![\"\"](\"http:\/\/culturaliagz.com\/wp-content\/uploads\/2022\/08\/2B4DF45F-083B-41A4-8746-D4E878C66271.jpeg\")
<\/a><\/p>\n\n\n\n
O novo disco das pandeireteiras ocupa a cuarta posici\u00f3n na lista global de vendas en tendas f\u00edsicas e dixitais que ofrecen GFK e Promusicae, s\u00f3 por detr\u00e1s de Bad Bunny, Rosal\u00eda e Beyonc\u00e9. <\/strong><\/p>\n\n\n\n \u2018DILUVIO\u2019 \u00e9 un traballo conceptual no que as cantareiras cuestionan crenzas, pecados ou presuntas culpas para transformalas \u201cen aprendizaxes vitais\u201d.<\/strong> <\/p>\n\n\n\n Tanxugueiras<\/a> segue a colleitar fitos para a historia da m\u00fasica galega de creaci\u00f3n colectiva. O tr\u00edo de pandeireteiras v\u00e9n de lanzar o seu terceiro \u00e1lbum, \u2018DILUVIO\u2019, co que est\u00e1n a percorrer a Pen\u00ednsula Ib\u00e9rica na Xira Midas de presentaci\u00f3n do mesmo. O disco, publicado o pasado venres 29 de xullo, situouse como o m\u00e1is vendido en tendas f\u00edsicas na semana do seu lanzamento, <\/strong>quedando por riba de nomes como Beyonc\u00e9 ou Harry Styles. O dato, facilitado por GFK e Promusicae (Productores de M\u00fasica de Espa\u00f1a), d\u00e1 conta da boa acollida que recibiu, entre o p\u00fablico, o novo traballo das cantareiras, que este mesmo fin de semana recolleron no festival SonR\u00edas Baixas o disco de ouro polo seu sinxelo \u2018Terra\u2019<\/strong> -outorgado en febreiro, a\u00ednda que hoxe en d\u00eda supera os 30 mill\u00f3ns de reproduci\u00f3ns na suma das plataformas-. <\/p>\n\n\n\n No c\u00f3mputo global <\/strong>de vendas f\u00edsicas e dixitais, \u2018DILUVIO\u2019 ocupa a cuarta posici\u00f3n <\/strong>entre un cento de discos, s\u00f3 por detras dos novos traballos discogr\u00e1ficos de Bad Bunny, Rosal\u00eda e Beyonc\u00e9, e por riba de figuras de tir\u00f3n internacional como C. Tangana, Sebastian Yatra ou Rauw Alejandro. A lista global p\u00f3dese consultar na web https:\/\/www.elportaldemusica.es\/lists<\/a> . <\/p>\n\n\n\n DILUVIO<\/strong> <\/p>\n\n\n\n Tanxugueiras publica este ver\u00e1n \u2018DILUVIO\u2019 o seu terceiro traballo discogr\u00e1fico, un \u00e1lbum conceptual editado por Calaverita Records e que prop\u00f3n rachar con todo o establecido para sandar, para volver a aprender\u201d O disco, que xa est\u00e1 dispo\u00f1ible nas principais plataformas dixitais<\/a> e La Casa del Disco<\/a>, conta na s\u00faa versi\u00f3n f\u00edsica cunha edici\u00f3n deluxe,<\/em> cun libreto ilustrado de 24 p\u00e1xinas<\/strong> no que o grupo explica, motu proprio, o significado deste diluvio. <\/p>\n\n\n\n \u2018DILUVIO\u2019 <\/strong>\u00e9 un traballo musicalmente diverso: unha experiencia cat\u00e1rtica na que a voz e a cultura tradicional<\/strong> son o f\u00edo condutor dunha viaxe evocadora que avanza a ritmo de mui\u00f1eira, xota, ou rumba, mesturadas con sonoridades m\u00e1is urbanas e contempor\u00e1neas. Neste sentido, \u2018DILUVIO\u2019 confirma a aposta das creadoras, que asinan todos os temas do disco, pola reinterpretaci\u00f3n da tradici\u00f3n galega a trav\u00e9s da fusi\u00f3n con ritmos urbanos,<\/strong> pr\u00f3ximos ao trap, hip hop ou electr\u00f3nica, para achegar a m\u00fasica de ra\u00edz a un p\u00fablico m\u00e1is novo. <\/p>\n\n\n\n Tras m\u00e1is dun ano de lanzamentos cunha clara intencionalidade agochada para as e os ouvintes,\u00a0o p\u00fablico por fin pode co\u00f1ecer o verdadeiro significado de cada un dos sinxelos,<\/strong>\u00a0os pecados e as aprendizaxes que se agochan tras eles. E esa \u00e9 a clave de \u2018DILUVIO\u2019: unha viaxe, un percorrido desde a tormenta at\u00e9 a quietude. No medio delas, un torrente de culpas e ensinanzas vitais nas que se atopan himnos como \u2018Midas\u2019, \u2018Figa, \u2018Desidia\u2019 ou \u2018Terra\u2019.\u00a0\u00a0<\/p>\n\n\n\n
\u201cPensar que tres cantareiras e pandeireteiras poden ser n\u00famero un de vendas nun momento como o actual \u00e9 incrible. Hoxe, m\u00e1is que nunca, queremos compartir este reco\u00f1ecemento con todas esas mulleres que mantiveron viva a nosa tradici\u00f3n. Tanto as an\u00f3nimas, como as que compartiron o seu no co\u00f1ecemento nas recollidas ou quen foi de porta en porta, por toda Galicia, recuperando o noso patrimonio. E vai tam\u00e9n este agradecemento a quen est\u00e1 a tocar por vez primeira unha pandeireta: nenas, sodes o futuro da nosa m\u00fasica. Grazas a todas, este premio \u00e9 de todas v\u00f3s!\u201d, sinalan Sabela Maneiro, Aida Tarr\u00edo e Olaia Maneiro. <\/p>\n\n\n\n
\u2018DILUVIO\u2019 \u00e9 unha viaxe de indagaci\u00f3n e autoco\u00f1ecemento <\/strong>que o tr\u00edo percorre a trav\u00e9s de verbos como ver, escoitar, equivocar, recordar ou apoderar. Un tr\u00e1nsito no que as cantareiras po\u00f1en en d\u00fabida e enfrontan numerosas presuntas culpas ou \u2018pecados capitais\u2019 instalados na sociedade. E aos sete \u2018orixinais\u2019 (avaricia, envexa, ira, luxuria, preguiza, gula, soberbia), elas suman outros tres: patriarcado, hostilidade e homoxeneidade. Crenzas \u00e1s que deciden dar a volta e convertelas nunha serie de aprendizaxes transformadoras para a vida:<\/strong> un diluvio de autoaceptaci\u00f3n, de diversidade, de amor libre, de apoderamento. <\/p>\n\n\n\n