![\"\"](\"http:\/\/culturaliagz.com\/wp-content\/uploads\/2022\/05\/EF1C8F1E-01B5-464C-9132-F06C6FB2FDC0.jpeg\")
<\/a><\/figure><\/div>\n\n\n\n<\/p>\n\n\n\n
Os billetes para as cinco funci\u00f3ns que ter\u00e1n lugar os d\u00edas 11, 12 e\u00a013 de novembro\u00a0no Auditorio Sede Afundaci\u00f3n de Pontevedra est\u00e1n xa \u00e1 disposici\u00f3n do p\u00fablico en\u00a0<\/strong>www.inventio.gal<\/a>\u00a0cun prezo reducido, dun 30% de desconto, at\u00e9 o vindeiro 17 de xu\u00f1o<\/strong><\/p>\n\n\n\n Inventio<\/em>\u00a0\u00e9 unha creaci\u00f3n para p\u00fablico familiar chea de humor, misterio e fantas\u00eda; unha viaxe sensorial a un ritmo vertixinoso e con ecos de cinema futurista, que visitar\u00e1 15 escenarios de Galicia, Espa\u00f1a e Portugal de setembro de 2022 a xaneiro de 2023\u00a0<\/strong><\/p>\n\n\n\n As entradas para\u00a0Inventio<\/em><\/strong>, o novo espect\u00e1culo de gran formato con ilusionismo, danza, artes circenses e m\u00fasica inspirado no Cami\u00f1o de Santiago, xa est\u00e1n \u00e1 venda para as funci\u00f3ns de Pontevedra. O p\u00fablico pode adquirir os seus billetes, cun\u00a0prezo reducido, dun 30% de desconto, at\u00e9 o vindeiro 17 de xu\u00f1o, para as representaci\u00f3ns que ter\u00e1n lugar no Auditorio Sede Afundaci\u00f3n de\u00a0Pontevedra<\/strong>\u00a0os d\u00edas\u00a011, 12 e\u00a013 de novembro<\/strong>.<\/p>\n\n\n\n Ilusionismo, levitaci\u00f3ns, equilibrios, malabares, n\u00fameros a\u00e9reos, animaci\u00f3n audiovisual, composici\u00f3ns de m\u00fasica tradicional galega fundidas con sons electr\u00f3nicos… Todo isto e moito m\u00e1is \u00e9 Inventio<\/em>, o espect\u00e1culo para p\u00fablico familiar que se poder\u00e1 ver durante cinco funci\u00f3ns no Auditorio Sede Afundaci\u00f3n <\/strong>de Pontevedrao vindeiro outono. Tr\u00e1tase dunha creaci\u00f3n que reborda humor, misterio e fantas\u00eda, na que conviven a comedia e o drama, a danza, o ilusionismo e as artes circenses; unha experiencia sensorial a un ritmo vertixinoso e con ecos do cinema futurista de Stanley Kubrick, Ridley Scott ou Denis Villeneuve, que non \u00e9 m\u00e1is ca “unha viaxe cara a todo iso que nos fai humanos: a nosa capacidade de sentir\u201d.<\/p>\n\n\n\n Cunha atmosfera m\u00e1xica e unha posta en escena vangardista, Inventio<\/em> recupera a paisaxe, os costumes, a m\u00fasica, a arte ou a arquitectura de Galicia nun espect\u00e1culo delicado e cegador, de busca e descubrimento. Inventio<\/em> \u00e9 un cami\u00f1o de regreso \u00e1 sensibilidade a partir da tradici\u00f3n e a modernidade. Baixo a direcci\u00f3n creativa do mago Mart\u00edn Varela, tr\u00e1tase dunha iniciativa da promotora galega Thinking Up Events, Xunta de Galicia a trav\u00e9s do programa Xacobeo 21-22 e Fundaci\u00f3n \u201cla Caixa\u201d, co apoio de Sargadelos, que contar\u00e1 cunha xira que visitar\u00e1 15 escenarios de Galicia, Espa\u00f1a e Portugal entre os meses de setembro de 2022 e xaneiro de 2023.<\/p>\n\n\n\n A estrea absoluta de\u00a0Inventio\u00a0<\/em>ter\u00e1 lugar o\u00a030 de setembro\u00a0no Teatro Jofre de Ferrol e o espect\u00e1culo aterrar\u00e1 en Pontevedra na segunda fin de semana de novembro para ofrecer\u00a0cinco funci\u00f3ns. O venres 11 ter\u00e1 lugar o primeiro pase, \u00e1s 20.00 horas, mentres que o\u00a0s\u00e1bado 12 de novembro\u00a0haber\u00e1 unha dobre sesi\u00f3n \u00e1s 17.00 e \u00e1s 20.30 horas. Finalmente, o domingo 13 haber\u00e1, tam\u00e9n, outra dobre sesi\u00f3n, \u00e1s 12.00 e \u00e1s\u00a017.00h. Co gallo da activaci\u00f3n da venda de entradas, o p\u00fablico poder\u00e1 adquirir\u00a0at\u00e9 o vindeiro 17 de xu\u00f1o\u00a0os seus tickets cun prezo reducido,\u00a0cun desconto dun 30% sobre o prezo final. Neste per\u00edodo de venda, as entradas ir\u00e1n desde os 10,50\u20ac at\u00e9 os 17,50\u20ac en funci\u00f3n da situaci\u00f3n da butaca. Toda a informaci\u00f3n est\u00e1 dispo\u00f1ible no espazo web\u00a0www.inventio.gal<\/a>.<\/p>\n\n\n\n A HISTORIA.<\/strong>\u00a0Ano 2094. O noso mundo \u00e9 branco, as\u00e9ptico, limpo, ordenado. O noso universo \u00e9 fr\u00edo e tan impersoal coma o quir\u00f3fano dun hospital. Deixamos de sentir e de comunicarnos. Aterramos no futuro, si, pero perdemos a memoria e a emoci\u00f3n. Galicia. \u00daltimo ano Xacobeo deste s\u00e9culo XXI. Unha\u00a0troupe<\/em>\u00a0formada por un ilusionista, seis bailar\u00edns e sete artistas de circo comproban que xa non existe o Cami\u00f1o de Santiago, xa ningu\u00e9n o lembra. Non quedan peregrinos nin un cami\u00f1o que percorrer xuntos. Tampouco a auga ou a chuvia, o son das gaitas, o verde dos campos ou a pegada do mar na area. Nin rastro nin lembranza ningunha. Que era todo aquilo? Onde quedaron a viaxe, a busca e o descubrimento? Onde liscou a sensibilidade? Velaqu\u00ed as preguntas que van guiar a esa\u00a0troupe<\/em>\u00a0circense, que teima nunha misi\u00f3n: reconstru\u00edr a s\u00faa identidade cultural. Sobre as t\u00e1boas, os artistas vense envoltos nunha aventura sen igual. O pasado t\u00f3caos maxicamente e unha forza sobrenatural transformaraos.<\/p>\n\n\n\n Inventio<\/em>\u00a0nace co obxectivo de servir de veh\u00edculo de co\u00f1ecemento e divulgaci\u00f3n do Cami\u00f1o de Santiago e da cultura galega a trav\u00e9s dunha historia de buscas e encontros, apta para p\u00fablico familiar e adulto. Tr\u00e1tase dun espect\u00e1culo que dota o noso patrimonio cultural dun enorme poder simb\u00f3lico: tradici\u00f3ns nadas hai s\u00e9culos que perduran hoxe, e fano enriquecidas e felizmente contaminadas doutras manifestaci\u00f3ns art\u00edsticas, cunha ollada aberta que pon en valor o que nos constr\u00fae e o que nos une.<\/p>\n\n\n\n O EQUIPO.<\/strong>\u00a0Con direcci\u00f3n do novo ilusionista galego Mart\u00edn Varela e dramaturxia de Jos\u00e9 L. Prieto, o equipo creativo e art\u00edstico de\u00a0Inventio<\/em>\u00a0est\u00e1 formado por m\u00e1is de 40 persoas, entre elas seis bailar\u00edns e sete artistas circenses e mais o propio Varela, que exercer\u00e1 de gu\u00eda do espect\u00e1culo. \u00c1 fronte da direcci\u00f3n art\u00edstica, Suso Montero, reco\u00f1ecido escen\u00f3grafo cunha dilatada traxectoria en teatro e televisi\u00f3n. Na direcci\u00f3n de maxia, dous destacados ilusionistas espa\u00f1ois -Fani Triana e Mart\u00edn Cami\u00f1a- e na de circo, Jorge Miquel, un estudoso cunha longa traxectoria na posta en marcha de proxectos circenses. Na direcci\u00f3n musical, Jos\u00e9 Trincado ‘Triki’, produtor e t\u00e9cnico que traballou con grupos como Milladoiro ou compa\u00f1\u00edas como a Fura dels Baus. \u00c1 fronte do ballet e as coreograf\u00edas, Mercedes Su\u00e1rez; Alberto Casas no dese\u00f1o de iluminaci\u00f3n e Conchi Silvent na direcci\u00f3n de vestiario.<\/p>\n\n\n\n