{"id":19080,"date":"2025-07-15T13:14:25","date_gmt":"2025-07-15T12:14:25","guid":{"rendered":"http:\/\/culturaliagz.com\/?p=19080"},"modified":"2025-07-15T13:15:26","modified_gmt":"2025-07-15T12:15:26","slug":"a-artista-galega-xalum-presenta-o-seu-novo-e-conmovedor-single-linterdit","status":"publish","type":"post","link":"http:\/\/culturaliagz.com\/?p=19080","title":{"rendered":"A artista galega Xa\u00b4Lum presenta o seu novo e conmovedor single, L\u2019INTERDIT"},"content":{"rendered":"\n

<\/p>\n\n\n\n

\"\"<\/a><\/figure>\n\n\n\n

<\/p>\n\n\n\n

<\/p>\n\n\n\n

Hai proxectos que che enchen a alma e che fan mirar m\u00e1is al\u00e1 da m\u00fasica. Con Xa\u00b4Lum<\/strong> pasa algo parecido: a s\u00faa m\u00fasica transp\u00f3rtanos a universos paralelos cargados de m\u00edstica e simbolismo. A artista galega presenta “L\u2019interdit”<\/em>, o seu primeiro sinxelo cantado en franc\u00e9s, conectando as\u00ed coas s\u00faas orixes. Enchido de alal\u00e1s electr\u00f3nicos e de percusi\u00f3ns tradicionais galegas, a artista relata a historia da s\u00faa familia no exilio en Francia durante o franquismo.<\/p>\n\n\n\n

O nome “L\u2019interdit”<\/em>, que significa \u2018o prohibido\u2019, fai referencia ao nacemento da s\u00faa nai en Francia, nunha \u00e9poca na que os seus av\u00f3s, internos como traballadores do fogar nunha familia francesa, ti\u00f1an prohibido ter fillos. A nai da artista tivo que ser enviada a Espa\u00f1a sendo a\u00ednda un beb\u00e9 e, anos m\u00e1is tarde, a s\u00faa filla, a artista XA\u2019LUM, conquista a escena musical francesa con este novo sinxelo e numerosos concertos por todo o territorio franc\u00e9s. O ritmo da canci\u00f3n l\u00e9vanos de forma directa e dram\u00e1tica ao coraz\u00f3n desta historia, fac\u00e9ndonos sentir cada momento grazas \u00e1 forza e intensidade que imprime Xa\u00b4Lum a cada nota e a cada verso de “L\u2019interdit”<\/em>.<\/p>\n\n\n\n

 O sinxelo \u00e9 unha mestura da m\u00fasica que conforma a identidade cultural da artista, coas influencias r\u00edtmicas e vocais galegas, e o dese\u00f1o sonoro e os elementos electr\u00f3nicos t\u00edpicos da escena musical francesa. Producido polo produtor italiano Gabriele Busu (oblyo.wav) e gravado nos estudios parisienses Sodasound, tr\u00e1tase dun proxecto financiado pola escola francesa IESA. Un sinxelo que toma o relevo de “A Flor da Auga”<\/em> e que posiciona a Xa\u00b4Lum como unha das artistas con maior proxecci\u00f3n dentro do panorama musical europeo.<\/p>\n\n\n\n

Con pinceladas de neo-psicodelia e alt-R&B, a m\u00fasica de XA\u2019LUM xorde do m\u00e1is profundo da natureza, transformando todo aquilo que foi silenciado. Os seus traballos musicais, cheos de alegor\u00edas da mitolox\u00eda galega \u2014moi vencellada \u00e1 natureza\u2014, dan vida e voz a todo o que non queremos que exista. A mi\u00fado \u00e9 comparada con artistas de renome como FKA Twigs, Sevdaliza ou James Blake. En directo, fusiona o son de instrumentos r\u00edtmicos tradicionais galegos como vieiras e pandeiretas con loops vocais e sintetizadores electr\u00f3nicos.<\/p>\n\n\n\n

<\/p>\n\n\n\n

<\/p>\n\n\n\n

Master Xalum l’interdit V2<\/em><\/p>\n\n\n\n

<\/p>\n\n\n\n

<\/p>\n\n\n\n