Día de Rosalía de Castro
Publicado: Mércores 8 Febreiro 2017
Area: Cultura Eventos
A Asociación de Escritoras e Escritores en Lingua Galega (AELG) disponse a conmemorar un ano máis o
Día de Rosalía de Castro. O 24 de febreiro, fixado no Calendario do Libro e da Lectura como aniversario do nacemento da autora, esta entidade propón á cidadanía que agasalle un libro en galego e unha flor, alén doutras accións que contaron con grande aceptación e impulso por parte da sociedade, e moi especialmente polo sector educativo.
Polo tanto, o vindeiro 24 de febreiro ás 20h na Casa da Cultura de Vilalba, a Área de Cultura do Concello de Vilalba e mais o portal dixital Culturalia GZ, en colaboración coa propia AELG, van organizar unha lectura pública e continuada de textos de Rosalía de Castro. E para iso convocan a distintos colectivos vilalbeses e á cidadanía, en xeral, a participar en dito acto de lectura de textos rosalianos