{"id":14221,"date":"2023-09-28T21:47:42","date_gmt":"2023-09-28T20:47:42","guid":{"rendered":"http:\/\/culturaliagz.com\/?p=14221"},"modified":"2023-09-28T21:50:01","modified_gmt":"2023-09-28T20:50:01","slug":"a-rua-dos-contos-con-pepe-viyuela-e-bea-campos-inaugura-a-32a-edicion-do-festival-internacional-outono-de-teatro-de-carballo-esta-fin-de-semana","status":"publish","type":"post","link":"http:\/\/culturaliagz.com\/?p=14221","title":{"rendered":"A R\u00faa dos Contos, con Pepe Viyuela e Bea Campos, inaugura a 32\u00aa edici\u00f3n do Festival Internacional Outono de Teatro de Carballo esta fin de semana"},"content":{"rendered":"\n

<\/p>\n\n\n\n

\n
\"\"<\/a><\/figure>\n\n\n\n
\"\"<\/a><\/figure>\n<\/figure>\n\n\n\n

<\/p>\n\n\n\n

<\/p>\n\n\n\n

O FIOT comeza hoxe xoves, 28 de setembro, a s\u00faa andaina nas r\u00faas e espazos de encontro de Carballo con figuras como Pepe Viyuela, Soledad Felloza, Bea Campos, Xan Veiga ou V\u00edctor F\u00e1bregas, entre outras<\/em><\/p>\n\n\n\n

O Teatro de R\u00faa para todos os p\u00fablicos fai tam\u00e9n a s\u00faa primeira aparici\u00f3n neste #FIOT32 con \u2018Glamping\u2019, de SU.MA, que ter\u00e1 lugar \u00e1s 19.30 horas na Praza do Concello, a golpe de teatro xestual, m\u00fasica, acrobacias ar\u00e9reas, danza e swing en clave de clown<\/em><\/p>\n\n\n\n

<\/p>\n\n\n\n

<\/p>\n\n\n

\n
\"\"<\/a><\/figure>\n<\/div>\n\n\n

<\/p>\n\n\n\n

<\/p>\n\n\n\n

A 32\u00aa edici\u00f3n do Festival Internacional Outono de Teatro<\/a>, o #FIOT32, bota a andar este xoves, 28 de setembro. Faino, como \u00e9 habitual, con enerx\u00eda e troula grazas \u00e1 R\u00faa dos Contos,<\/strong> o ciclo de narraci\u00f3n oral que espallar\u00e1 o humor polos bares e espazos de encontro de Carballo ao longo de todo o festival. Esta primeira fin de semana, Pepe Viyuela, Soledad Felloza, Bea Campos, V\u00edctor F\u00e1bregas, Natalia Outeiro \u2018Pajarito\u2019, Xan Veiga, Ant\u00f3n Coucheiro e Dani Blanco provocar\u00e1n risas a esgalla cos seus mon\u00f3logos. <\/p>\n\n\n\n

A XXIV R\u00faa dos Contos, o ciclo de narraci\u00f3n oral pioneiro en Galicia, comezar\u00e1 hoxe, \u00e1s 18.00 horas. A artista berganti\u00f1\u00e1 Natalia Outeiro, \u2018Pajarito\u2019<\/strong>, levar\u00e1 con A vida tola <\/em>o seu universo particular, ateigado de sorpresas e xogos, ao p\u00fablico da Residencia de Maiores de Carballo, na Praza de Vigo. Xa pola noite, o popular V\u00edctor F\u00e1bregas,<\/strong> quen saltou \u00e1 fama polo d\u00fao televisivo Os Tonechos, transformarase en \u2018Josentonio\u2019, un home con s\u00e9culos de experiencia que nos contar\u00e1 as vantaxes e inconvenientes de vivir para sempre no espect\u00e1culo O inmortal<\/em>. A cita ser\u00e1 \u00e1s 21.00 horas no Mes\u00f3n do Pulpo. <\/p>\n\n\n\n

Ma\u00f1\u00e1, venres, a actividade da R\u00faa dos Contos chegar\u00e1 ao Cassino 1889, \u00e1s 21.00 horas, da man de Bea Campos <\/strong>e o seu mon\u00f3logo Marcho, que te\u00f1o que marchar<\/em>; unha proposta divertida e teatral que convidar\u00e1 \u00e1s asistentes a reflexionar sobre os roles establecidos, a igualdade e a perspectiva de x\u00e9nero.  Xa \u00e1s 22.30 horas, n\u2019A Estaci\u00f3n, ter\u00e1 lugar a estrea absoluta de Sonchistorias<\/em>, o novo espect\u00e1culo co que Xan Veiga<\/strong> festexa tirnta anos sobre as t\u00e1boas e plat\u00f3s de televisi\u00f3n. <\/p>\n\n\n\n

De cara ao s\u00e1bado 30, \u00e1s 21.00 horas, o Valle Incl\u00e1n Caf\u00e9 ser\u00e1 o escenario no que Ant\u00f3n Coucheiro e Dani Blanco<\/strong> presenten Arestoria, o pa\u00eds das historias<\/em>, unha sesi\u00f3n na que os contos nacer\u00e1n no momento, a trav\u00e9s das achegas do p\u00fablico e da improvisaci\u00f3n. O broche dourado de setembro chegar\u00e1 \u00e1s 23.00 horas con O comezo do mundo,<\/em> de Soledad Felloza<\/strong>, narradora que percorreu o pais escoitando \u00e1s mulleres e subindo as s\u00faas voces \u00e1 escena; a trav\u00e9s das historias recollidas durante a preparaci\u00f3n de exposici\u00f3ns. <\/p>\n\n\n\n

A fin de semana da r\u00faa dos Contos finalizar\u00e1 cun dos pratos fortes deste #FIOT32. O actor, director e mestre do humor xestual Pepe Viyuela<\/strong> chegar\u00e1 ao Mercado municipal de Carballo para presentar Encerrona<\/em>, un cl\u00e1sico da escena que se representa con grande \u00e9xito desde hai 30 anos. E dos bares \u00e1 r\u00faa, a actividade do FIOT non cesa e queda nela para festexar o circo e as iniciativas para todos os p\u00fablicos. \u00c9 o Teatro de R\u00faa,<\/strong> que este ano se celebrar\u00e1 na praza do Concello e dar\u00e1 comezo \u00e1s 19.30 horas do venres 29 co espect\u00e1culo Glamping<\/em>, de SU.MA.<\/strong> Teatro xestual, m\u00fasica, acrobacias ar\u00e9reas, danza e swing en clave de clown son os ingredientes principais dun espect\u00e1culo que aborda as relaci\u00f3ns humanas e que prop\u00f3n facer uso da creatividade para resolver os momentos de m\u00e1xima tensi\u00f3n. <\/p>\n\n\n\n

<\/p>\n\n\n\n

O FIOT LOITA CONTRA A INTRANSIXENCIA NA S\u00daA 32\u00aa EDICI\u00d3N<\/strong><\/p>\n\n\n\n

<\/strong><\/p>\n\n\n\n

O Festival Internacional Outono de Teatro de Carballo, o FIOT<\/a>, o certame esc\u00e9nico de referencia da Costa da Morte e do outono en Galicia,\u00a0festexa a s\u00faa 32\u00aa edici\u00f3n entre os d\u00edas 28 de setembro e\u00a031 de outubro<\/strong>, cun programa rico e diverso que se extender\u00e1 ao longo dun mes de funci\u00f3ns e actividades de mediaci\u00f3n para todos os p\u00fablicos, da man de grandes figuras ou compa\u00f1\u00edas da escena actual como Vicky Luengo, Suzie Miller, Ariadna Gil, Javier Guti\u00e9rrez, Luis Bermejo, Andr\u00e9s Lima, Pep\u00f3n Nieto, Paco Bezerra, Pepe Viyuela, Jean Philippe Kikolas, Alberto Conejero, Xavier Bob\u00e9s, Kulunka Teatro, Telmo Irureta, Anna Maria Ricart, Guillem Alb\u00e0, Wilbur, Fernando Soto, Maribel Salas, Aitziber Garmendia…; mais tam\u00e9n nomes clave da escena galega: C\u00e1ndido Paz\u00f3, Contraproducci\u00f3ns, Redrum Teatro, Diego Anido, Quico Cadaval, Roi Borallas, Ant\u00f3n Coucheiro, Soledad Felloza, Caxoto, etc.<\/p>\n\n\n\n

O FIOT pres\u00e9ntase un ano m\u00e1is como unha cita esc\u00e9nica que leva a singularidade no seu ADN, facendo gala da s\u00faa vontade de crecemento e de contin\u00faa evoluci\u00f3n e mellora, en consonancia coa atenci\u00f3n e o coidado dos seus p\u00fablicos diversos. A cita consol\u00eddase como un proxecto con proxecci\u00f3n e de futuro, que aposta pola calidade esc\u00e9nica e que, ano tras ano,conta coa complicidade do p\u00fablico, con m\u00e1is de 10.000 espectadores e espectadoras na s\u00faa pasada edici\u00f3n. O FIOT \u00e9 unha cita pioneira que este 2023 cumpre 32 anos tras ser reco\u00f1ecido pola Fundaci\u00f3n Contempor\u00e1nea como a iniciativa cultural m\u00e1is destacada de Galicia en 2022.<\/p>\n\n\n\n

O leitmotiv do FIOT este 2023 ser\u00e1 a loita contra a intransixencia. Ese \u2018INTRANSIXENTES\u2019 plasmado no cartel do festival asinado pola ilustradora carballesa Laura Tova- fala da identidade do FIOT, da s\u00faa inquietude, transixencia, transformaci\u00f3n, xenerosidade, cambio, respecto, afectos, coidados, empat\u00eda, tolerancia, di\u00e1logo, inclusi\u00f3n e defensa da diversidade persoal e cultural. Un abrazo colectivo protagoniza este cartel do #FIOT32 como mostra de afecto, apoio, felicidade, unidade, colaboraci\u00f3n, solidariedade e superaci\u00f3n, con xentes diversas en conexi\u00f3n, coid\u00e1ndose e arroup\u00e1ndose nun xesto de respecto e amor.  <\/p>\n\n\n\n

O programa desta 32\u00aa edici\u00f3n do FIOT da boa conta da identidade do festival: a s\u00faa aposta polas voces singulares e \u00fanicas; o seu gusto pola autenticidade e o compromiso social; a apertura a propostas de x\u00e9neros e linguaxes diversas teatro de texto, performance<\/em>, teatro xestual e de obxectos…-; a busca da calidade; e a vontade de achegar a Carballo as mellores propostas do circu\u00edto esc\u00e9nico actual a nivel galego, nacional e internacional. O FIOT quere ser, ante todo, un lugar de encontro, que avoga polas artes esc\u00e9nicas inclusivas e sustentables; por un teatro vital, comprometido e conectado coa realidade e as xentes. O seu rograma conta un ano m\u00e1is con todas as li\u00f1as habituais que conforman o festival: Programa de Sala, OTNI, R\u00faa dos Contos, Teatro de R\u00faa, FIOT en Ruta, Micro-escenas M2, FIOTeen e Fioti\u00f1o, ademais de actividades paralelas como exposici\u00f3ns, as gravaci\u00f3ns de OndaFIOT, a celebraci\u00f3n de xornadas profesionais, etc.<\/p>\n\n\n\n


O #FIOT32 en cifras<\/strong><\/p>\n\n\n\n