{"id":19327,"date":"2025-08-23T12:40:19","date_gmt":"2025-08-23T11:40:19","guid":{"rendered":"http:\/\/culturaliagz.com\/?p=19327"},"modified":"2025-08-23T12:40:21","modified_gmt":"2025-08-23T11:40:21","slug":"patricia-torrado-queiruga-gana-o-li-certame-literario-do-concello-de-vilalba-coa-obra-nakba","status":"publish","type":"post","link":"http:\/\/culturaliagz.com\/?p=19327","title":{"rendered":"Patricia Torrado Queiruga ga\u00f1a o LI Certame Literario do Concello de Vilalba coa obra NAKBA"},"content":{"rendered":"\n

<\/p>\n\n\n

\n
\"\"<\/a>
Imaxe da autora recollida do seu espazo na AELG. Autor\u00eda: Distrito Xermar (2022)<\/sub><\/sup><\/em><\/figcaption><\/figure>\n<\/div>\n\n\n

<\/p>\n\n\n\n

<\/p>\n\n\n\n

A obra da sonense Patricia Torrado Queiruga, que recibir\u00e1 7.000 euros e ver\u00e1 publicada a s\u00faa creaci\u00f3n, foi a elixida polo xurado integrado por figuras de prestixio cultural e acad\u00e9mico<\/strong><\/p>\n\n\n\n

<\/p>\n\n\n\n

<\/p>\n\n\n\n

O xurado do LI Certame Literario do Concello de Vilalba<\/a> v\u00e9n de facer p\u00fablico o seu ditame, proclamando como ga\u00f1adora a obra Nakba<\/strong>, presentada baixo o lema \u201cComa quen lambe a ferida\u201d, e cuxa autor\u00eda correspondeu \u00e1 escritora e poeta Patricia Torrado Queiruga<\/em>.<\/p>\n\n\n\n

O certame, o m\u00e1is antigo de Galicia e tam\u00e9n un dos de mellor dotaci\u00f3n econ\u00f3mica, est\u00e1 reco\u00f1ecido como unha das grandes citas da creaci\u00f3n literaria no pa\u00eds. A ga\u00f1adora desta edici\u00f3n recibir\u00e1 un premio de 7.000 euros, ao que se suma a publicaci\u00f3n da obra.<\/p>\n\n\n\n

O xurado estivo composto por figuras de referencia do \u00e1mbito cultural e acad\u00e9mico galego: Dar\u00edo Villanueva, membro da Real Academia Espa\u00f1ola; Ram\u00f3n Villares, catedr\u00e1tico de Historia; Xulio Xiz, xornalista; Fidel Fern\u00e1n, director do Grupo de Radio Principal; Luz Airado, avogada e poeta; e Andrea Fern\u00e1ndez Maneiro, poeta e ga\u00f1adora da edici\u00f3n anterior.<\/p>\n\n\n\n

A alcaldesa Marta Rouco destacou \u201ca importancia de manter vivo un certame que forma parte da identidade cultural de Vilalba e que \u00e9, ademais, un referente en toda Galicia polo seu prestixio e pola s\u00faa aposta decidida pola creaci\u00f3n literaria\u201d. Engadiu que \u201cdetr\u00e1s destas cinco d\u00e9cadas de historia hai un compromiso claro co talento, a cultura e a palabra escrita\u201d.<\/p>\n\n\n\n

Pola s\u00faa parte, a concelleira de Cultura M\u00f3nica Gonz\u00e1lez puxo en valor a calidade da obra ga\u00f1adora e da propia convocatoria: \u201co Certame Literario de Vilalba demostra ano tras ano a s\u00faa capacidade de atraer voces potentes e diversas do panorama literario galego. Este premio non s\u00f3 promove a creaci\u00f3n, sen\u00f3n que tam\u00e9n proxecta o nome de Vilalba\u201d. <\/p>\n\n\n\n

A traxectoria da ga\u00f1adora<\/strong><\/p>\n\n\n\n

Patricia Torrado Queiruga (Porto Son, A Coru\u00f1a) \u00e9 licenciada en Filosof\u00eda pola USC, muse\u00f3loga e experta en conservaci\u00f3n e restauraci\u00f3n do patrimonio pola UAH, ademais de contar con mestrados en Xesti\u00f3n Cultural e en Relaci\u00f3ns P\u00fablicas e Protocolo pola UPO.<\/p>\n\n\n\n

A s\u00faa traxectoria literaria est\u00e1 avalada por numerosos reco\u00f1ecementos, entre os que destacan:<\/p>\n\n\n\n