DÍAS DE LIXO

Miguel Díaz

Patriotas que apestan a rancio,

paus de golf, segunda residencia…

Bandeiras, Paquito, casposos,

aguias cosidas, iates á espera…

Desprezo do esforzo e dos mortos,

orneos fascistas na inconsciencia…

Rúas da falacia e do patetismo,

egoísmo de miserables ovellas…

Máis espécimes que neuronas

esixindo, a brados, liberdade

Barrio rico, xente pobre,

berrega insensible a necidade…

Rotondas cunha única dirección

á ultradereita desprezable,

xunta de escoura privilexiada,

altofalantes da barbarie…

Trapos da tea das elites,

infame festa da inhumanidade,

podremia dun tempo escuro,

pobres virus da mesquindade…