{"id":14029,"date":"2023-09-08T18:15:23","date_gmt":"2023-09-08T17:15:23","guid":{"rendered":"http:\/\/culturaliagz.com\/?p=14029"},"modified":"2023-09-08T18:17:43","modified_gmt":"2023-09-08T17:17:43","slug":"o-fiot32-ofrecera-espectaculos-de-figuras-como-vicky-luengo-ariadna-gil-andres-lima-paco-bezerra-ou-pepe-viyuela","status":"publish","type":"post","link":"http:\/\/culturaliagz.com\/?p=14029","title":{"rendered":"O #FIOT32 ofrecer\u00e1 espect\u00e1culos de figuras como Vicky Luengo, Ariadna Gil, Andr\u00e9s Lima, Paco Bezerra ou Pepe Viyuela"},"content":{"rendered":"\n

<\/p>\n\n\n\n

\n
\"\"<\/a><\/figure>\n\n\n\n
\"\"<\/a><\/figure>\n<\/figure>\n\n\n\n

<\/p>\n\n\n\n

<\/p>\n\n\n\n

O 32\u00ba FIOT achegar\u00e1 este outono a Galicia os espect\u00e1culos <\/strong>de figuras como Vicky Luengo, Ariadna Gil, Andr\u00e9s Lima, Paco Bezerra ou Pepe Viyuela, entre moitas outras<\/strong><\/p>\n\n\n\n

O Festival Internacional Outono de Teatro de Carballo<\/a> concentrar\u00e1 un programa esc\u00e9nico rico e diverso do 28 de setembro ao 31 de outubro de 2023, con 38 espect\u00e1culos, 10 estreas absolutas, 8 estreas en Galicia, 1 coproduci\u00f3n e ducias de actividades de mediaci\u00f3n (encontros, residencias art\u00edsticas…)<\/strong><\/p>\n\n\n\n

Entre os pratos fortes deste #32FIOT destacan pezas como \u2018Prima Facie\u2019, \u2018Hay alguien en el bosque\u2019, \u2018La comedia de los errores\u2019, \u2018O pequeno poni\u2019, \u2018El traje\u2019, \u2018Sexpiertos\u2019, \u2018Ma solitud\u2019, \u2018Forever\u2019 ou a estrea absoluta de \u2018Apaga o candil\u2019, unha homenaxe do FIOT e Contraproduci\u00f3ns \u00e1 figura de Carlos D\u00edaz O Xestal<\/strong><\/p>\n\n\n\n

<\/p>\n\n\n\n

<\/p>\n\n\n\n

A nova edici\u00f3n do Festival Internacional Outono de Teatro de Carballo, o FIOT<\/a>, o certame esc\u00e9nico de referencia da Costa da Morte e do outono en Galicia, festexar\u00e1 a s\u00faa 32\u00aa edici\u00f3n entre os d\u00edas 28 de setembro e 31 de outubro<\/strong>, cun programa rico e diverso que se estender\u00e1 ao longo dun mes de funci\u00f3ns e actividades de mediaci\u00f3n para todos os p\u00fablicos, da man de grandes figuras ou compa\u00f1\u00edas da escena actual como Vicky Luengo, Ariadna Gil, Andr\u00e9s Lima, Paco Bezerra, Pepe Viyuela, Javier Guti\u00e9rrez, Kulunka Teatro, C\u00e1ndido Paz\u00f3, Diego Anido o Redrum Teatro, entre moitas outras.<\/p>\n\n\n\n

O FIOT pres\u00e9ntase un ano m\u00e1is como unha cita esc\u00e9nica que leva a singularidade no seu ADN, facendo gala da s\u00faa vontade de crecemento e de contin\u00faa evoluci\u00f3n e mellora, en consonancia coa atenci\u00f3n e o coidado dos seus p\u00fablicos diversos. A cita consol\u00eddase como un proxecto con proxecci\u00f3n e de futuro, que aposta pola calidade esc\u00e9nica e que, ano tras ano,conta coa complicidade do p\u00fablico, con m\u00e1is de 10.000 espectadores e espectadoras na s\u00faa pasada edici\u00f3n. O FIOT \u00e9 unha cita pioneira que este 2023 cumpre 32 anos tras ser reco\u00f1ecido pola Fundaci\u00f3n Contempor\u00e1nea como a iniciativa cultural m\u00e1is destacada de Galicia en 2022.<\/p>\n\n\n\n

O leitmotiv do FIOT este 2023 ser\u00e1 a loita contra a intransixencia. Ese \u2018INTRANSIXENTES\u2019 plasmado no cartel do festival -asinado pola ilustradora carballesa Laura Tova- fala da identidade do FIOT, da s\u00faa inquietude, transixencia, transformaci\u00f3n, xenerosidade, cambio, respecto, afectos, coidados, empat\u00eda, tolerancia, di\u00e1logo, inclusi\u00f3n e defensa da diversidade persoal e cultural. Un abrazo colectivo protagoniza este cartel do #FIOT32 como mostra de afecto, apoio, felicidade, unidade, colaboraci\u00f3n, solidariedade e superaci\u00f3n, con xentes diversas en conexi\u00f3n, coid\u00e1ndose e arroup\u00e1ndose nun xesto de respecto e amor. <\/p>\n\n\n\n

PROGRAMACI\u00d3N DO FIOT 2023<\/strong><\/p>\n\n\n\n

O programa da 32\u00aa edici\u00f3n do FIOT dar\u00e1 boa conta da identidade do festival: a s\u00faa aposta polas voces singulares e \u00fanicas; o seu gusto pola autenticidade e o compromiso social; a apertura a propostas de x\u00e9neros e linguaxes diversas -teatro de texto, performance<\/em>, teatro xestual e de obxectos…-; a busca da calidade; e a vontade de achegar a Carballo as mellores propostas do circu\u00edto esc\u00e9nico actual a nivel galego, nacional e internacional. O FIOT quere ser, ante todo, un lugar de encontro, que avoga polas artes esc\u00e9nicas inclusivas e sustentables; por un teatro vital, comprometido e conectado coa realidade e as xentes. O programa contar\u00e1 con todas as li\u00f1as habituais que conforman cada ano o festival: Programa de Sala, OTNI, R\u00faa dos Contos, Teatro de R\u00faa, FIOT en Ruta, Micro-escenas M2, FIOTeen e Fioti\u00f1o, ademais de actividades paralelas como exposici\u00f3ns, as gravaci\u00f3ns de OndaFIOT, a celebraci\u00f3n de xornadas profesionais, etc.<\/p>\n\n\n\n

Neste 2023, destacan nomes fundamentais da escena espa\u00f1ola e internacional, como Vicky Luengo, Suzie Miller, Ariadna Gil, Javier Guti\u00e9rrez, Luis Bermejo, Andr\u00e9s Lima, Pep\u00f3n Nieto, Paco Bezerra, Pepe Viyuela, Jean Philippe Kikolas, Alberto Conejero, Xavier Bob\u00e9s, Kulunka Teatro, Telmo Irureta, Anna Maria Ricart, Guillem Alb\u00e0, Wilbur, Fernando Soto, Maribel Salas, Aitziber Garmendia…; mais tam\u00e9n nomes clave das artes esc\u00e9nicas galegas: C\u00e1ndido Paz\u00f3, Contraproducci\u00f3ns, Redrum Teatro, Diego Anido, Quico Cadaval, Roi Borallas, Ant\u00f3n Coucheiro, Soledad Felloza, Caxoto, etc.<\/p>\n\n\n\n

O Festival Internacional Outono de Teatro de Carballo abrir\u00e1 o seu Programa de Sala<\/strong> coa estrea absoluta de Apaga o candil<\/em><\/strong>, espect\u00e1culo coproducido polo FIOT<\/strong> e Contraproduci\u00f3ns<\/strong>. Cun p\u00e9 no humor e outro na emoci\u00f3n, Candido Paz\u00f3, un dos dramaturgos galegos m\u00e1is prestixiosos, narrador e admirador de Carlos D\u00edaz O Xestal<\/strong>, ach\u00e9ganos \u00e1 figura do singular contador de contos.<\/p>\n\n\n\n

Esta iniciativa do FIOT \u00e9 un proxecto longamente acari\u00f1ado, xa que consideramos obriga propia reivindicar a figura deste carball\u00e9s de adopci\u00f3n, pioneiro dun x\u00e9nero esc\u00e9nico do que somos abandeirados: a narraci\u00f3n oral. Os contos humor\u00edsticos do Xestal est\u00e1n arraigados na tradici\u00f3n rural e visibilizan os problemas sociais desde a s\u00e1tira, convert\u00e9ndoo nunha querida figura da cultura popular galega dos \u00faltimos anos. <\/p>\n\n\n\n

Neste ano que o Concello de Carballo declarou Ano do Xestal, coa implicaci\u00f3n da instituci\u00f3n municipal, o FIOT impulsa esta achega en forma de obra dram\u00e1tica coa vocaci\u00f3n de realizar unha contribuci\u00f3n que o po\u00f1a en valor para as artes esc\u00e9nicas de Galicia. Apaga o candil<\/em> poder\u00e1 verse o venres 6 (21.00h) e o s\u00e1bado 7 de outubro (20.30h) no Pazo da Cultura de Carballo e contar\u00e1 con interpretaci\u00f3n en lingua de signos. A preestrea do espect\u00e1culo ter\u00e1 lugar no marco do FIOTeen, co alumnado de secundaria, o m\u00e9rcores 4.<\/p>\n\n\n\n

O venres 13 de outubro, \u00e1s 21.00h, toma o relevo do Programa de Sala no Pazo da Cultura de Carballo outra querida compa\u00f1\u00eda galega, Redrum Teatro, cunha nova estrea absoluta: O pequeno poni<\/em><\/strong>. A obra, asinada por Paco Bezerra<\/strong>, un dos referentes da dramaturxia espa\u00f1ola contempor\u00e1nea, exp\u00f3n o conflito social do acoso escolar. Redrum Teatro<\/strong>, formaci\u00f3n comprometida con creadores de visi\u00f3n arriscada e coas preocupaci\u00f3ns sociais, estrea no FIOT a versi\u00f3n galega deste impactante e sobrecolledor texto que nos convida \u00e1 reflexi\u00f3n sobre a liberdade, o medo, o instinto de protecci\u00f3n, a ineptitude e os prexu\u00edzos sociais dos adultos.<\/p>\n\n\n\n

Da man de Cami\u00f1o Escena Norte, chega ao FIOT Sexpiertos<\/em><\/strong>, de Tanttaka Teatroa<\/strong>, peza ga\u00f1adora do Premio Max 2023 \u00e1 mellor labor de produci\u00f3n, que aterrar\u00e1 no Pazo da Cultura o s\u00e1bado 14 de outubro, \u00e1s 20.30h. Un xornalista con par\u00e1lise cerebral e unha vendedora de caramelos sumida en contradici\u00f3ns explicar\u00e1n sen complexo as s\u00faas vivencias afectivo-sexuais para demostrar que cada un de n\u00f3s, coa s\u00faa par\u00e1lise particular, temos diferentes medos, so\u00f1os e ilusi\u00f3ns. Sexpiertos<\/em> est\u00e1 protagonizada por Aitziber Garmendia e Telmo Irureta, ga\u00f1ador do Premio Goya ao mellor actor revelaci\u00f3n 2023 e coautor do texto.<\/p>\n\n\n\n

A corrupci\u00f3n pol\u00edtica e a corrupci\u00f3n da alma son os ingredientes de El traje<\/em><\/strong>, unha comedia negra de Juan Cavestany<\/strong> que fala dos anhelos e das miserias humanas, levando ao p\u00fablico por un t\u00fanel de terror e de risa, da man de dous grandes actores: Luis Bermejo<\/strong> e o galego e multipremiado Javier Guti\u00e9rrez<\/strong>, que botan un pulso cheo de tensi\u00f3n, suspense e humor delirante sobre como a voracidade do sistema nos converte en depredadores. A estrea no Programa de Sala do FIOT, no Pazo da Cultura, ser\u00e1 o domingo 15 de outubro, \u00e1s 20.30h.<\/p>\n\n\n\n

Pola s\u00faa banda, a prestixiosa compa\u00f1\u00eda Kulunka Teatro<\/strong> regresa ao FIOT -onde xa presentou as s\u00faas pezas Andr\u00e9 y Dorine<\/em> e Solitudes<\/em>– para estrear en Galicia a s\u00faa nova creaci\u00f3n, Forever<\/em><\/strong>, unha coproduci\u00f3n co Centro Dram\u00e1tico Nacional, que reflicte con humor, iron\u00eda e emoci\u00f3n as contradicci\u00f3ns do amor. Esta fermosa e profunda traxicomedia fai gala do virtuosismo de Kulunka coa linguaxe das m\u00e1scaras, para abordar temas como a maternidade, a educaci\u00f3n, a discapacidade, a sexualidade ou a violencia. Forever<\/em> chegar\u00e1 ao Pazo da Cultura de Carballo o s\u00e1bado 21 de outubro, \u00e1s 20.30h.<\/p>\n\n\n\n

Tras acaparar todas as portadas do inicio da nova tempada teatral madrile\u00f1a este setembro, acadando o aplauso un\u00e1nime do p\u00fablico e da cr\u00edtica, o multipremiado texto de Suzie Miller<\/strong> Prima Facie<\/em> chegar\u00e1 este outono ao FIOT de Carballo, onde se poder\u00e1 ver o domingo 22 de outubro, no Pazo da Cultura, \u00e1s 20.30h. Vertixinoso, intelixente, divertido e conmovedor, Prima Facie<\/em><\/strong> conv\u00eddanos a reflexionar sobre o problema da violencia contra as mulleres na nosa sociedade. O prestixioso director peruano Juan Carlos Fisher<\/strong> adapta o texto de Miller na s\u00faa estrea mundial en espa\u00f1ol, despois do seu grande \u00e9xito en Londres e Broadway, mentres que unha hipn\u00f3tica Vicky Luengo<\/strong> \u00e9 a protagonista absoluta da obra.<\/p>\n\n\n\n

O venres 27 de outubro, \u00e1s 21.00h, o Pazo da Cultura de Carballo poder\u00e1 gozar con El mar. Visi\u00f3n de unos ni\u00f1os que no lo han visto nunca<\/em><\/strong>. A peza -finalista \u00e1 mellor direcci\u00f3n de escena nos Premios Max 2023- \u00e9 froito do primeiro encontro do destacado dramaturgo Alberto Conejero<\/strong> e do director, autor e int\u00e9rprete Xavier Bob\u00e9s<\/strong>, referente do teatro de obxectos en Espa\u00f1a. Coas palabras xustas, documentos, textos, imaxes e obxectos que cobran vida, os creadores reconstr\u00faen con intensidade po\u00e9tica a historia dun mestre fusilado, po\u00f1endo no centro a escola, o poder transformador da educaci\u00f3n.<\/p>\n\n\n\n

Hay alguien en el bosque<\/em><\/strong> \u00e9 unha impactante e brillante creaci\u00f3n esc\u00e9nica de teatro documental, con c\u00e1maras en directo e un fermoso universo sonoro, que visualiza a traxedia e recupera a memoria das violaci\u00f3ns de mulleres e nenas como un arma de guerra no conflito de Bosnia e Herzegovina. O espect\u00e1culo, con dramaturxia de Anna Maria Ricart<\/strong>, a partir do libro da escritora croata S. Drakulic<\/strong>, presentarase no FIOT o domingo 29 de outubro, no Pazo da Cultura, \u00e1s 20.30h. Sete int\u00e9rpretes en escena, encabezadas pola popular actriz Ariadna Gil<\/strong>, p\u00f3\u00f1enlle voz desde unha perspectiva actual aos testemu\u00f1os das mulleres e os fillos entrevistados e \u00e1 s\u00faa dor.<\/p>\n\n\n\n

A obra de Shakespeare La comedia de los errores<\/em><\/strong> ser\u00e1 a encargada de clausurar o Programa de Sala deste 32\u00ba FIOT o martes 31 de outubro, \u00e1s 20.30h. O laureado director Andr\u00e9s Lima<\/strong> presenta esta divertida versi\u00f3n libre da comedia do bardo, \u00e1 s\u00faa vez baseada nun texto de Plauto, constru\u00edndo un vertixinoso xogo teatral co que, entre risa e risa, convidar\u00e1 ao p\u00fablico a po\u00f1erse no lugar do outro e a cuestionar os l\u00edmites difusos entre o verdadeiro e o falso. A peza est\u00e1 protagonizada, entre outros, polos televisivos Pep\u00f3n Nieto<\/strong> e Antonio Pagudo<\/strong>.<\/p>\n\n\n\n

UN ENCONTRO QUE NON S\u00d3 \u00c9 TEATRO<\/strong><\/p>\n\n\n\n

O FIOT naceu hai 32 anos para xerar toda unha estrutura esc\u00e9nica. Por iso conta cunha li\u00f1a de programaci\u00f3n espec\u00edfica de apoio \u00e1 narraci\u00f3n oral<\/strong>, a R\u00faa dos Contos<\/strong>, que un ano m\u00e1is regresa aos bares con figuras como Pepe Viyuela, Soledad Felloza, Bea Campos, Quico Cadaval ou Wilbur. Da r\u00faa o FIOT non marcha e queda nela para festexar o circo e as iniciativas para todos os p\u00fablicos: o Teatro de R\u00faa,<\/strong> que este ano se celebrar\u00e1 na praza do Concello cos espect\u00e1culos Glamping<\/em>, de SU.MA, e Duelo<\/em>, de Jean Philippe Kikolas, que se estrea en Galicia; ao igual que boa parte das obras do Metro Cadrado,<\/strong>que este ano celebra a s\u00faa s\u00e9tima edici\u00f3n e na que gozaremos con cinco estreas absolutas e una estrea en Carballo de figuras ou novas compa\u00f1\u00edas do sector a nivel auton\u00f3mico. Ser\u00e1n pezas site-especific que se realizar\u00e1n en espazos non convencionais do municipio. <\/p>\n\n\n\n

O festival serve, tam\u00e9n, como rede para espallar e descentralizar a actividade esc\u00e9nica pola comarca: co FIOT en Ruta<\/strong>, o teatro chegar\u00e1 aos locais sociais de Oza e de Sof\u00e1n, da man de Roi Borallas -co seu Solo<\/em>, Premio Fet\u00e9n 2023 \u00e1 mellor interpretaci\u00f3n masculina- e da Compa\u00f1\u00eda Humana -coa peza Iphixenia na porta do s\u00faper<\/em>. Ademais, o FIOT traballa para achegar o teatro aos m\u00e1is novos co FIOTI\u00d1O<\/strong>, que este ano v\u00e9n da man do narrador infantil Caxoto<\/strong>. O p\u00fablico xuvenil ten tam\u00e9n o seu espazo coa li\u00f1a espec\u00edfica FIOTeen<\/strong>, que achegar\u00e1 ao alumnado de secundaria pezas como a premiada Pu\u00f1os de harina<\/em><\/strong>, de El aedo teatro.<\/p>\n\n\n\n

O apoio \u00e1 creaci\u00f3n <\/strong>estar\u00e1 presente a trav\u00e9s da coproduci\u00f3n da peza Apaga o candil<\/em>, en recordo da figura d\u2019O Xestal; ao igual que o apoio \u00e1 investigaci\u00f3n e ao tecido emerxente coa celebraci\u00f3n da residencia da core\u00f3grafa e bailarina Clara Pampyn ou co propio certame Metro Cadrado<\/strong>; as\u00ed como a visualizaci\u00f3n de novos formatos e propostas esc\u00e9nicas, que se traduce na li\u00f1a de programaci\u00f3n OTNI. <\/strong>Esta contar\u00e1 con interesantes voces da escena contempor\u00e1nea como Guillem Alb\u00e0 -quen achega ao FIOT a s\u00faa nova creaci\u00f3n, Ma solitud<\/em>, ga\u00f1adora do Premio Fet\u00e9n ao mellor espect\u00e1culo de pequeno formato este 2023-, Diego Anido, Zum-Zum Teatre -con El testamento<\/em>, galardoada co Premio Fet\u00e9n 2023 \u00e1 mellor direcci\u00f3n- ou Os monicreques <\/em>de Kukas.<\/p>\n\n\n\n

Se ben o FIOT naceu para xerar e impulsar o tecido esc\u00e9nico, tam\u00e9n vive como espazo de encontro para p\u00fablicos, compa\u00f1\u00edas e axentes culturais (durante o #FIOT32 celebraranse xornadas profesionais, entrevistas, encontros e moitas outras actividades de mediaci\u00f3n<\/strong>). As\u00ed, o FIOT \u00e9 moito m\u00e1is que unha programaci\u00f3n de espect\u00e1culos: \u00e9 un motor para as artes esc\u00e9nicas galegas<\/strong>. Esa filosof\u00eda de rede, de xerar comunidade<\/strong>, rentabilizar recursos e de proxecto de continuidade ou de amosar outras realidades sociais perif\u00e9ricas \u00e9 a s\u00faa base. Esa sustentabilidade<\/strong> pola que se apostou desde hai anos segue a avanzar, un pasi\u00f1o m\u00e1is, neste 2023, coa programaci\u00f3n do espect\u00e1culo inclusivo Sexpiertos<\/em> e a inclusi\u00f3n da interpretaci\u00f3n en lingua de signos tanto na obra Apaga o candil<\/em> como na estrea de \u00c9 meu amigo!<\/em>, que narra por igual en lingua de signos e en lingua oral. <\/p>\n\n\n\n


O #FIOT32 en cifras<\/strong><\/p>\n\n\n\n