{"id":5706,"date":"2019-04-01T13:20:25","date_gmt":"2019-04-01T12:20:25","guid":{"rendered":"http:\/\/culturaliagz.com\/?p=5706"},"modified":"2019-04-01T13:26:32","modified_gmt":"2019-04-01T12:26:32","slug":"o-galician-film-forum-de-londres-celebra-a-sua-decima-edicion","status":"publish","type":"post","link":"http:\/\/culturaliagz.com\/?p=5706","title":{"rendered":"O Galician Film Forum de Londres celebra a s\u00faa d\u00e9cima edici\u00f3n"},"content":{"rendered":"\n
\"\"<\/a><\/figure><\/div>\n\n\n\n

<\/p>\n\n\n\n

Galician Film Forum<\/a> celebra a s\u00faa d\u00e9cima edici\u00f3n coa estrea de ‘T\u00f3dalas mulleres que co\u00f1ezo’ no Reino Unido e coa proxecci\u00f3n de ‘Matria’ <\/strong>(Enlace \u00e1 nota de prensa<\/a>)<\/p>\n\n\n\n

\u25cf     \n‘T\u00f3dalas\nmulleres que co\u00f1ezo’, de Xiana do Teixeiro, \u00e9 un documental sobre espazo\np\u00fablico, x\u00e9nero e violencia que se articula arredor de tres conversas<\/strong><\/p>\n\n\n\n

\u25cf     \n‘Matria’,\nde \u00c1lvaro Gago, \u00e9 unha curtametraxe multipremiada sobre a incomunicaci\u00f3n e o\nfalso mito do matriarcado galego<\/strong><\/p>\n\n\n\n

\u25cf     \nA\ncita ser\u00e1 o venres 5 de abril, a partir das 19 horas, no King\u00b4s College London,\ncon entrada gratu\u00edta<\/strong><\/p>\n\n\n\n

\u25cf     \nAo\nrematar a proxecci\u00f3n haber\u00e1 un coloquio con \u00c1lvaro Gago, presente no evento<\/strong><\/p>\n\n\n\n

O Galician Film Forum<\/strong> (GFF)<\/a> celebrar\u00e1 a s\u00faa d\u00e9cima edici\u00f3n cun\nprograma dobre que incluir\u00e1 a estrea no Reino Unido do documental T\u00f3dalas\nmulleres que co\u00f1ezo<\/em><\/a>, de Xiana do\nTexeiro, e a proxecci\u00f3n da curtametraxe Matria<\/em><\/a>, de \u00c1lvaro Gago. A actividade ter\u00e1 lugar o venres, 5 de abril, na\nuniversidade King\u00b4s College London [19 h, Edmond J Safra Theatre, Strand\nCampus, WC2R 2LS]. Ademais, tras as proxecci\u00f3ns o p\u00fablico ter\u00e1 a oportunidade\nde manter un coloquio con \u00c1lvaro Gago, que se desprazar\u00e1 a Londres para\nparticipar nesta edici\u00f3n.<\/p>\n\n\n\n

Coma decote,\nambas as d\u00faas obras proxectaranse en versi\u00f3n orixinal con subt\u00edtulos en ingl\u00e9s\ne o encontro celebrarase en ingl\u00e9s e mais en galego. A entrada do evento \u00e9\ngratu\u00edta, mais c\u00f3mpre reservala con antelaci\u00f3n neste enlace<\/a>. Esta edici\u00f3n\ndo GFF conta co apoio do Departamento de Spanish, Portuguese and Latin American\nStudies do King\u00b4s College London, co patrocinio de ABANCA e coa colaboraci\u00f3n da\nOficina para Asuntos Culturais e Cient\u00edficos da Embaixada de Espa\u00f1a en Londres.<\/p>\n\n\n\n

O documental T\u00f3dalas mulleres que co\u00f1ezo<\/em><\/strong>\nrecolle tres discusi\u00f3ns interconectadas sobre violencia, x\u00e9nero e espazo\np\u00fablico. Na primeira delas, cinco amigas comparten vivencias nunha conversa\n\u00edntima que se grava e amosa nunha xuntanza de mulleres e, m\u00e1is tarde, nunha\nclase de bacharelato. O resultado final son tres conversas femininas de\ndistintas xeraci\u00f3ns que comparten experiencias e sensaci\u00f3ns sobre espazo\np\u00fablico, x\u00e9nero e violencia.<\/p>\n\n\n\n

Con este\nparticular di\u00e1logo sobre o di\u00e1logo\nrodado en branco e negro, a directora busca articular un discurso sobre o medo\nque non fomente o medo, un discurso sobre a violencia que non resulte violento.\nUnha historia, en definitiva, de sororidade universal que persegue, \u00e1 s\u00faa vez,\nalentar novas conversas tras o seu visionado.<\/p>\n\n\n\n

Dende a s\u00faa estrea, o\ndocumental de Xiana do Teixeiro proxectouse en numerosos festivais nacionais e\nno Cinespa\u00f1a de Toulouse. Entre os galard\u00f3ns que obtivo figuran o Premio do\nP\u00fablico de Primavera do Cine de Vigo, o Premio do P\u00fablico e o Premio DOCMA de\nAlcances – Festival de Cinema Documental de C\u00e1diz, e o Premio Screenly de\nDocumenta Madrid. Tam\u00e9n conseguiu a Special Mention Feature Doc do Evolution\nMallorca International Film Festival e a Menci\u00f3n especial do xurado de OUFF –\nFestival de Cinema Internacional de Ourense.<\/p>\n\n\n\n

Premio en Sundance<\/strong><\/p>\n\n\n\n

Pola s\u00faa banda, Matria<\/em><\/strong>\nchega ao GFF co aval que sup\u00f3n ser un dos t\u00edtulos m\u00e1is reco\u00f1ecidos do\naudiovisual galego, con galard\u00f3ns tan destacados como o Gran Premio do Xurado\ndo Festival de Sundance, o de mellor curtametraxe espa\u00f1ola da Seminci de\nValladolid ou os premios \u00e1 mellor pel\u00edcula e actriz obtidos en Alcine, o\nFestival Internacional de Alcal\u00e1 de Henares, por citarmos alg\u00fans dos m\u00e1is de\nsesenta que logrou no seu triunfal percorrido por festivais nacionais e\ninternacionais.<\/p>\n\n\n\n

Un impresionante palmar\u00e9s para unha obra sobre a\nincomunicaci\u00f3n que desmonta o mito do matriarcado en Galicia a trav\u00e9s dun d\u00eda\nna vida de Ramona, traballadora dunha conserveira. A c\u00e1mara segue a\nprotagonista amosando de xeito case documental os elementos da s\u00faa rutina\ncoti\u00e1: o cansazo, a incomunicaci\u00f3n no traballo e no fogar e o refuxio na\ncomplicidade coa s\u00faa filla e mais a s\u00faa neta.<\/p>\n\n\n\n

Os directores<\/strong><\/p>\n\n\n\n

Xiana do Teixeiro<\/strong> \u00e9 unha cineasta interesada no relato \u00edntimo, a\nidentidade, a construci\u00f3n do x\u00e9nero e a ecolox\u00eda. Tam\u00e9n \u00e9 doutora e\ninvestigadora en Comunicaci\u00f3n Audiovisual, creadora, produtora musical e\ncofundadora da produtora Walkie Talkie Films. Con Estrada dunha soa\ndirecci\u00f3n<\/em> ga\u00f1ou o Proxecto X Films do Festival Punto de Vista 2015\n(Navarra). Actualmente est\u00e1 inmersa en Proxecto Diario<\/em>, unha\ninvestigaci\u00f3n art\u00edstica e pel\u00edcula en produci\u00f3n sobre o diario \u00edntimo feminino\nadolescente. T\u00f3dalas mulleres que co\u00f1ezo<\/em> (2018) \u00e9 a s\u00faa primeira\nlongametraxe.<\/p>\n\n\n\n

\u00c1lvaro Gago<\/strong> estudou Comunicaci\u00f3n Audiovisual e Piano en\nGalicia antes de se mudar a Chicago, onde se formou en actuaci\u00f3n e direcci\u00f3n de\nteatro na North Park University. M\u00e1is tarde trasladouse a Londres, onde se\ngraduou na London Film School coa curta Curric\u00e1n<\/em> (2013).\nProfesionalmente, compaxina a s\u00faa faceta de director coa montaxe e a docencia\nde cinema. Recentemente acaba de rematar a rodaxe da s\u00faa nova curta, 16 de\ndecembro<\/em>, e est\u00e1 a preparar o gui\u00f3n da s\u00faa primeira longametraxe.<\/p>\n\n\n\n

Galician Film Forum<\/strong><\/p>\n\n\n\n

O GFF naceu no 2015 no\nseo dun grupo de galegos emigrados a Londres co obxectivo de crear un espazo\npara a difusi\u00f3n do cinema galego na capital brit\u00e1nica. A s\u00faa actividade\nartic\u00falase en tres eixes: como plataforma de exhibici\u00f3n, como observatorio da\nnova di\u00e1spora creativa audiovisual no Reino Unido e como espazo de reflexi\u00f3n\nsobre o cinema e a cultura galega en termos universais.<\/p>\n\n\n\n

\u00b7      \nEntradas:<\/strong>\nttps:\/\/gff10.eventbrite.co.uk<\/a><\/p>\n\n\n\n

\u00b7      \nTr\u00e1iler T\u00f3dalas as mulleres que co\u00f1ezo<\/em>: <\/strong>https:\/\/vimeo.com\/259662483<\/a><\/p>\n\n\n\n

\u00b7       Tr\u00e1iler Matria<\/em><\/strong>: <\/strong>https:\/\/vimeo.com\/236112975<\/a><\/p>\n\n\n\n

<\/p>\n\n\n\n