{"id":17939,"date":"2025-03-28T01:23:59","date_gmt":"2025-03-28T00:23:59","guid":{"rendered":"http:\/\/culturaliagz.com\/?p=17939"},"modified":"2025-03-28T01:24:02","modified_gmt":"2025-03-28T00:24:02","slug":"fillas-de-cassandra-publica-quebrantarse-o-2o-fasciculo-de-hibernarse","status":"publish","type":"post","link":"http:\/\/culturaliagz.com\/?p=17939","title":{"rendered":"Fillas de Cassandra publica ‘Quebrantarse’, o 2\u00ba fasc\u00edculo de ‘Hibernarse’"},"content":{"rendered":"\n


<\/p>\n\n\n\n

\"\"<\/a><\/figure>\n\n\n\n

<\/p>\n\n\n\n

<\/p>\n\n\n\n

Fillas de Cassandra publica Quebrantarse, <\/em>un chamado \u00e1 recuperaci\u00f3n da memoria colectiva e contra o tempo arrebatado pola guerra<\/strong><\/p>\n\n\n\n

O segundo avance do universo Hibernarse<\/em> pres\u00e9ntase como un acto de resistencia. \u201cFronte \u00e1 historia oficial, s\u00f3 fica a memoria\u201d, recorda o d\u00fao<\/strong><\/p>\n\n\n\n

Parte da melod\u00eda de Quebrantarse<\/em> est\u00e1 inspirada no Romance do Comandante Moreno<\/em> interpretado por Severina Murias e incl\u00fae versos de Garc\u00eda Lorca<\/strong><\/p>\n\n\n\n



Quebrantarse<\/em>, o segundo fasc\u00edculo do EP Hibernarse <\/em>de Fillas de Cassandra, xa est\u00e1 dispo\u00f1ible nas principais plataformas dixitais<\/a>. A nova entrega do d\u00fao vigu\u00e9s versa sobre o tempo fragmentado pola guerra<\/strong>. A intenci\u00f3n de Mar\u00eda SOA e de Sara Faro non \u00e9 outra que <\/strong>recuperar a memoria colectiva fronte a unha li\u00f1a temporal marcada pola historia oficial e po\u00f1er voz a unha ferida que segue aberta. 

Quebrantarse<\/em> agroma da memoria persoal e familiar, mais tam\u00e9n da colectiva e universal<\/strong>. Pres\u00e9ntase como unha conversa entre dous amigos que, ca\u00eddos en bandos enfrontados durante a Guerra Civil, e sendo v\u00edtimas dun sistema que os condenou a unha violencia que non escolleron, se despiden ante a inminente morte dun deles \u00e1s mans do outro. “C\u00f3ntame o teu segredo \/ c\u00f3ntamo, que eu xa mo sei”, canta Fillas de Cassandra sobre unha verdade que non precisa ser dita: os dous amigos saben o destino que os agarda, mais po\u00f1elo en palabras significa darlle forma ao horror.<\/p>\n\n\n\n

Parte da melod\u00eda deste Quebrantarse<\/em> insp\u00edrase no Romance do Comandante Moreno<\/em>, segundo a versi\u00f3n que interpreta Severina Murias<\/a>, unha elecci\u00f3n que entronca coa idea que Fillas de Cassandra quere po\u00f1er en valor: o papel da muller na transmisi\u00f3n da tradici\u00f3n oral galega, onde a m\u00fasica foi un veh\u00edculo de resistencia e memoria colectiva.<\/strong> Ao f\u00edo, Sara Faro e Mar\u00eda SOA incorporan a gaita (Adri\u00e1n M\u00e9ndez, De Ninghures) \u00e1 instrumentaci\u00f3n do tema para unilo, precisamente, coa zona da Fonsagrada (lugar onde te\u00f1en lugar os feitos que Severina relata).  <\/p>\n\n\n\n

A peza, producida por Greta Ch\u2019aska, Mumbai Moon e Fillas de Cassandra<\/strong>, acomp\u00e1\u00f1ase tam\u00e9n do son do remexer da terra e muda o comp\u00e1s final, deix\u00e1ndoo en suspensi\u00f3n, como met\u00e1fora do apremio da morte. E no retrouso do tema, o d\u00fao recupera versos de Yerma<\/em>, de Federico Garc\u00eda Lorca: “E sost\u00e9n este corpo de terra \/ at\u00e9 o branco xemido da alba”. <\/p>\n\n\n\n

Desde xeito, e nesta segunda entrega de Hibernarse<\/em>, Fillas de Cassandra aborda a fragmentaci\u00f3n do tempo a trav\u00e9s da perda da memoria colectiva<\/strong>. \u201cFronte ao tempo da historia oficial, s\u00f3 fica a memoria. A Guerra Civil e as s\u00faas feridas foron relegadas a un pasado edulcorado ou silenciado, convertendo os eventos en imaxes descontextualizadas que afastan as xeraci\u00f3ns actuais da s\u00faa realidade\u201d, explica o d\u00fao vigu\u00e9s, que aposta por po\u00f1er voz a unha ferida que segue aberta. 
<\/p>\n\n\n\n

<\/p>\n\n\n\n

\"\"<\/a><\/figure>\n\n\n\n

<\/p>\n\n\n\n


Hibernarse,<\/em> o universo multiformato de Fillas de Cassandra

<\/strong>Hibernarse <\/em>\u00e9 o novo proxecto h\u00edbrido, multiformato e singular no que Fillas de Cassandra reflexiona sobre o concepto do tempo<\/strong> a trav\u00e9s de diferentes prismas e disciplinas art\u00edsticas<\/strong>. O n\u00facleo desta proposta componse dun EP de catro temas que o d\u00fao dar\u00e1 a co\u00f1ecer, semanalmente, desde o 20 de marzo ata xoves 10 de abril. Ser\u00e1 daquela cando o p\u00fablico poder\u00e1 descubrir todo o que se agocha baixo o paraugas deste novo traballo, que se publicar\u00e1 da man de Tremendo Audiovisual e Altafonte, e que se poder\u00e1 reservar, proximamente, a trav\u00e9s da p\u00e1xina web www.altafonte.com<\/a>.<\/p>\n\n\n\n

Hibernarse<\/em> \u00e9 o resultado dun proceso de maduraci\u00f3n musical e discursiva fiado paseni\u00f1o e con esmero por Mar\u00eda SOA e Sara Faro. Logo de dous anos de crecemento como grupo, Fillas de Cassandra pecha unha etapa reflexionando sobre a construci\u00f3n social do tempo<\/strong> e cun chamado \u00e1 pausa necesaria que esixen os procesos creativos e artesanais. <\/p>\n\n\n\n

A trav\u00e9s deste proxecto, Fillas de Cassandra inicia a busca dun novo traxe e lanza un convite ao p\u00fablico: constru\u00edr \u00e1 man e fiar peza a peza, semanalmente, o universoHibernarse<\/em>, un traballo conceptual no que o d\u00fao converte en reflexivos verbos que non o son para se observaren desde \u00e1ngulos non explorados at\u00e9 o de agora. <\/p>\n\n\n\n

Escoita Quebrantarse<\/em> <\/strong>https:\/\/links.altafonte.com\/quebrantarse<\/a><\/p>\n\n\n\n

<\/p>\n\n\n\n