballentines, Arantxa Castilla-La Mancha & OnyX Unleashed, Yasmine Lutar, Liteah, RRRITA, Escarlatina Pier, Ariel REC & Gaylicia y Kelly Amethyst. Finalmente, a xornada de clausura do Atlantic Pride será un auténtico revival eurovisivo coas voces de David Civera, Anabel Conde e Kuve.
En paralelo á programación deste Atlantic Pride 2025, o sábado 12 de xullo, o local Claro Boba! e o programa da TVG Raíña-me! Organizan a ‘Afterpartie Raíña-me!’, con entrada libre e actuacións de Alexa Evans, Marisa Prisa e Kim Miller a partir das 02.30h.
BIGSOUND Pontevedra comezará este venres a súa primeira edición ao grande. Cun sold out absoluto, o festival líder de música urbana en España fará vibrar o Parque de Tafisa os días 11 e 12 de xullo, no que promete ser un dos eventos musicais máis importantes do verán en Galicia. Máis de 35.000 persoas procedentes de máis do 90% das provincias españolas daranse cita nunha celebración histórica de música, cultura e espectáculo.
A acollida foi tan extraordinaria que a organización xa confirmou a segunda edición de BIGSOUND Pontevedra en 2026, cos primeiros abonos promocionais á venda a próxima semana.
“A acollida que tivemos en Pontevedra foi excepcional, tanto por parte do público como das institucións e o tecido local. Esta primeira edición confirma que a cidade ten todo o potencial para consolidarse como unha nova sede chave no mapa dos grandes festivais en España. Superar o sold out no noso debut é un fito enorme, e anunciar xa a edición 2026 amosa que este proxecto ten percorrido e futuro”, destacan desde a organización.
O impacto positivo do festival deixouse sentir desde os días previos: tanto a administración, como a cidadanía, o sector hostaleiro e o comercio local mostraron o seu entusiasmo e compromiso coa continuidade do evento nos próximos anos.
Organizado por PlayPlan e BS Entertainment en colaboración co Concello de Pontevedra, BIGSOUND Pontevedra conta co apoio da Xunta de Galicia, a través da Axencia Turismo de Galicia no marco dos Concertos do Xacobeo.
O cartel desta primeira edición reúne a grandes nomes como Nicky Jam, Rels B, Juan Magán, Omar Montes, Amaia, Tanxugueiras, Leire Martínez, Abraham Mateo, Ptazeta, La Zowi, Luck Ra, Julieta, Marc Seguí, DePol e María Escarmento, xunto a talentos emerxentes e propostas galegas como Sabela, LODE e Soulmacklein, nunha programación que combina o mellor do pop urbano, o reguetón, o trap e a fusión latina. Con actuacións que van desde ídolos internacionais ata novas voces do panorama nacional, BIGSOUND Pontevedra converterá a cidade no auténtico epicentro da música urbana no norte de España, ofrecendo unha experiencia musical diversa, vibrante e memorable durante dous días inesquecibles.
BIGSOUND Pontevedra agradece o apoio nesta primeira edición a KELER, HAVANA, RENFE, IMAGIN, GI GROUP, REDBULL, PEPSI, SCHWEPPES, Los 40 Principales e Enterticket.
‘O Orgullo do Norte’ coruñés estrea este xoves, a partir das 20.00 horas, o escenario dos Xardíns de Méndez Núñez cos sons urbanos, sentimentais e activistas de Jimena Amarillo, os himnos atemporais de Merche e o agardado pop latino, melódico e de vangarda de Nia
Ao cargo das pinchadas que animarán a apertura e a clausura da noite –ás 20.00 e ás 00.30 horas, respectivamente– estará DJ90 a golpe de grandes hits, música dance e moita frescura
O Atlantic Pride está impulsado pola Asociación Orgullo Coruña -ORCO-, co patrocinio institucional do Concello da Coruña, o apoio da Deputación da Coruña e o patrocinio privado de Estrella Galicia, Coruña The Style Outlets e Globalgrafic
O Atlantic Pride estrea o escenario dos Xardíns de Méndez Núñez este xoves, 10 de xullo, a partir das 20.00 horas, da man de tres grandes voces femininas do pop español. Icona do pop lésbico, sentimental e urbano, Jimena Amarillo chega á cidade herculina ás 21.00 horas para facer bailar ao público ao son do seu romanticismo contemporáneo, que a artista serve sen rodeos e directo ao corazón.
Contra ás 00.00h, Merche poñerá a bailar ao público ao son de himnos pop como Abre tu mente ou No me pidas más amor. Antes, ás 22.45 horas, a gañadora de Operación Triunfo 2020, Nia, non defraudará aos seus fans co seu pop latino, xa sexa melódico ou de vangarda, para presentar os temas do seu álbum PALOSANTO.
Nesta quinta xornada do ‘Orgullo do Norte’ coruñés, as pinchadas para abrir e pechar a noite, ás 20.00h e ás 00.30 horas, correrán a cargo de DJ90, que poñerá ao público a bailar a golpe de grandes hits, música dance e moita frescura.
PROGRAMA ATLANTIC PRIDE 2025
Xoves, 10 de xullo
Xardíns de Méndez Núñez
20.00h. DJ90
21.00h. Jimena Amarillo
22.45h. Nia
00.00h. Merche
00.30h. DJ90
SOBRE AS ARTISTAS DO XOVES 10 DE XULLO NO ATLANTIC PRIDE 2025
Jimena Amarillo
Icona do pop lésbico, sentimental e urbano, Jimena Amarillo converteuse en referente da nova escena pop española dun xeito meteórico. As súas cancións –do mesmo xeito que os seus concertos– son unha amalgama de emocións e músicas do máis diversas, que sempre soan a Jimena Amarillo, cuns textos “marca da casa” que son puro realismo pop.
Ata o momento, publicou numerosos sinxelos e os discos Como decirte, mi amor (2021) e La pena no es cómoda (2023). Con este último, foi nomeada a mellor artista emerxente nos Premios de la Academia de la Música. Esta primavera de 2025 chega o seu terceiro disco e, tras el, o seu desembarco no Atlantic Pride da Coruña. O primeiro sinxelo deste novo traballo discográfico viu xa a luz. Trátase dunha canción da que a súa propia creadora di: “Flow deskiciada é o primeiro adianto dun disco no que, aparte de baladas e as miñas moñerías de sempre, fóiseme máis que nunca a cabeza e permitinme falar máis á lixeira, utilizando a xerga que máis me gusta e explorando outros camiños, meténdome máis de cheo no universo queer… por se non quedara claro que son lesbiana, pois o recordo aquí”.
Jimena Amarillo destaca na escena do novo pop español feito por debutantes autosuficientes e espontáneas que mesturan diferentes influencias e xéneros con naturalidade. A clave do seu éxito é a sinceridade; esa forma tan natural de contar as súas alegrías, penas e namoramentos e o sinxelo que resulta identificarse coas súas experiencias. Romanticismo sen rodeos e directo ao corazón. Por todo isto, a música erixiuse como toda unha icona da comunidade LGTBIQ+ e nomes como C. Tangana a sinalan como unha das artistas máis admiradas do momento.
Nia
Natural de Las Palmas de Gran Canaria, en 2020 preséntase a Operación Triunfo e convértese na gañadora. Despois lanza o seu primeiro EP, Cuídate, que conta con máis de oito millóns de escoitas en Spotify. Aválanlle colaboracións con artistas da talla de India Martínez, Blas Cantó, Edurne, Nino Vargas, Gente de Zona, Daniel Me estás Matando, Rocco Hunt, Lennis Rodríguez ou María Peláe; colaboracións que terminaron por asentar a proposta musical de Nia tanto nacional como internacionalmente.
Nia foi, ademais, a persoa máis votada polo público e a favorita por excelencia en Tu cara me suena, polas súas grandes interpretacións e espectaculares imitacións. Tamén participou en Dúos increíbles da man de Antonio Carmona. A carreira de Nia segue imparable e, grazas á súa talento multidisplinar, en 2022 foi a protagonista, xunto a Sebastian Yatra e Asier Etxeandia, da primeira serie musical de Netflix España, Érase unha vez… pero ya no.
En 2024 lanza o seu álbum debut PALOSANTO, que se converte rapidamente nun éxito de crítica e público, aguantando tres meses entre os discos máis vendidos do país e logrando nomeamentos a multitude de premios nacionais e internacionais.
A súa versión de Lágrimas negras, xunto á voz orixinal da lenda da música cubana Celia Cruz, lévana a cruzar o charco e converterse nunha das poucas españolas en cantar en formatos de renome internacional como Despierta América, en Estados Unidos.
Merche
Nada en Cádiz e ligada aos escenarios desde que era unha nena, Mercedes Trujillo Callealta, Merche, é unha das cantautoras máis coñecidas deste país, publicando 10 álbums inéditos ata a data.
Despois de conseguir numerosos éxitos ao longo da súa carreira con cancións como No me pidas más amor, Abre tu mente, Le deseo, Eras tú, Cal y arena, Si te marchas… entre outros, con seis discos de platino e catro de ouro, un nomeamento aos Grammys, numerosos premios recibidos ao longo dos seus 21 anos de carreira e os máis de 1.300 concertos dados por todo o país, a carreira de Merche converteuse nunha das máis consolidadas do panorama musical español.
Actualmente atópase promocionando o seu último single Soy superviviente, terceiro capítulo do seu novo proxecto Después de un tiempo, o seu novo proxecto, que consiste na publicación dunha serie de cancións inéditas baseadas nalgúns dos temas máis importantes da súa carreira e que contan como evolucionaron esas historias pasados os anos. Nesta ocasión esta historia é a continuación da historia da canción Abre tu mente.
GRANDES DIVAS DO POP, TALENTO GALEGO, ICONAS LGTBIQ+ e DRAGS NO ORGULLO DO NORTE
Coñecido como o ‘Orgullo do Norte’, o Atlantic Pride celebrará a súa 6ª edición na Coruña do 6 ao 13 de xullo de 2025. Trátase dun festival pioneiro, gratuíto e inclusivo, destinado a reivindicar a liberdade afectiva, sexual e de identidade dende unha perspectiva lúdica e inclusiva.
A cita, que na súa pasada edición reuniu a máis de 25.000 persoas, está impulsada pola Asociación Orgullo Coruña -ORCO-, co patrocinio institucional do Concello da Coruña e o apoio da Deputación da Coruña. O Atlantic Pride conta, tamén, co patrocinio privado de Estrella Galicia, Coruña The Style Outlets e Globalgrafic. O encontro nace no ano 2019 coa vontade de situar á cidade herculina como a capital do bo ambiente e a celebración sen distincións nin barreiras. O proxecto, que trata de aglutinar a todas as capas da sociedade coruñesa dentro dunha contorna segura e amigable, desenvólvese en torno a varios días de concertos e actividades culturais, entre elas, o seu Certame de Literatura LGTBIQ+, coa fin de atraer ao público local e de fóra, como un referente cultural, turístico e social e unha das citas imprescindibles do verán no noroeste peninsular.
Neste 2025, o Atlantic Pride regresa como un espazo de celebración aberto, seguro e diverso, como referente dos ‘Orgullos’ que se celebran no comenzo do verán ao longo da Península e no que, un ano máis, se darán cita coloridas propostas para todos os públicos. Así, no Atlantic Pride non faltarán concertos de inspiración eurovisiva, grandes nomes do pop galegos, nacionais e internacionais, divertidas actuacións de drags, pinchadas de djs de referencia da escena galega e a celebración do IV Certame Literario de Literatura LGTBIQ+, da man do Club de Lectura QUEERuña, que na súa pasada edición rexistrou o seu récord de participación e que neste 2025 ten xa aberta a súa convocatoria para recibir relatos ata este sábado, 31 de maio.
Nesta 6ª edición, o Atlantic Pride contarña coa presencia de cinco grandes divas do pop español, Judeline, Edurne, Nia, Merche e Paula Koops, que encherán a cidade herculina de cor e diversión, cunhas voces que farán as delicias de diversas xeracións. Xunto a elas, a nova escena musical galega subirase un ano máis ao escenario do ‘Orgullo do Norte’ coruñés, da man de De Ninghures, Coolnenas, Agoraphobia, Alana, LERIA, ELBA e Rivadulla.
A elas súmanse, tamén, catro grandes iconas da cultura e a música LGTBIQ+, como son Jimena Amarillo, Mayo e os dj’s Sofía Cristo e Cascales. Turista Sueca poñerá a súa boa dose de festa, petardeo e humor, mentres que aos pratos estarán, tamén, La Kristhofer, Kris K DJ, DJ90, DJ Licho, DJ Flashback, DJ Espinoso e DJ CÉS.
Ademais, o mellor talento drag queen estatal e galego, de Drag Race ao Claro Boba!, sumaranse este verán á festa do Atlantic Pride, que neste 2025 contará co maior elenco drag da súa historia. Así, polas táboas do ‘Orgullo do Norte’ desfilarán grandes iconas queer como Samantha Ballentines, Arantxa Castilla-La Mancha & OnyX Unleashed, Yasmine Lutar, Liteah, RRRITA, Escarlatina Pier, Ariel REC & Gaylicia y Kelly Amethyst. Finalmente, a xornada de clausura do Atlantic Pride será un auténtico revival eurovisivo coas voces de David Civera, Anabel Conde e Kuve.
En paralelo á programación deste Atlantic Pride 2025, o sábado 12 de xullo, o local Claro Boba! e o programa da TVG Raíña-me! Organizan a ‘Afterpartie Raíña-me!’, con entrada libre e actuacións de Alexa Evans, Marisa Prisa e Kim Miller a partir das 02.30h.
Desde este luns, 7 de xullo, e até o luns 21, no marco das Residencias Paraíso 2025, impulsadas polo Colectivo RPM, as creadoras traballan na Igrexa da Madalena, no marco do Mostra Internacional de Teatro de Ribadavia, na proposta Cerrados y dormidos los ojos bailan
Trátase dunha investigación que propón a construción do corpo imaxinario dunha non-bailarina posible, coa que buscan xerar unha conciencia sobre a mirada do público e a súa posición política diante dos discursos impresos no corpo en movemento
Unha vez finalizada a súa residencia, as artistas ofrecerán unha mostra aberta do seu traballo en proceso, que terá lugar o domingo, 20 de xullo, contra ás 20.00h, na mesma MIT, na Igrexa da Madalena, con entrada libre ata completa a capacidade do espazo
Paralelamente, Natalia Fernandes e Marta Azparren participarán, xunto ao resto de ‘Artistas Paraíso 2025’, nun encontro anual promovido polo Colectivo RPM que terá lugar os días 12, 13 e 14 de setembro na Illa de San Simón
Residencias Paraíso é un proxecto impulsado por RPM que conta co financiamento da Xunta de Galicia, a través da Axencia Galega das Industrias Culturais, e das distintas institucións coprodutoras do programa: Área de Cultura, Turismo e Promoción da Lingua do Concello de Lugo, Concello de Vimianzo, Concello de Carballo, Concello de Corcubión, MIT (Concello de Ribadavia) e Fundación Cidade da Cultura de Galicia
As artistas Natalia Fernandes e Marta Azparren iniciaron esta mañá na Igrexa da Madalena, no marco da Mostra Internacional de Teatro de Ribadavia, a MIT, a súa andaina na novena edición das Residencias Paraíso. As Residencias Paraíso son un programa anual de residencias artísticas para a danza e as artes vivas pioneiro no noso territorio, promovido polo Colectivo RPM. A MIT acolle, desde hoxe e até o luns, 21 de xullo, a quinta destas residencias artísticas de 2025, en torno á proposta das creadoras Natalia Fernandez e Marta Azparren que ten por título Cerrados y dormidos los ojos bailan.
Cerrados y dormidos los ojos bailan é un é un diálogo entre a Anatomía inventada de Natalia Fernandes e o Cine ciego de Marta Azparren, unha investigación que propón a construción do corpo imaxinario dunha non-bailarina posible, coa que as creadoras buscan xerar unha conciencia sobre a mirada do público e a súa posición política diante dos discursos impresos no corpo en movemento.
Unha vez finalizada a súa residencia artística, Natalia Fernandes e Marta Azparren ofrecerán unha mostra aberta do seu traballo en proceso, que terá lugar na mesma Igrexa da Madalena de Ribadavia, no marco da celebración da MIT, o domingo, 20 de xullo, contra ás 21.00 horas, con entrada de balde ata completar a capacidade do espazo. Paralelamente, as creadoras participarán, xunto ao resto de ‘Artistas Paraíso 2025’, nun encontro anual promovido polo Colectivo RPM que terá lugar os días 12, 13 e 14 de setembro na Illa de San Simón.
SOBRE O PROXECTO
Cerrados y dormidos los ojos bailan é un diálogo entre a Anatomía inventada de Natalia Fernandes e o Cine ciego de Marta Azparren.
Deste encontro, as dúas creadoras inician unha investigación que propón a construción do corpo imaxinario dunha non-bailarina posible (aquela que ocupa o negativo da bailarina), a creación colectiva da súa anatomía tan precisa como imposible e xerar unha conciencia sobre a mirada do público e a súa posición política diante dos discursos impresos no corpo en movemento.
Nun proceso que pensan sempre aberto, Marta e Natalia teñen o desexo, na súa estancia en Ribadavia, de revisitar o material teórico e escénico explorado deste primeiro encontro para seguir investigando e buscando as estratexias performativas de como traducir este diálogo co público co desexo de transformar e seguir bailando cos nosos ollos.
SOBRE AS ARTISTAS
Natalia Fernandes é unha intérprete e creadora brasileira establecida en España dende 2017. A súa formación en danza desenvólvese entre o contexto universitario (UNICAMP) e a escena contemporánea paulista. Traballou con coreógrafos en Alemaña, Israel, España, India, etc., e como creadora e profesora en países de Europa, Oriente Próximo, África e Estados Unidos. En 2017, iniciou a súa investigación sobre o método Anatomía inventada e comezou unha serie de traballos en España con Jesús Rubio Gamo, Celso Giménez / La Tristura e Poliana Lima, entre outros. A súa creación máis recente, El Carnaval no es alegre – TINY-DESK, estreouse no Festival TNT 2023 e en Conde Duque Madrid. En 2024 é artista residente do Graner, La Poderosa e C.C. Barceloneta, onde investiga a súa metodoloxía práctica Anatomía inventada e dá comezo ao seu novo proxecto escénico Objeto Não Identificado, unha coprodución do Mercat de Les Flors e Conde Duque.
Marta Azparren é unha artista visual non visual. Móvese entre o cine experimental / expandido, as artes vivas e o debuxo. O seu traballo adoita ocuparse da actividade artística atendendo ás conexións entre creadorxs, espectadorxs, obra e maquinaria interna da mediación, a produción e a exhibición. A mirada diríxese, ademais, cara ao non visual no visual, o que tende a desaparecer. É autora do ensaio Cine ciego: detener el flujo de las imágenes, sobre o cine monocromo e as imaxes sen imaxe.
MÁIS INFORMACIÓN SOBRE AS RESIDENCIAS PARAÍSO
Residencias Paraíso é un programa de residencias artísticas deseñado e coordinado por Colectivo RPM co apoio de numerosas institucións, en activo desde o ano 2017. A través dunha convocatoria anual, acompáñanse distintos proxectos en residencia de artistas galegas, estatais e portuguesas vinculadas á danza e as artes vivas en colaboración con distintos espazos de Galicia. Estes espazos acollen aos artistas en residencias de investigación, creación e técnicas.
A convocatoria anual das Residencias Paraíso publícase a comezos de ano e deixa aproximadamente un mes para a recepción de propostas. Está aberta a artistas galegas, estatais e portuguesas. As artistas seleccionadas na convocatoria realizan unha residencia de entre dúas e tres semanas no espazo de acollida e reciben unha dotación económica de entre 1.500 e 3.000 €, segundo as necesidades do proxecto. Paralelamente, en diálogo coas artistas, deséñase unha programación expandida específica para acompañar cada unha das residencias. Este concepto de programación expandida fai referencia aos desbordamentos naturais de cada proceso de creación cara á comunidade. Nalgúns casos, actívanse mostras abertas dos procesos, prácticas de corpo, grupos de traballo, laboratorios de creación, conferencias, etc.
Os proxectos seleccionados poden estar en distintas fases, é dicir, pódese participar cun proxecto de investigación, un proxecto de creación ou para realizar unha residencia técnica. Cada ano, no mes de setembro, organízase un encontro coas e cos artistas Paraíso da edición en curso na Illa de San Simón. Este encontro é unha convivencia de tres días, un espazo compartido entre artistas Paraíso, socias-amigas de Colectivo RPM, persoas vinculadas á rede de espazos colaboradores e profesionais independentes. Colectivo RPM documenta en vídeo cada un dos proxectos, xerando un arquivo histórico que se amplía ano tras ano.
Ao longo da súa historia, nas Residencias Paraíso participaron artistas e colectivos como Brigitte Vasallo, Clara Pampyn, Luísa Saraiva, Fernando Epelde, Marcia Vázquez, Natalia Fernandes, Hermanas Gestring, Diego Anido, Compañía Elahood, Andrea Quintana, Alejandra Balboa, María Roja, Laila Tafur, Furia Sotelo ou Sergio Marey, entre moitas outras.
Residencias Paraíso é un proxecto de Colectivo RPM en colaboración coa Xunta de Galicia, a través da Axencia Galega de Industrias Culturais. Está coproducido pola Área de Cultura, Turismo e Promoción da Lingua do Concello de Lugo, o Concello de Vimianzo, o Concello de Carballo, Concello de Corcubión, a MIT (Concello de Ribadavia) e a Fundación Cidade da Cultura de Galicia. E conta cola colaboración do Centro Dramático Galego, O Vello Cárcere de Lugo, o FIOT – Festival Internacional Outono de Teatro de Carballo, o Pazo da Cultura de Narón e o Padroado da Cultura do Concello de Narón.
SOBRE O COLECTIVO RPM
Colectivo RPM é un colectivo de artistas vencellados á danza e ás artes vivas que imaxina, deseña e acompaña proxectos contextuais desde Galicia. Mantén un claro compromiso polo diálogo interinstitucional e co impulso de iniciativas ao redor da creación contemporánea, a investigación e a visibilidade da comunidade artística da danza e as artes vivas. Ademais do acompañamento de artistas e procesos, o colectivo tamén xera diálogos e accións coas comunidades locais para achegar a práctica artística á cidadanía.
Dentro das liñas de acción do Colectivo RPM destaca o programa Residencias Paraíso -construído cunha rede de teatros e espazos cómplices en Galicia- que lanza unha convocatoria anual para acoller en residencia a distintos artistas ao longo do ano, despregando unha serie de programacións expandidas abertas ao público. Este programa esténdese fóra de Galicia na liña Cruceiros Paraíso que posibilita abrir liñas de colaboración con outros espazos estatais e internacionais.
A galería NÉBOA debuta en ARTESANTANDER cunha proposta de Andrea Davila Rubio e Andrés Rivas Rodís sobre corpo, territorio e memoria
Do 11 ao 15 de xullo de 2025
Stand N37 – Palacio de Exposicións e Congresos de Santander
Entrada libre | Horario: de 17:00 a 21:30 h
A galería NÉBOA, con sede en Lugo, participa por primeira vez en ARTESANTANDER, unha das feiras de arte contemporánea máis recoñecidas do Estado, cunha proposta que reúne o traballo recente de Andrea Dávila Rubio (Boiro, 1995) e Andrés Rivas Rodís (Santiago de Compostela, 2000). Ambos artistas galegos exploran desde perspectivas complementarias as relacións entre corpo, contorno, materia e memoria a través da escultura expandida e o collage matérico.
NÉBOA é a única galería galega presente nesta edición da feira cunha proposta composta integramente por artistas galegos, consolidando así o seu compromiso coa creación contemporánea do país e coa difusión de proxectos arraigados no territorio, cunha mirada crítica e sensíbel. Esta primeira participación supón un paso firme na súa proxección como axente activo no panorama estatal.
Fundada en 2023, NÉBOA é a única galería da provincia de Lugo integrada en CONTEMPORÁNEA, Asociación de Galerías de Arte Contemporánea de Galicia. Desde os seus inicios, defende a creación como espazo de pensamento e emoción, apostando por proxectos artísticos que dialogan coa identidade, a natureza e a esencia humana. O seu labor baséase na combinación de liberdade creativa e rigor curatorial, ofrecendo experiencias expositivas que favorezan a conexión emocional e intelectual co público.
Andrea Davila Rubio (Boiro, Pontevedra, 1995) é Doutora en Creación e Investigación en Arte Contemporánea pola Universidade de Vigo. Desenvolveu a súa práctica en institucións internacionais como o Boston College (EE.UU.) e o Institute Art Gender Nature (Basilea), grazas a bolsas como a Fulbright–Xunta de Galicia e a da Fundación María José Jove. Davila Rubio investiga a relación entre o corpo e os elementos naturais, creando pezas escultóricas que activan vínculos sensoriais coa materia, o vexetal e o espazo. A súa práctica propón unha ruptura coas xerarquías entre o humano e o non humano, formulando novas formas de convivencia baseadas no coidado e na transformación mutua.
Andrés Rivas Rodís (Santiago de Compostela, 2000) é graduado en Belas Artes pola Universidade Politécnica de Valencia (2022), máster en Investigación e Creación en Arte pola Universidade do País Vasco en Biscaia (2024), residente en Piramidón (Barcelona, 2025) e actualmente doutorando na Universidade de Vigo. En 2024 recibiu o Premio Gaztea do Concello de Leioa (Biscaia) e en 2022 foi galardoado co Premio Cátedra Bodegas Faustino & Willy Ramos (París) Rivas Rodís traballa co concepto de superficie como espazo de acumulación e diálogo. As súas obras funcionan como palimpsestos nos que se superpoñen capas de memoria, tempo e materia, xerando estruturas abertas e en constante evolución. A través da súa práctica, convida a repensar as dinámicas que conforman o noso contorno físico e simbólico.
A proposta para ARTESANTANDER artéllase arredor dun interese compartido pola materia como superficie viva e transformable. A través da escultura expandida e o collage matérico, ambos artistas exploran a relación entre corpo, contorno e memoria desde perspectivas complementarias, facendo da obra un espazo de tránsito onde o natural e o construído, o humano e o non humano se entrelazan sen xerarquías. As súas prácticas, sensoriais e procesuais, dialogan nun mesmo espazo para convidarnos a repensar o noso vínculo co mundo desde a atención, o coidado e a transformación continua.
Información práctica:
📍 Stand N37 – Palacio de Exposicións e Congresos de Santander. 📅 Do venres 11 ao martes 15 de xullo de 2025 🕔 Horario: de 17:00 a 21:30 horas 🎟 ENTRADA LIBRE
A Praza de Pontevedra será testemuña, de 20.00 a 00.30 horas, da segunda sesión de directos do ‘Orgullo do Norte’ coruñés, co mellor talento drag galego, a electrónica pop de vangarda de ELBA e a dj La Kristhofer ao cargo dos pratos que animarán a apertura e a clausura da noite
O Atlantic Pride está impulsado pola Asociación Orgullo Coruña -ORCO-, co patrocinio instGlobaitucional do Concello da Coruña, o apoio da Deputación da Coruña e o patrocinio privado de Estrella Galicia, Coruña The Style Outlets e Globalgrafic
O mellor talento drag queen galego súmase este lunes, 7 de xullo, á festa do Atlantic Pride, que neste 2025 conta co maior elenco drag da súa historia. Así, de 20.00 a 00.30h, polo escenario da Praza de Pontevedra desta segunda xornada ‘Orgullo do Norte’ coruñés desfilarán iconas queer autóctonas como Yasmine Lutar, Liteah y RRRITA. Da súa man, os monólogos, a performance e a música máis picante estarán servidas, para reivindicar a diversidade a golpe de humor e satíricas actuacións de infarto.
Xunto a estas tres raíñas do glam, o público poderá gozar, tamén, co directo da cantante e produtora santiaguesa ELBA, que contra ás 22.00 horas fará a súa aparición na segunda xornada do Atlantic Pride a golpe de sintetizadores, voces atmosféricas e elementos operísticos que dan vida á súa electrónica pop de vangarda. Finalmente, aos pratos se situará a dj La Kristhofer, para abrir e pechar a xornada ás 20.00 e ás 23.45 horas respectivamente.
PROGRAMA ATLANTIC PRIDE 2025
Luns, 7 de xullo
Praza de Pontevedra
20.00h. La Kristhofer
21.00h. Yasmine Lutar
21.30h. Liteah
22.00h. ELBA
23.15h. RRRITA
23.45h. La Kristhofer
SOBRE AS ARTISTAS DO LUNS 7 DE XULLO NO ATLANTIC PRIDE 2025
Yasmine Lutar
Yasmine Lutar é unha artista drag orixinaria da provincia de Pontevedra, onde comezou a súa andaina no mundo do drag aos 17 anos como unha forma de expresión persoal e un pasatempo creativo. Co tempo, ese xogo transformouse nunha paixón e, finalmente, nunha carreira artística. Desde 2023, Yasmine reside en Santiago de Compostela, cidade que marcou un punto de inflexión na súa traxectoria. É alí onde comeza a profesionalizar o seu drag, consolidando a súa presenza na escena galega con actuacións en espazos recoñecidos como Claro Boba! na Coruña ou N29 en Vigo.
Polo camiño, Yasmine cruzouse con Moira Lutar, a súa irmá drag, con quen forxou unha conexión profunda desde o primeiro momento. Máis adiante, coñecería tamén a Khloe Released e Syndra, quen non tardarían en converterse en piares fundamentais da súa traxectoria artística. Xuntas forman unha familia drag unida polo amor á arte, o compañeirismo e o apoio incondicional, que foi unha fonte constante de inspiración, crecemento e forza para Yasmine tanto dentro como fose do escenario.
O seu drag caracterízase por unha estética fina e sofisticada, na que se funden elementos da femme fatale clásica, o glamour do pin-up e unha sensualidade escura e enigmática. Yasmine é a encarnación do desexo e o misterio, unha figura poderosa que combina a arte da maquillaxe, a moda e a performance para cativar ao público. Cada aparición súa é unha experiencia visual e emocional, onde o sexy atópase co elegante e o escuro vólvese irresistible.
Liteah
Desde Santiago de Compostela, Liteah revolucionou a escena local drag como organizadora, xunto a Kim Miller, da Drag Night, un evento que se converteu en todo un referente para a arte drag en Galicia. A Drag Night naceu en 2023 co obxectivo de ofrecer un escenario ás artistas locais e combinalo coa presenza de invitadas de renome. Así, a cita non só visibiliza o talento drag local, senón que tamén achega a Compostela a concursantes de Drag Race como Marisa Prisa, Mariana Stars, La Bella Vampi ou Veneditta Von Däsh, entre moitas outras.
ELBA
Tras actuar en festivais como Sinsal, Noroeste, Monkey Week ou Puwerty, a cantante e produtora santiaguesa ELBA constrúe o seu propio selo de identidade marcado polo uso de sintetizadores, voces atmosféricas ou elementos operísticos. O seu primeiro LP, La magia natural, bascula entre a electrónica pop e a escola vangardista, un mash up pluscuamperfecto entre o escapismo místico máis atmosférico e o concretismo de radiofórmula máis certeiro.
RRRITA
Rrrita é a esencia do baile latino, o derroche de erotismo feminino e a liberación a través da súa presenza. Os seus shows están cheos de carisma e de looks coidadosamente escollidos para cada tema que soa. É a fórmula perfecta de brillo máis glamour. Se queres sentila, só tes que presenciala, porque cada performance está servida coma se fose a última. Estás preparado para unha bo sazón á galega?
GRANDES DIVAS DO POP, TALENTO GALEGO, ICONAS LGTBIQ+ e DRAGS NO ORGULLO DO NORTE
Coñecido como o ‘Orgullo do Norte’, o Atlantic Pride celebrará a súa 6ª edición na Coruña do 6 ao 13 de xullo de 2025. Trátase dun festival pioneiro, gratuíto e inclusivo, destinado a reivindicar a liberdade afectiva, sexual e de identidade dende unha perspectiva lúdica e inclusiva.
A cita, que na súa pasada edición reuniu a máis de 25.000 persoas, está impulsada pola Asociación Orgullo Coruña -ORCO-, co patrocinio institucional do Concello da Coruña e o apoio da Deputación da Coruña. O Atlantic Pride conta, tamén, co patrocinio privado de Estrella Galicia, Coruña The Style Outlets e Globalgrafic. O encontro nace no ano 2019 coa vontade de situar á cidade herculina como a capital do bo ambiente e a celebración sen distincións nin barreiras. O proxecto, que trata de aglutinar a todas as capas da sociedade coruñesa dentro dunha contorna segura e amigable, desenvólvese en torno a varios días de concertos e actividades culturais, entre elas, o seu Certame de Literatura LGTBIQ+, coa fin de atraer ao público local e de fóra, como un referente cultural, turístico e social e unha das citas imprescindibles do verán no noroeste peninsular.
Neste 2025, o Atlantic Pride regresa como un espazo de celebración aberto, seguro e diverso, como referente dos ‘Orgullos’ que se celebran no comenzo do verán ao longo da Península e no que, un ano máis, se darán cita coloridas propostas para todos os públicos. Así, no Atlantic Pride non faltarán concertos de inspiración eurovisiva, grandes nomes do pop galegos, nacionais e internacionais, divertidas actuacións de drags, pinchadas de djs de referencia da escena galega e a celebración do IV Certame Literario de Literatura LGTBIQ+, da man do Club de Lectura QUEERuña, que na súa pasada edición rexistrou o seu récord de participación e que neste 2025 ten xa aberta a súa convocatoria para recibir relatos ata este sábado, 31 de maio.
Nesta 6ª edición, o Atlantic Pride contarña coa presencia de cinco grandes divas do pop español, Judeline, Edurne, Nia, Merche e Paula Koops, que encherán a cidade herculina de cor e diversión, cunhas voces que farán as delicias de diversas xeracións. Xunto a elas, a nova escena musical galega subirase un ano máis ao escenario do ‘Orgullo do Norte’ coruñés, da man de De Ninghures, Coolnenas, Agoraphobia, Alana, LERIA, ELBA e Rivadulla.
A elas súmanse, tamén, catro grandes iconas da cultura e a música LGTBIQ+, como son Jimena Amarillo, Mayo e os dj’s Sofía Cristo e Cascales. Turista Sueca poñerá a súa boa dose de festa, petardeo e humor, mentres que aos pratos estarán, tamén, La Kristhofer, Kris K DJ, DJ90, DJ Licho, DJ Flashback, DJ Espinoso e DJ CÉS.
Ademais, o mellor talento drag queen estatal e galego, de Drag Race ao Claro Boba!, sumaranse este verán á festa do Atlantic Pride, que neste 2025 contará co maior elenco drag da súa historia. Así, polas táboas do ‘Orgullo do Norte’ desfilarán grandes iconas queer como Samantha Ballentines, Arantxa Castilla-La Mancha & OnyX Unleashed, Yasmine Lutar, Liteah, RRRITA, Escarlatina Pier, Ariel REC & Gaylicia y Kelly Amethyst. Finalmente, a xornada de clausura do Atlantic Pride será un auténtico revival eurovisivo coas voces de David Civera, Anabel Conde e Kuve.
En paralelo á programación deste Atlantic Pride 2025, o sábado 12 de xullo, o local Claro Boba! e o programa da TVG Raíña-me! Organizan a ‘Afterpartie Raíña-me!’, con entrada libre e actuacións de Alexa Evans, Marisa Prisa e Kim Miller a partir das 02.30h.
